america

സെന്റ് മേരീസ് ടൊറണ്ടോ ക്‌നാനായ മിഷ്യന്‍ ഇടവകയായി ഉയര്‍ത്തി.

Tiju Kannampally  ,  2018-02-20 12:58:33amm

ടൊറണ്ടോ ; 2014 മുതൽ കാനഡയിലെ ടൊറൊണ്ടോ ആസ്ഥാനമാക്കി പ്രവർത്തിക്കുന്ന സെന്റ് മേരീസ് ക്നാനായ കത്തോലിക്കാ  മിഷ്യൻ ഇടവകയായി ഉയർത്തപ്പെട്ടു . കാനഡയിലെ  ക്നാനായ വേണ്ടി രൂപീകരിക്കപ്പെട്ട പ്രഥമ ഇടവകയാണ് ഇത്.2018 ഫെബ്രുവരി പതിനെട്ടാം തിയതി ആഘോഷമായ കുർബാനയോടുകൂടി അഭിവന്ദ്യ ജോസ് കല്ലുവേലില്‍ പിതാവ് ഈ മിഷന് ഒരു ഇടവകയായി ഉയർത്തി കൽപ്പന പുറപ്പെടുവിച്ചു. ക്നാനായ സമുദായം ഒരു സീറോ മലബാര്‍ എക്‌സാര്‍ക്കേറ്റിന്റ് അഭിഭാജ്യ ഘടകമാണെന്നും അവരുടെ തനിമയും ഒരുമയും പൈതൃകവും സംരക്ഷിക്കപ്പെടേണ്ടതാണെന്നും സന്ദേശത്തിൽ പിതാവ് ഓർമിപ്പിച്ചു. കാനഡയിലെ സീറോ മലബാര്‍ എക്‌സാര്‍ക്കേറ്റിലുളള ക്നാനായക്കാരുടെ അജപാലന പരവും സഭാപരവുമായ  ഉന്നതിക്കുവേണ്ടി ബഹുമാനപ്പെട്ട ഫാദർ പത്രോസ് ചമ്പക്കരയെ ക്നാനായ വിശ്വാസികളുടെ ഡയറക്ടറായി നിയമിച്ചു.  ദീർഘനാളായ കാത്തിരുപ്പിന്റെ ഫലമായി ലഭിച്ച നിയമനത്തെ ക്നാനായ ജനം കരഘോഷത്തോടെയും നടവിളികളോടെയും സ്വീകരിച്ചത്.വേറിട്ടൊരു അനുഭവമായി. വികാരി ജനറൽ മോൺസിഞ്ഞോർ ഫാദർ സെബാസ്റ്റ്യൻ അരീക്കാട്ട് തന്റെ ആശംസയിലൂടെ യുവജനങ്ങളാല്‍ സമൃദ്ധമായ ഈ മിഷ്യന് എല്ലാവിധ ആശംസകളും വിജയങ്ങളും നേര്‍ന്നു. സെന്റ് മേരീസ് ക്നാനായ മിഷന്റെ ആദ്യ ഡയറക്ടറായ ഫാദർ ജോർജ് പാറയിലിന്റെ സാന്നിധ്യം ഇടവക ജനങ്ങളിൽ വളരെ സന്തോഷം ഉളവാക്കി. താൻ തുടങ്ങിവച്ച സെന്റ് മേരീസ് ക്നാനായ മിഷ്യന്റെ പിൻഗാമിയായി ശക്തനായ ഫാദർ പത്രോസ് ചമ്പക്കര യുടെ നേതൃത്വത്തിൽ ഇടവകയായി  ഉയര്‍ത്തപ്പെട്ടതില്‍  അത്യധികം സന്തോഷം ഫാ. ജോർജ് പാറയിൽ പ്രകടിപ്പിച്ചു. പുരാതന പാട്ടുകൾ പാടിയും  നടവിളിച്ചും  ഇടവകജനം തങ്ങളുടെ സന്തോഷം പരസ്പരം പങ്കുവെച്ചു.

 



Latest

Copyrights@2016.