europe

ഇറ്റലിയിൽ ഉഴവൂർ സംഘമം 2018 ജൂൺ 2, 3 തീയതികളിൽ റോമിൽ

Tiju Kannampally  ,  2017-11-15 12:25:28amm

ഇറ്റലി: മുപ്പത് വർഷങ്ങൾക്ക് മുൻപ് ഉഴവൂര് നിന്നും ജനങ്ങൾ ഇറ്റലിയിലേക്ക് കുടിയേറിപാർക്കുവാൻ തുടങ്ങിയെങ്കിലും, ഇങ്ങനൊരു കൂട്ടായ്മ തുടങ്ങണമെന്ന് ആഗ്രഹിക്കുവാൻ തുടങ്ങിയിട്ട് കാലങ്ങൾ ഏറെ പിന്നിട്ടു. കഴിഞ്ഞ കുറച്ചു ദിവസങ്ങൾക്ക് മുൻപ് പി എം മാത്യു, മറ്റു ചില പ്രമുഖർ എന്നിവരോടൊപ്പം ഇറ്റലിയിലുള്ള ഉഴവൂർ നിവാസികൾ ഒന്നടങ്കം കൂടിയ പൊതുയോഗത്തിൽ, ഉഴവൂർ, മോനിപ്പള്ളി, പയസ്‌മൗണ്ട്, അരീക്കര, വെളിയന്നൂർ, ഇടക്കോലി തുടങ്ങിയ വിവിധ സ്ഥലങ്ങളിൽ നിന്നുള്ള ആളുകളുടെ അഭ്യർത്ഥനയെ മാനിച്ചു ഇങ്ങനൊരു സംരംഭം തുടങ്ങുവാൻ തീരുമാനിച്ചു.സ്വന്തം നാടിനെയും നാട്ടുകാരെയും തിരിച്ചറിയുവാനും നാടിനോടുള്ള സ്നേഹവും ബഹുമാനവും ആദരവു പുലർത്തുവാനും കൂടിയാണ് ഇങ്ങനൊരു സംഘമം രൂപീകരിക്കുന്നത്. കേരളത്തിലെയും, മറ്റു പല സ്ഥലങ്ങളിലെ പ്രമുഖരെ ഉൾപ്പെടുത്തിക്കൊണ്ട് 2018 ജൂൺ 2, 3 തീയതികളിൽ റോമിൽവച്ചു നടത്തപ്പെടുന്ന ഉഴവൂർ സംഘമത്തിന് കഴിഞ്ഞ ദിവസം കൂടിയ പൊതുയോഗത്തിൽ ബഹു. ഫാ. പ്രിൻസ് മുളകുപാടം (ക്നാനായ ചാപ്ലിൻ ഇറ്റലി) റോം കൊർണേലിയയിലുള്ള ക്നാനയപള്ളിയിൽ വച്ച് ഉഴവൂർ സംഘമ ലോഗോ പ്രകാശനം ചെയ്തു.പ്രസ്തുത യോഗത്തിൽ എ സി സ്റ്റീഫൻ സ്വാഗതവും, ജോസഫ് പുളിന്തോട്ടിയിൽ, ജോർജ് വാക്കൻ, ജോബി കിഴക്കേക്കര, സ്റ്റീഫൻ ആൽപാറ, ജിമ്മി പരപ്പനാട്ടുപടവിൽ, സിബി കൊല്ലിയിൽ എന്നിവർ ആശംസകൾ അർപ്പിച്ചു. സിറിയക് കല്ലട അവിടെ കൂടിയ എല്ലാവർക്കുമായി നന്ദി പറഞ്ഞു പൊതുയോഗത്തിന് തിരശീല വീണു.



Latest

Copyrights@2016.