gulf

പ്രവാസി ക്നാനായ അംഗത്വം : അതിരൂപതാ നേതൃത്വത്തിന് പിന്തുണയുമായി കെ കെ സി എ നാഷണൽ കമ്മിറ്റി.

Saju Kannampally  ,  2018-01-21 10:17:08pmm ജയേഷ് ഓണശ്ശേരിൽ

കുവൈറ്റ് സിറ്റി : പ്രവാസി ക്നാനായക്കാരുടെ മിഷനുകളിലെയും ഇടവകകളിലെയും അംഗത്വത്തെ സംബന്ധിച്ചുള്ള പുതിയ സാഹചര്യങ്ങൾ കെ കെ സി എ നാഷണൽ കമ്മിറ്റി വിശദമായി ചർച്ച ചെയ്തു. കുവൈറ്റിൽ ഹൃസ്വ സന്ദർശനത്തിന് എത്തിയ അഭിവന്ദ്യ മാർ ജോസഫ് പണ്ടാരശ്ശേരിൽ പിതാവിന്റെ സാന്നിധ്യത്തിൽ ആയിരിന്നു യോഗം ചേർന്നത്.

കുവൈറ്റിലെ 15 യുണിറ്റിൽ നിന്നുമുള്ള 100 -ൽ പരം അംഗങ്ങൾ യോഗത്തിൽ പങ്കെടുത്തു. കനേഡിയൻ ബിഷപ്പ് മാർ മുൽഹാമിന്റെ റിപ്പോർട്ടിന്മേലുള്ള സങ്കീര്ണതകളെ പറ്റി വിശദീകരിച്ച കൊച്ചു പിതാവ് വിഷയത്തിൽ അതിരൂപതാ തലത്തിൽ ശ്കതമായ നിലപാടുകളുമായി മുന്നോട്ടു പോകുമെന്ന് യോഗത്തെ അറിയിച്ചു

 തുടന്ന് സംസാരിച്ച യൂണിറ്റ് പ്രതിനിധികൾ നിലവിലെ സാഹചര്യങ്ങളിൽ ആശങ്ക രേഖപ്പെടുത്തുകയും, റിപ്പോർട്ടിന്മേൽ വിട്ടുവീഴ്ചയിലാത്ത നിലപാടുകൾ സ്വീകരിക്കണമെന്ന് ആവശ്യപ്പെടുകയും, അതിരൂപതാ നേതൃത്വത്തിന് ശക്തമായ പിന്തുണ അറിയിക്കുകയും ചെയ്തു. കെ കെ സി എ പ്രസിഡന്റ് ജോബി പുളിക്കോലിൽ , ജനറൽ സെക്രട്ടറി ജയേഷ് ഓണശ്ശേരിൽ , ട്രെഷറർ മെജിത് ചമ്പക്കര , കെ സി സി എം ഇ ജന . സെക്രട്ടറി ഷിൻസൻ ഓലിക്കുന്നേൽ എന്നിവർ ചർച്ചക്ക് നേതൃത്വം നൽകി .



Latest

Copyrights@2016.