oceana

പൈതൃകം 2018 ഒരുക്കങ്ങൾ ധൃദഗതിയിൽ

Saju Kannampally  ,  2018-05-06 06:48:52pmm Benjamin Mecheril

ക്നാനായ കത്തോലിക്കാ കോൺഗ്രസ് ഓഷിയാന അണിയിച്ചൊരുക്കുന്ന നാലാമത് ക്നാനായ കൺവെൻഷൻ പൈതൃകം 2018ന്റെ ഒരുക്കങ്ങൾ ധൃദഗതിയിൽ പുരോഗമയ്ക്കുന്നു. ഒക്ടോബർ 5, 6, 7 ദിവസങ്ങളിൽ സഞ്ചാരികളുടെ പറുദീസയായ ഗോൾഡ് കോസ്റ്റിലെ സീവെൽഡ് റിസോർട്ടിൽ നടത്തപ്പെടുന്ന ഈ ക്നാനായ മാമാങ്കത്തിന്റെ വിജയത്തിനായി 25 പേരടങ്ങുന്ന പ്ലാനിങ് കമ്മിറ്റിയും 16 സബ്‌കമ്മിറ്റികളും ചിട്ടയായ പ്രവർത്തനങ്ങൾ നടത്തിവരികയാണെന്നും, കോൺവെൻഷനിൽ പങ്കെടുക്കുന്ന മുഴുവൻ കുടുംബങ്ങൾക്കും സീവേൾഡ് റിസോർട്ടിൽ തന്നെ താമസസൗകര്യം ഒരുക്കിയിട്ടുണ്ടെന്നും, BKCC യുടെ പ്രേസിഡന്റും കൺവെൻഷൻ ചെയർമാനുമായ ടിജോ പ്രാലേൽ അറിയിച്ചു. 

ഓഷിയാന ക്നാനായ കൺവെൻഷന്റെ ചരിത്രത്തിലാദ്യമായി 400 ൽ അധികം കുടുംബങ്ങൾ പങ്കെടുക്കുന്ന ഈ മഹാ സമ്മേളനം മുന്നൊരുക്കത്തിന്റെ മികവുകൊണ്ടും, ജനപങ്കാളിത്തം കൊണ്ടും ജനമനസുകളിൽ ഇടംപിടിച്ചു  കഴിഞ്ഞു. പൂർവ്വപിതാക്കളുടെ കുടിയേറ്റ പാത പിന്തുടർന്ന് ഓഷിയാനയിൽ എത്തിയ ക്നാനായ മക്കൾ പൈതൃകത്തനാലണയുന്ന ഈ മൂന്നുനാളുകൾ, ക്നാനായ പാരമ്പര്യത്തിന്റെയും പൈതൃകത്തിന്റെയും, സാഹോദര്യത്തിന്റെയും നേർക്കാഴ്ചയാകട്ടെ എന്ന് KCCO പ്രെസിഡന്റും കൺവെൻഷൻ കൺവീനറും ആയ ഡെന്നിസ് കുടിലിൽ പ്രത്യാശ പ്രകടിപ്പിച്ചു. 

കൺവെൻഷന് ആതിഥേയത്വം വഹിക്കുന്ന ബ്രിസ്‌ബേൻ ക്നാനായ കത്തോലിക്ക കമ്മ്യൂണിറ്റി, സിങ്കപ്പൂർ, ന്യൂസിലാൻഡ്, ഓസ്‌ട്രേലിയയുടെ വിവിധ സംസ്ഥാനങ്ങളിൽ നിന്നനുമൊക്കെ എത്തുന്ന ക്നാനായ സഹോദരങ്ങൾക്ക് മതിമറന്നാഘോഷിക്കാനുള്ള എല്ലാ മുന്നൊരുക്കങ്ങളും നടത്തി ആകാംഷയോടെ കാത്തിരിക്കുന്നതായി BKCC യുടെ സെക്രട്ടറിയും കൺവെൻഷൻ വൈസ് ചെയർമാനുമായ പ്രസാദ് പീറ്റർ അറിയിച്ചു.



Latest

Copyrights@2016.