india

വര്‍ഗ്ഗീയ ഫാസിസ പ്രവണതകളില്‍ ഉത്ക്കണ്ഠ രേഖപ്പെടുത്തി കെ.സി.ബി.സി. കോട്ടയം മേഖല സമ്മേളനം

Tiju Kannampally  ,  2017-12-16 04:48:56amm

 

വര്‍ഗ്ഗീയ ഫാസിസ പ്രവണതകളില്‍ ഉത്ക്കണ്ഠ രേഖപ്പെടുത്തി കെ.സി.ബി.സി. കോട്ടയം മേഖല സമ്മേളനം
കോട്ടയം: കേരള കത്തോലിക്കാ സഭയുടെ അജപാലനകേന്ദ്രമായ പി.ഒ.സിയുടെ സുവര്‍ണ്ണജൂബിലി  ആഘോഷത്തിന്റെ ഭാഗമായി സംഘടിപ്പിച്ച കോട്ടയം മേഖല സമ്മേളനം വര്‍ധിച്ചുവരുന്ന വര്‍ഗ്ഗീയ ഫാസിസ പ്രവണതകളില്‍ ഉത്ക്കണ്ഠ രേഖപ്പെടുത്തി.കോട്ടയം അതിരൂപത അജപാലന കേന്ദ്രമായ ചൈതന്യയില്‍ ചേര്‍ന്ന കോട്ടയം, വിജയപുരം, ചങ്ങനാശ്ശേരി, കാഞ്ഞിരപ്പള്ളി, പാലാ, തിരുവല്ല, മാവേലിക്കര, ഇടുക്കി രൂപതകളിലെ പ്രതിനിധികളുടെ സമ്മേളനം കെ.സി.ബി.സി. ജനറല്‍ സെക്രട്ടറി മാര്‍ മാത്യു മൂലക്കാട്ട് ഉത്ഘാടനം ചെയ്തു. സഭയുടെയും പൊതുസമൂഹത്തിന്റെയും സമഗ്രവളര്‍ച്ചയില്‍ കത്തോലിക്ക സഭ കാലകാലങ്ങളില്‍ നല്‍കിയ സംഭാവനകള്‍ നിസ്തുലവും മാതൃകാപരവുമാണെന്ന് അദ്ദേഹം പറഞ്ഞു. ആധുനിക സമൂഹത്തില്‍ കൂടുതല്‍ ജാഗ്രതയോടെ സുവിശേഷ ചൈതന്യത്തിന് സാക്ഷ്യം നല്‍കാന്‍ സഭയ്ക്ക് കടമയുണ്ടെന്നും അദ്ദേഹം കൂട്ടിച്ചേര്‍ത്തു. ചങ്ങനാശ്ശേരി അതിരൂപത മെത്രാപ്പോലീത്ത മാര്‍ ജോസഫ് പെരുന്തോട്ടം അദ്ധ്യക്ഷനായിരുന്നു. വ്യക്തിഗത സഭകള്‍ തനിമയും പാരമ്പര്യവും സൂക്ഷിച്ചുകൊണ്ടുതന്നെ കൂട്ടായപ്രവര്‍ത്തനങ്ങളിലൂടെ സഭയുടെ പ്രേഷിതപാരമ്പര്യം പൂര്‍ത്തിയാക്കേണ്ടതുണ്ടെന്നും  പറഞ്ഞു.
"സഭയുടെ അജപാലന സാക്ഷ്യം ഒരു അവലോകനം" എന്ന വിഷയത്തെക്കുറിച്ച് ജേക്കബ് പുന്നൂസ് ഐ.പി.എസും കേരള സഭയും സമൂഹവും എന്ന വിഷയത്തെക്കുറിച്ച് ഷാജി ജോര്‍ജും ക്ലാസുകള്‍ നയിച്ചു. തുടര്‍ന്ന് നടന്ന ചര്‍ച്ചകള്‍ക്ക് ബിഷപ്പ് ജോഷ്വാ മാര്‍ ഇഗ്നാത്തിയോസ്, ബിഷപ്പ് സെബാസ്റ്റ്യന്‍ തെക്കത്തേച്ചേരി, മാര്‍ ജോസഫ് പണ്ടാരശ്ശേരില്‍ എന്നിവരും വിവിധ രൂപതകളിലെ അജപാലനസമതി സെക്രട്ടറിമാരും നേതൃത്വം നല്‍കി. ജനറല്‍ കണ്‍വീനറും കോട്ടയം അതിരൂപത വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, പി.ഒ.സി ഡയറക്ടര്‍ ഫാ. വര്‍ഗീസ് വള്ളിക്കാട്ട് എന്നിവര്‍ പ്രസംഗിച്ചു. മതനിരപേക്ഷതക്കും സ്വാതന്ത്രത്തിനും എതിരായി ഭാരതത്തിന്റെ വിവിധ ഭാഗങ്ങളില്‍ നടത്തിക്കൊണ്ടിരിക്കുന്ന അനിഷ്ഠ സംഭവങ്ങളില്‍ ഉത്ക്കണ്ഠ രേഖപ്പെടുത്തിക്കൊണ്ട് കേരള കാത്തലിക് കൗണ്‍സില്‍ സെക്രട്ടറി ജോളി ചെരുവില്‍ അവതരിപ്പിച്ച പ്രമേയം യോഗം ഐകകണ്‌ഠ്യേന പാസാക്കി. വിവിധ രൂപതകളില്‍ നിന്നും 300 - ല്‍ അധികം തിരഞ്ഞെടുക്കപ്പെട്ട പ്രതിനിധികള്‍ പങ്കെടുത്തു. പരിപാടികള്‍ക്ക് ഡോ. ജോളി വടക്കന്‍, ഡോ. സാജു കുത്തോടിപുത്തെന്‍പുരക്കല്‍, ഫാ. സുനില്‍ പെരുമാനൂര്‍, കേരള കാത്തോലിക് കൗണ്‍സില്‍ സെക്രട്ടറി ജോജി ചെരുവില്‍, ജോയിന്റ് സെക്രട്ടറി ഷാജി മാത്യു, സി. റോസി, എന്നിവര്‍ നേതൃത്വം നല്‍കി.

കോട്ടയം: കേരള കത്തോലിക്കാ സഭയുടെ അജപാലനകേന്ദ്രമായ പി.ഒ.സിയുടെ സുവര്‍ണ്ണജൂബിലി  ആഘോഷത്തിന്റെ ഭാഗമായി സംഘടിപ്പിച്ച കോട്ടയം മേഖല സമ്മേളനം വര്‍ധിച്ചുവരുന്ന വര്‍ഗ്ഗീയ ഫാസിസ പ്രവണതകളില്‍ ഉത്ക്കണ്ഠ രേഖപ്പെടുത്തി.കോട്ടയം അതിരൂപത അജപാലന കേന്ദ്രമായ ചൈതന്യയില്‍ ചേര്‍ന്ന കോട്ടയം, വിജയപുരം, ചങ്ങനാശ്ശേരി, കാഞ്ഞിരപ്പള്ളി, പാലാ, തിരുവല്ല, മാവേലിക്കര, ഇടുക്കി രൂപതകളിലെ പ്രതിനിധികളുടെ സമ്മേളനം കെ.സി.ബി.സി. ജനറല്‍ സെക്രട്ടറി മാര്‍ മാത്യു മൂലക്കാട്ട് ഉത്ഘാടനം ചെയ്തു. സഭയുടെയും പൊതുസമൂഹത്തിന്റെയും സമഗ്രവളര്‍ച്ചയില്‍ കത്തോലിക്ക സഭ കാലകാലങ്ങളില്‍ നല്‍കിയ സംഭാവനകള്‍ നിസ്തുലവും മാതൃകാപരവുമാണെന്ന് അദ്ദേഹം പറഞ്ഞു. ആധുനിക സമൂഹത്തില്‍ കൂടുതല്‍ ജാഗ്രതയോടെ സുവിശേഷ ചൈതന്യത്തിന് സാക്ഷ്യം നല്‍കാന്‍ സഭയ്ക്ക് കടമയുണ്ടെന്നും അദ്ദേഹം കൂട്ടിച്ചേര്‍ത്തു. ചങ്ങനാശ്ശേരി അതിരൂപത മെത്രാപ്പോലീത്ത മാര്‍ ജോസഫ് പെരുന്തോട്ടം അദ്ധ്യക്ഷനായിരുന്നു. വ്യക്തിഗത സഭകള്‍ തനിമയും പാരമ്പര്യവും സൂക്ഷിച്ചുകൊണ്ടുതന്നെ കൂട്ടായപ്രവര്‍ത്തനങ്ങളിലൂടെ സഭയുടെ പ്രേഷിതപാരമ്പര്യം പൂര്‍ത്തിയാക്കേണ്ടതുണ്ടെന്നും  പറഞ്ഞു.

"സഭയുടെ അജപാലന സാക്ഷ്യം ഒരു അവലോകനം" എന്ന വിഷയത്തെക്കുറിച്ച് ജേക്കബ് പുന്നൂസ് ഐ.പി.എസും കേരള സഭയും സമൂഹവും എന്ന വിഷയത്തെക്കുറിച്ച് ഷാജി ജോര്‍ജും ക്ലാസുകള്‍ നയിച്ചു. തുടര്‍ന്ന് നടന്ന ചര്‍ച്ചകള്‍ക്ക് ബിഷപ്പ് ജോഷ്വാ മാര്‍ ഇഗ്നാത്തിയോസ്, ബിഷപ്പ് സെബാസ്റ്റ്യന്‍ തെക്കത്തേച്ചേരി, മാര്‍ ജോസഫ് പണ്ടാരശ്ശേരില്‍ എന്നിവരും വിവിധ രൂപതകളിലെ അജപാലനസമതി സെക്രട്ടറിമാരും നേതൃത്വം നല്‍കി. ജനറല്‍ കണ്‍വീനറും കോട്ടയം അതിരൂപത വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, പി.ഒ.സി ഡയറക്ടര്‍ ഫാ. വര്‍ഗീസ് വള്ളിക്കാട്ട് എന്നിവര്‍ പ്രസംഗിച്ചു. മതനിരപേക്ഷതക്കും സ്വാതന്ത്രത്തിനും എതിരായി ഭാരതത്തിന്റെ വിവിധ ഭാഗങ്ങളില്‍ നടത്തിക്കൊണ്ടിരിക്കുന്ന അനിഷ്ഠ സംഭവങ്ങളില്‍ ഉത്ക്കണ്ഠ രേഖപ്പെടുത്തിക്കൊണ്ട് കേരള കാത്തലിക് കൗണ്‍സില്‍ സെക്രട്ടറി ജോളി ചെരുവില്‍ അവതരിപ്പിച്ച പ്രമേയം യോഗം ഐകകണ്‌ഠ്യേന പാസാക്കി. വിവിധ രൂപതകളില്‍ നിന്നും 300 - ല്‍ അധികം തിരഞ്ഞെടുക്കപ്പെട്ട പ്രതിനിധികള്‍ പങ്കെടുത്തു. പരിപാടികള്‍ക്ക് ഡോ. ജോളി വടക്കന്‍, ഡോ. സാജു കുത്തോടിപുത്തെന്‍പുരക്കല്‍, ഫാ. സുനില്‍ പെരുമാനൂര്‍, കേരള കാത്തോലിക് കൗണ്‍സില്‍ സെക്രട്ടറി ജോജി ചെരുവില്‍, ജോയിന്റ് സെക്രട്ടറി ഷാജി മാത്യു, സി. റോസി, എന്നിവര്‍ നേതൃത്വം നല്‍കി.

 



Latest

Copyrights@2016.