america

ലോസ് ഏഞ്ചൽസിൽ ക്രിസ്മസ് ആഘോഷങ്ങൾ അവിസ്മരണീയമായി

Cijoy Parapally  ,  2018-01-01 08:15:57pmm

ലോസ് ഏഞ്ചൽസ്: സെന്റ് പയസ് ടെൻത് ക്നാനായ കത്തോലിക്കാ ഇടവകയിൽ വൈവിധ്യമാർന്ന പരിപാടികൾ കൊണ്ട് ക്രിസ്മസ് ആഘോഷങ്ങൾ അവിസ്മരണീയമായി.

 

ക്രിസ്മസ് രാവിൽ സെന്റ് പയസ് ടെൻത് ദേവാലയത്തിൽ വച്ച് നടന്ന വിശുദ്ധ കുർബാനയിലും ക്രിസ്മസ് തിരുക്കർമ്മങ്ങളിലും വികാരി ഫാ. സിജു മുടക്കോലിൽ കാര്‍മികത്വം വഹിച്ചു. ക്രിസ്മസ് തിരുകര്‍മ്മങ്ങളിലും ആഘോഷങ്ങളിലും സജീവമായി പങ്കെടുത്ത ഇടവക സമൂഹത്തിനും, ഗായകസംഘത്തിനും, അലങ്കാരങ്ങൾ ഒരുക്കാൻ നേതൃത്വം നൽകിയ സ്റ്റീഫൻ കട്ടപ്പുറത്തിനും, സിസ്റ്റേഴ്സിനും, ട്രസ്റ്റിമാരായ ജോൺ മുട്ടത്തിൽ, റോജി കണ്ണാലിൽ എന്നിവര്‍ക്കും പാരിഷ് കൗൺസിൽ അംഗങ്ങൾക്കും വികാരി നന്ദി പറഞ്ഞു. ഇടവകയിലെ കായിക ദിനത്തിൽ ഏറ്റവും കൂടുതൽ പോയിന്റ് നേടിയ കൂടാരയോഗത്തിനുള്ള റിസി കള്ളിപ്പുറത്ത് മെമ്മോറിയൽ എവർ റോളിംഗ് ട്രോഫിയും ക്യാഷ് അവാർഡും വി. കുർബാനക്ക് ശേഷം വിതരണം ചെയ്‌തു.

 

തുടർന്ന് ക്നാനായ കാത്തലിക്ക് കോൺഗ്രസ് ഓഫ് സതേൺ കാലിഫോർണിയ (കെ.സി.സി.എസ്.സി)യുടെ  ആഭിമുഖ്യത്തിൽ എൽക്സ് ലോഡ്ജ് ഹാളിൽ വച്ച് ക്രിസ്മസ് ഡിന്നറും കലാസന്ധ്യയും നടത്തി. ആഘോഷങ്ങളിൽ കെ.സി.സി.എസ്.സി പ്രസിഡണ്ട് ഷിജു അപ്പോഴിയിൽ അധ്യക്ഷനായിരുന്നു. കെ.സി.സി.എസ്.സി സെക്രട്ടറി ജോൺ വള്ളിപ്പടവിൽ, വികാരി ഫാ. സിജു മുടക്കോലിൽ, കെ.സി.സി.എൻ.എ. ട്രഷറർ അനിൽ മറ്റപ്പള്ളിക്കുന്നേൽ, പള്ളി ട്രസ്റ്റീ ജോൺ മുട്ടത്തിൽ എന്നിവർ പ്രസംഗിച്ചു. കുട്ടികളും മുതിന്നവരും ഒരുപോലെ പങ്കെടുത്ത കലാസന്ധ്യ ഏവരുടെയും മനം കവർന്നു.



Latest

Copyrights@2016.