oceana

വർണ്ണങ്ങൾ വാരി വിതറുന്ന പുതുവത്സരരാവ് | മെട്രിസ് ഫിലിപ്പ് സിംഗപ്പൂർ

Saju Kannampally  ,  2017-12-29 10:14:26pmm

2018 ജനുവരി 1 ലോകരാജ്യങ്ങൾ ഒന്നുചേർന്ന് പുതിയ ഒരു വർഷത്തെ വരവേൽക്കാൻ ഒരുങ്ങി കഴിഞ്ഞിരിക്കുന്നു. കഴിഞ്ഞുപോയ ഒരു വർഷത്തെകുറിച്ചു ചിന്ദിക്കുമ്പോൾ, ഏവർക്കും ഒരുപാട് സന്തോഷത്തിന്റെയും നൊമ്പരങ്ങളുടെയും കഥകൾ പറയുവാനുണ്ടാകും. അതുപോലെ "ലോകം കഴിഞ്ഞ ഒരു വർഷം" എന്ന പേരിൽ പുതിയ പുസ്തകവും  ഏവർക്കും കാണുവാൻ സാധിക്കും. എന്നാൽ അതിനേക്കാൾ എത്രയോ വലുതാണ് ഓരോ മനുഷ്യരുടെയും, അവരുടെതായ സന്തോഷത്തിന്റെയും ദുഃഖങ്ങളുടെയും കഥകൾ. ശരിക്കും ഒരു തിരിഞ്ഞുനോക്കലല്ലേ നമുക്കുവേണ്ടത്. വെറുതെ പാഴാക്കികളഞ്ഞ നിമിഷങ്ങൾ എത്രയോ ആകാം. കഴിഞ്ഞു പോയ ഓരോ നിമിഷങ്ങളും ആർക്കും തിരിച്ചെടുക്കുവാൻ സാധിക്കില്ല. അത്രമാത്രം വിലയേറിയതാണ് സമയം. എല്ലാവർക്കും ഒരുപോലെ ആണ് സമയം. അത് എങ്ങനെ നമ്മൾ വിനിയോഗിക്കുക എന്നതാണ് ഏറ്റുവലിയ വിജയം. ഇന്ന് ലോകം മാറുന്നതോടൊപ്പം ഓരോ മനുഷ്യനും മാറിക്കൊണ്ടിരിക്കുകയാണ്. അവരുടെ സ്വഭാവം, സ്നേഹം, അനുകമ്പ, സന്തോഷം എല്ലാം ഇന്ന് യന്ത്രം പോലെ ആയി മാറിക്കൊണ്ടിരിക്കുന്നു.
തന്റെ ഫോണിലേക്കുവരുന്ന ഗുഡ്മോർണിങ് വാട്സപ്പ് മെസ്സേജിൽ തുടങ്ങുകയാണ് ഒരു ദിവസം. ഇന്ന് എവിടെ നോക്കിയാലും സ്മാർട്ട്ഫോണുകൾ ഉപയോഗിക്കുന്നവർ ആണ്കുടുതലും. ഓരൊരുതരുടെയും കൈകളിൽ ആണ് ഇന്ന് ലോകം. ഏതോ ഒരു മായാലോകത്തിലൂടെ അവർ സഞ്ചരിച്ചു കൊണ്ടിരിക്കുന്നു. അപ്പോൾ എവിടെ നോക്കാനാണ് അപരന്റെ കാര്യങ്ങൾ. ഇന്ന് എല്ലാം ലൈവ് ലേക്ക് മാറിയിരിക്കുന്നു. ഏതു സാഹചര്യമാണെന്ന്പോലും ആരും നോക്കാറില്ല. ചിലപ്പോൾ അപകടസ്ഥലമോ, സുനാമിതിരയിലേക്കോ ആയിരിക്കാം അവരുടെ ലൈവ്. ശരിക്കും നമ്മൾ നമ്മുടെ ജീവിതം എങ്ങനെ ഉണ്ട് എന്ന് ചിന്ദിക്കണ്ട ഒരു സമയം അല്ലേ ഈ പുതുവത്സരരാവ്. മാനത്തുപൊട്ടിതകരുമ്പോൾ കാണുന്ന ആതിളക്കം, നമ്മുടെ മനസിലും ഉദിച്ചുയരുമ്പോൾ ഈ പുതുവത്സര രാവിന് അർത്ഥമുണ്ടാകും എന്ന് എനിക്ക് തോന്നുന്നു.
2018 വർഷം ഏവർകും, ഒരു  പുതിയ തുടക്കവും, സമാദാനവും സ്നേഹവും സന്തോഷവും വിജയം നിറഞ്ഞതുമാകട്ടെ എന്നു ആശംസിക്കുന്നു. എങ്കിലും കുറച്ചു നൊമ്പരങ്ങളും വിഷമതകളും ഉണ്ടാകാം, അതിനെയും സന്തോഷത്തോടെ സ്വീകരിക്കുമ്പോൾ അവിടെ ഒരു പുതിയ വിജയം ആയിരിക്കും ഉണ്ടാകുക എന്ന് മനസിലാക്കാം.


വരുന്ന വർഷം, തിളക്കമേറിയ ജീവിത വിജയവും, നല്ല ആരോഗ്യവും, സമാദാനവും, പരസ്പരം സ്നേഹിക്കുവാനുള്ള നല്ല ഒരു മനസും നിറഞ്ഞതുമായാൽ വരുന്ന 12 മാസവും വിജയകരമായിരിക്കും.  ക്രിസ്മസ് സ്നേഹത്തിന്റെ ഒരു സന്ദേശമാണ് നൽകിയത്. യേശുവിന്റെ ആ വലിയ സ്നേഹസന്ദേശം നമുക്കും ഏറ്റെടുക്കാം.  കുടുംബത്തിലും, സഭയിലും, സമുദായത്തിലും സ്നേഹത്തിന്റെ നിറകുടമായി നമുക്കു ഒന്ന് ചേർന്ന് പ്രകാശിപ്പികാം.  നല്ലത് മാത്രം പ്രതീക്ഷിക്കാം. നമുക്കു തന്ന ജീവിതം ഒന്നേ ഉള്ളു എന്ന് എപ്പോളും ഓർക്കാം. ആ ജീവിതം സന്തോഷകരവും മനോഹരവും ആക്കി മാറ്റാം. ഓരോരുത്തരുടേയും മുഖത്തു നല്ല ഒരു പുഞ്ചിരി വിടർത്താം.ലൈഫ് ഈസ് ബ്യൂട്ടിഫുൾ എന്ന വലിയ അർത്ഥമുള്ള വാക്കുകൾ നമ്മൾക്കേറ്റു ചൊല്ലാം. ഏവർക്കും പ്രതീക്ഷയുടെയും, വിജയത്തിന്റെയും, സമാദാനത്തിന്റെയും, സ്നേഹത്തിന്റെയും, നന്മകളുടെയും ആയ ഒരു പുതുവർഷം ആയിരിക്കാൻ പ്രാർത്ഥിക്കുന്നു. എല്ലാവർക്കും നല്ലതു വരട്ടെ എന്ന് സ്നേഹത്തോടെ ആശംസിക്കുന്നു. 

I wish you a Happy New Year 2018.
Metricephilip@gmail.com



Latest

Copyrights@2016.