gulf

കുവൈറ്റ് കരിങ്കുന്നം അസോസിയേഷൻറെ 15-ാംമത് വാര്‍ഷികം ആഘോഷിച്ചു.

Tiju Kannampally  ,  2018-03-28 03:44:14amm

കുവൈറ്റ് കരിങ്കുന്നം അസോസിയേഷൻറെ ഔട്ട്ഡോർ പിക്‌നിക്കും പതിനഞ്ചാമത് വാർഷിക ആഘോഷവും കബദ് ഷാലയിൽ വച്ച് മാർച്ച് 23ന് നടത്തപ്പെട്ടു. വെള്ളിയാഴ്ച രാവിലെ 10 മണിയോടെ ആരംഭിച്ച പരിപാടിയിൽ പ്രസിഡൻറ് ജിൽ പാറടിയിൽ അധ്യക്ഷനും പേട്രൺ ടിറ്റോ കറുത്തേടം ഉദ്ഘാടകനുമായിരുന്നു. 15 മത് വാർഷികാഘോഷത്തിന്റെ ഭാഗമായി മുൻകാല പ്രസിഡൻറുമാർ കേക്ക് മുറിച്ച് മധുരം പങ്കുവെച്ചു. കരിങ്കുന്നം അസോസിയേഷൻറെ ആദ്യത്തെ ട്രെഷറർ സലിമോൻ വേണാട്ട് അസോസിയേഷൻറെ രൂപീകരണവും ആദ്യ സമ്മേളനത്തെക്കുറിച്ച് പരിപാടിയിൽ വിശദീകരിച്ചത് പുതിയ അംഗങ്ങൾക്ക് നവ്യാനുഭവമായി. പുതുമ നിറഞ്ഞതും വ്യത്യസ്തവുമായ ഗെയിംസും കായികമത്സരങ്ങളും പ്രോഗ്രാം കൂടുതൽ ആസ്വാദ്യകരമാക്കി. വിവിധ ഗ്രൂപ്പുകളിലായി നടത്തപ്പെട്ട വടംവലി മത്സരം അംഗങ്ങളുടെ വാശിയേറിയ പങ്കാളിത്തം കൊണ്ട് ശ്രദ്ധേയമായി. ജോലിയും മറ്റ് തിരക്കുകളും മാറ്റിവച്ചും അസോസിയേഷന്റെ ആദ്യപരിപാടി വമ്പിച്ച വിജയമാക്കിയ എല്ലാവർക്കും 2018 കമ്മിറ്റി നന്ദി അറിയിച്ചു.



Latest

Copyrights@2016.