india

BCM ഫുട്‌ബോള്‍ ടൂർണമെന്റിന് എല്ലാ ഒരുക്കങ്ങളും പൂര്‍ത്തിയായി .

Tiju Kannampally  ,  2018-01-15 12:53:35amm

പയ്യാവൂർ : മലബാർ കുടിയേറ്റ പ്ലാറ്റിനം ജൂബിലി വർഷത്തിൽ കുടിയേറ്റത്തിന്റെ ശില്പിയും കോട്ടയം അതിരൂപതയുടെ ദ്വിതീയ ഇടയനുമായ അഭി. അലക്‌സാണ്ടർ ചൂളപ്പറമ്പിൽ പിതാവിന്റെ സ്മരണാർത്ഥം അതിരൂപതാ കോർപ്പറേറ്റ് വിദ്യാഭ്യാസ ഏജൻസി സംഘടിപ്പിക്കുന്ന BCM ഫുട്ബാൾ ടൂർണമെന്റിന് രണ്ടു ദിവസത്തിനുള്ളിൽ പന്തുരുളും. ജനുവരി 17 മുതൽ 21 വരെ നടക്കുന്ന ടൂർണമെന്റിൽ വിവിധ ജില്ലകളിൽ നിന്നും 21 ടീമുകൾ പങ്കെടുക്കുന്നു. ജനുവരി 17 ന് കോർപ്പറേറ്റ് സെക്രട്ടറി റവ. ഫാ. സ്റ്റാനി ഇടത്തിപ്പറമ്പിലിൻ്റെ അധ്യക്ഷതയിൽ കെ സി ജോസഫ്  MLA ടൂർണമെന്റ് ഉദ്ഘാടനം ചെയ്യും. സ്‌കൂൾ മാനേജർ റവ. ഫാ. സജി പുത്തൻപുരയ്ക്കൽ മുഖ്യപ്രഭാഷണം നടത്തും. സമാപന സമ്മേളനം 21 ന് കണ്ണൂർ ജില്ലാ പഞ്ചായത്ത് അംഗം പി കെ സരസ്വതി ഉദ്ഘാടനം ചെയ്യും. മാനേജർ റവ. ഫാ. സജി പുത്തൻപുരയ്ക്കൽ അധ്യക്ഷത വഹിക്കും. പയ്യാവൂർ ഗ്രാമപഞ്ചായത്ത് പ്രസിഡണ്ട് ഡെയ്‌സി ചിറ്റൂപറമ്പിൽ വിജയികൾക്ക് സമ്മാനങ്ങൾ വിതരണം ചെയ്യും. ടൂർണമെന്റ് വിജയകരമായി നടത്തുന്നതിനായി പ്രിൻസിപ്പൽ കെ സി റെജിമോൻ കൺവീനറായും ഹെഡ്മാസ്റ്റർ പി എം മാത്യു ജോയിന്റ് കൺവീനറായും സംഘാടക സമിതി പ്രവർത്തനങ്ങൾ ഏകോപിപ്പിച്ചു വരുന്നു. ടൂർണമെന്റിന് ഒരുക്കങ്ങൾ പൂർത്തിയായതായി പബ്ലിസിറ്റി കമ്മിറ്റി ചെയർമാൻ ബാബുരാജ് ഉളിക്കൽ, കൺവീനർ ബിനു ജേക്കബ്ബ് എന്നിവർ അറിയിച്ചു.

എല്ലാ ഒരുക്കങ്ങളും പൂര്‍ത്തിയായി ഫുട്‌ബോള്‍

 

 



Latest

Copyrights@2016.