കോട്ടയം: കോട്ടയം അതിരൂപതയുടെ നേതൃത്വത്തില്‍ കോതനല്ലൂര്‍ തൂവാനിസയില്‍ നടത്തപ്പെടുന്ന 18-ാമത് ബൈബിള്‍  കണ്‍വന്‍ഷന്‍ ഇന്ന് (സെപ്റ്റംബര്‍ 20 ന്) കോട്ടയം അതിരൂപതാദ്ധ്യക്ഷന്‍ മാര്‍ മാത്യു മൂലക്കാട്ട് മെത്രാപ്പോലീത്ത തിരിതെളിച്ച് ഉദ്ഘാടനം ചെയ്തു. രാവിലെ 10 മണിക്ക് ഫാ. ജേക്കബ്ബ് മുല്ലൂരിന്റെ നേതൃത്വത്തില്‍ നടത്തപ്പെട്ട ബൈബിള്‍ പ്രതിഷ്ഠയോടെയാണ് കണ്‍വന്‍ഷന്‍ ആരംഭിച്ചത്. മാര്‍ മാത്യു മൂലക്കാട്ട് മെത്രാപ്പോലീത്തയുടെ മുഖ്യകാര്‍മ്മികത്വത്തില്‍ വിശുദ്ധ കുര്‍ബാന അര്‍പ്പിക്കും.തുടര്‍ന്ന് ഫാ. ജോമോന്‍ കൊച്ചുകണിയാപറമ്പില്‍ വചനശുശ്രൂഷകള്‍ക്ക് നേതൃത്വം നല്‍കും. ദുരിതബാധിതര്‍ക്കായുള്ള പ്രത്യേക പ്രാര്‍ത്ഥനകള്‍ ആദ്യദിനത്തില്‍ നടത്തപ്പെടു

കണ്ണങ്കര സീഡ് ക്ലബ് അംഗങ്ങളുടെ നേതൃത്വത്തിൽ സെപ്റ്റംബർ 16 ലോക ഓസോൺ ദിനത്തോടനുബന്ധിച്ച് സെന്റ് മാത്യൂസ് ഹൈസ്കൂളിൽ സൈക്കിൾ റാലിയും ഓസോൺ സംരക്ഷണ സെമിനാറും നടത്തി. ഹെഡ്മാസ്റ്റർ ഓ എം മാത്യു സാർ റാലി ഫ്ളാഗ് ഓഫ് ചെയ്തു. ആരോഗ്യസംരക്ഷണത്തിനും പരിസ്ഥിതി മലിനീകരണം തടയുന്നതിനും. ഖനിജ ഇന്ധന ഉപയോഗം കുറയ്ക്കുന്നതിന് വേണ്ടി സൈക്കിൾ യാത്ര പ്രോത്സാഹിപ്പിക്കുകയാണ് റാലിയുടെ ലക്ഷ്യം. കാർഷിക ക്ലബ്ബ് രൂപീകരിച്ച ശാസ്ത്രീയമായി ജൈവവളവും ജൈവ കീടനാശിനികളും നിർമ്മിച്ച ജൈവകൃഷി നടത്തുന്നതിന് ബോധവൽക്കരണ ക്ലാസ്സ് എസ്എൽ പുരം ഗാന്ധിസ്മാരക കേന്ദ്രത്തിലെ കൃഷിയുടെ ചുമതലയുള്ള ശ്രീ മനു  ക്ലാസുകൾ നയിച്ചു.

  കോട്ടയം: ദൈവസ്‌നേഹത്തിലും കാരുണ്യജീവിതശൈലിയിലും ആഴപ്പെടണണമെന്ന് കോട്ടയം അതിരൂപതാ മെത്രാപ്പോലീത്ത മാര്‍ മാത്യു മൂലക്കാട്ട്. കോട്ടയം അതിരൂപതയുടെ നേതൃത്വത്തില്‍ കോതനല്ലൂര്‍ തൂവാനിസയില്‍ നടത്തപ്പെടുന്ന 18-ാമത് ബൈബിള്‍ കണ്‍വന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രക്ഷയിലേക്കുള്ള വഴി സ്‌നേഹത്തിന്റെയും കാരുണ്യത്തിന്റേതുമാണ്. പരസ്പര സ്‌നേഹത്തിലും കാരുണ്യത്തിലും സഹോദരരില്‍ ദൈവത്തെ ദര്‍ശിക്കാന്‍ കഴിയുമ്പോഴാണ് ക്രൈസ്തവ ജീവിതം അര്‍ത്ഥപൂര്‍ണ്ണമാകുന്നതെന്നും തിരുവചനത്തിലധിഷ്ഠിതമായ ജീവിതം നയിച്ച് നന്മയുടെ പരിമളം പരത്തുവാന്‍ ഓരോരുത്തരും പരിശ്രമിക്കണമെന്നും പിതാവ് ഉദ്ഘാടന പ്രസംഗത്തില്‍ പറഞ്ഞു. രാവിലെ 10 മണിക്ക് ഫാ. ജേക്കബ്ബ് മുല്ലൂരിന്റെ നേതൃത്വത്തില്‍ ബൈബിള്‍ പ്രതിഷ്ഠ നടത്തി.  മാര്‍ മാത്യു മൂലക്കാട്ട് മെത്രാപ്പോലീത്ത തിരിതെളിച്ച് കണ്‍വന്‍ഷന്‍ ഉദ്ഘാടനം ചെയ്യുകയും വി. കുര്‍ബ്ബാനയില്‍ മുഖ്യകാര്‍മ്മികത്വം വഹിക്കുകയും ചെയ്തു. തുടര്‍ന്ന് ഫാ. ജോമോന്‍ കൊച്ചുകണിയാപറമ്പില്‍ വചനശുശ്രൂഷകള്‍ക്ക് നേതൃത്വം നല്‍കി. ദുരിതബാധിതര്‍ക്കായുള്ള പ്രത്യേക പ്രാര്‍ത്ഥനകളും നടത്തപ്പെട്ടു.  കണ്‍വന്‍ഷന്റെ രണ്ടാം ദിനമായ  (21-ാം തീയതി) രാവിലെ 10 മണിക്ക് കോട്ടയം അതിരൂപത വികാരി ജനറാള്‍ ഫാ. മൈക്കിള്‍ വെട്ടിക്കാട്ട് വിശുദ്ധ കുര്‍ബാനയ്ക്ക് കാര്‍മ്മികത്വം വഹിക്കും. തുടര്‍ന്ന് ബ്രദര്‍ തോമസ് കുമളി വചനശുശ്രൂഷയ്ക്ക് നേതൃത്വം നല്‍കും. രോഗികള്‍ക്കും കുടുംബങ്ങള്‍ക്കും വിദ്യാര്‍ത്ഥികള്‍ക്കും യുവജനങ്ങള്‍ക്കുമായി പ്രത്യേകം പ്രാര്‍ത്ഥനാ ശുശ്രൂഷകള്‍ കണ്‍വന്‍ഷനോടനുബന്ധിച്ച് നടത്തപ്പെടും. നാല് ദിവസം നീണ്ടു നില്‍ക്കുന്ന കണ്‍വന്‍ഷന്‍ സെപ്റ്റംബര്‍ 24 ന് സമാപിക്കും 

  രാജപുരം:രാജപുരം സെന്റ് പയസ് ടെൻത് കോളജിൽ ലൈബ്രറിയും, ബോധിയും, പി.ടി.എയും സംയുക്തമായി ഒരുക്കുന്ന പുസ്തകോത്സവം സെപ്തംബർ 25, 26 തീയതികളിൽ കോളേജ് ലൈബ്രററി ഹാളിൽ വച്ച് നടക്കും. കേരളത്തിലെ പ്രമുഖ പ്രസാധകർ ഒരുക്കുന്ന പുസ്തക പ്രദർശനവും, വില്പനയും ഉണ്ടായിരിക്കുന്നതാണ്.  

  ഡി. റ്റി. മ്യൂസിക്കൽ ക്രിയേഷൻസിന്റെ ബാനറിൽ ഡോമി തറയിൽ സ്വന്തമായി എഴുതി നിർമ്മിക്കുന്ന പുതിയ ഭക്തിഗാന ആൽബം റിലീസിങ്ങിനൊരുങ്ങുന്നു.പാപികളെ തേടുന്ന നല്ല ഇടയനായ യേശുവിന്റെ നിസ്വാർഥമായ സ്നേഹത്തെ പ്രതിഫലിപ്പിക്കുന്ന ഗാനങ്ങളടങ്ങിയ ആൽബത്തിന് ഇടയസ്നേഹം എന്നാണ്പേരിട്ടിരിക്കുന്നത് .കഴിവുറ്റ സംഗീത സംവിധായകനും കോട്ടയം ഗിരിദീപം സ്‌കൂളിലെ സംഗീത അധ്യാപകനുമായ കെ എ അനീഷ് ആണ് ഈ ഗാനങ്ങൾക്ക് സംഗീതം നൽകിയിരിക്കുന്നത്. പൂമരം സിനിമയിലെ രണ്ടു ഗാനങ്ങളുടെ സംവിധാനത്തിലുഉടെ ശ്രദ്ധേയനായ അനീഷ് വിവിധ സിനിമകളുടെയും പല ആല്‍ബങ്ങളുടെയും സംഗീത സംവിധാനവുമായി ബന്ധപ്പെട്ടു തിരക്കിലാണ്.അനുഗ്രഹീത ഗായകരായ മധു ബാലകൃഷ്ണൻ, എം ജി ശികുമാർ, കെസ്റ്റർ,മനോ, നിമിഷ, സിസിലി എബ്രഹാം, ശ്രേയ ജയദീപ്, നിഖിൽ രാജ്, വിൽസ്വരാജ്, ദീപ ബിനു, തേജസ്വിനി അനീഷ് എന്നിവരാണ് ഇടയസ്നേഹത്തിലെ ഗാനങ്ങൾ ആലപിച്ചിരിക്കുന്നത്. ഡോമിയുടെ സ്വന്തം ഇടവകയായ പാലത്തുരുത്തു  സെന്റ് ത്രേസ്യാസ് ക്‌നാനായ പള്ളിയുടെ ശതാബ്ദി ആഘോഷങ്ങളോടനുബന്ധിച്ചു ഒക്ടോബർ 17ന് ഇടയസ്നേഹം റിലീസ് ചെയ്യും.റിലീസിങ്ങിനുശേഷം ഇടയസ്നേഹത്തിലെ ഗാനങ്ങൾ സിഡിയിലും, കൂടാതെ ഓൺലൈനിലും ലഭ്യമായിരിക്കും. പ്രമുഖ ഓൺലൈൻ സംഗീത വിതരണ സൈറ്റുകളായ ഐട്യൂൺസ്, ആമസോൺ, ഗൂഗിൾ പ്ലേയ്, സി ഡി ബേബി സ്റ്റോർ,തുടങ്ങിയ സൈറ്റുകളിൽ നിന്നും പാട്ടുകൾ നേരിട്ട് ഡൌൺലോഡ്ചെയ്യാവുന്നതായിരിക്കും. കൂടുതൽ വിവരങ്ങൾക്ക് ബന്ധപ്പെടുക. USA-ഡോമി തറയില്‍  6518155212. INDIA-എബി മണലേല്‍  8547965869.  

  ടൊറോന്റോ : ചരിത്രപ്രിസിദ്ധമായ കടുത്തുരുത്തി മുത്തിയമ്മയുടെ നാമത്തിൽ ആരംഭിച്ച ടൊറൊന്റോ സെന്റ്‌ മേരീസ് ക്നാനായ കത്തോലിക്ക ദേവാലയത്തിൽ പരിശുദ്ധ കന്യാമറിയത്തിന്റെ പിറവിത്തിരുന്നാളും എട്ടു നോമ്പാചരണവും സെപ്റ്റംബർ 1 മുതൽ 9 വരെയുളള തീയതികളിൽ ഭക്തിയാദരപൂർവം കൊണ്ടാടി .പ്രധാന തിരുന്നാൾ ദിവസമായ സെപ്റ്റംബർ ഒന്നാം തീയതി ഞായറാഴ്ച രാവിലെ 10 മണിക്ക് ഇടവക വികാരി റവ . ഫാ . പത്രോസ് ചമ്പക്കര പതാക ഉയർത്തിയതോടെ ആരംഭിച്ച തിരുകർമങ്ങൾക്കും ,വചന ശുശ്രുഷക്കും റെവ. ഫാ . ഷിബിൾ പരിയാത്തുപടവിൽ  മുഖ്യ കാർമികനായി .തിരുന്നാൾ കുർബാനക്കും ലദീഞ്ഞിനും ശേഷം പരിശുദ്ധ ദൈവമാതാവിന്റെയും വിശുദ്ധരുടെയും തിരുസ്വരൂപങ്ങൾ വഹിച്ചുകൊണ്ടുള്ള പ്രദിക്ഷണത്തിൽ വിശ്വാസികൾ ഭക്തിയാദരപൂർവം പങ്കെടുത്തു .നയാഗ്ര തരംഗത്തിന്റെ വാദ്യമേളം പ്രദിക്ഷണത്തിനു മാറ്റുകൂട്ടി .തുടർന്നു നടന്ന സ്നേഹവിരുന്നിലും ,ഏലക്കാമാല ലേലത്തിലും എല്ലാവരും പങ്കാളികളായി .തിരുന്നാൾ പ്രസുദേന്തി മാത്യു & ആലീസ്  കുടിയിരുപ്പിൽ , കൈക്കാരന്മാരായ സാബു തറപ്പേൽ ,ബിജു കിഴക്കെപുറത്തു , സെക്രട്ടറി സിനു മുളയാനിക്കൽ തുടങ്ങിയവരുടെ നേതൃത്വത്തിലുള്ള വിവിധ കമ്മിറ്റികള്‍ തിരുനാള്‍ വിജയത്തിനുവേണ്ടി പ്രവര്‍ത്തിച്ചു.   

  ആഗോള ക്നാനായ സമൂഹത്തിൽ ഏറെ ശ്രദ്ധയാകർഷിച്ച നാലാമത് ഓഷ്യാന ക്നാനായ കൺവെൻഷൻ " പൈതൃകം 2018 " പരസ്യ വീഡിയോകൾക്കും ഫ്ലായറുകൾക്കും പിന്നിൽ പ്രവർത്തിച്ചത് ബ്രിസ്‌ബേൻ ടൂവൂമ്പയിൽ താമസമാക്കിയ ഷിജു സജനി ചെട്ടിയാത്ത് ദമ്പതികളുടെ പുത്രൻ ടോം ചെട്ടിയാതാണ്. ടൂവൂമ്പയിൽ പതിനൊന്നാം ക്ലാസ്സ് വിദ്യാർഥിയായ ടോം 2017 ഓഗസ്റ്റ്  മാസം മുതൽ പൈതൃകം 2018 ന്റെ പരസ്യത്തിന് പിന്നിൽ പ്രവർത്തിക്കുന്നു. കൺവെൻഷൻ പരസ്യ കമ്മിറ്റിയുടെ കൺവീനറായി പ്രവർത്തിക്കുന്ന തന്റെ പിതാവ് ഷിജു ചെട്ടിയാത്തതിനെ സഹായിക്കാനായി തുടക്കം കുറിച്ച ടോം ഇന്ന് ലോക ക്നാനായ സമൂഹം അറിയപ്പെടുന്ന പൈതൃകം 2018 ന്റെ പരസ്യത്തിന് പിന്നിൽ പ്രവർത്തിക്കുന്ന അദർശ്യ കരങ്ങളായി  മാറിയിരിക്കുന്നു.വളർന്നു  വരുന്ന ക്നാനായ യുവതയ്ക്ക് മാതൃകയായി മാറിയ ടോമിനെ പൈതൃകം വേദി പ്രേത്യേക പുരസ്‌കാരം നൽകി അഭിനന്ദിക്കുന്നതായിരിക്കും.