oceana

ചരിത്രം കുറിക്കാൻ പൈതൃകം 2018 ഒരു വര്ഷം നീളുന്ന ക്നാനായ ക്വിസ്സ് മത്സരം നടത്തുന്നു.

Saju Kannampally  ,  2017-10-27 06:31:58amm

ചരിത്രം കുറിക്കാൻ പൈതൃകം 2018 :
കെ സി സി ഓ യുടെ നാലാമത് ഓഷ്യാനിയ ക്നാനായ കൺവെൻഷനോടനുബന്ധിച്ച് ആതിഥേയ സംഘടനയായ ബി കെ സി സി ഒരു വര്ഷം നീളുന്ന ക്നാനായ ക്വിസ്സ് മത്സരം നടത്തുന്നു. ബ്രിസ്‌ബേൻ ക്നാനായ കാത്തോലിക് കമ്മ്യൂണിറ്റിയുടെ സജ്ജീവ പ്രവർത്തകനായ ശ്രീ കുര്യാക്കോസ് കുരുവിളയാണ് ഒരുവർഷം നീളുന്ന ക്വിസ്സ് മത്സരം നടത്തി പ്രവാസി ക്നാനായ സംഘടനകളുടെ ചരിത്രത്തിൽ സ്ഥാനം പിടിക്കുന്നത്. എല്ലാ ദിവസവും രാവിലെ ബ്രിസ്‌ബേൻ ക്നാനായ കമ്മ്യൂണിറ്റിയുടെ അംഗംങ്ങൾക്കായി ക്നാനായ ചരിത്രത്തെക്കുറിച്ചുള്ള ഒരുചോദ്യം ചോദിക്കുകയും കമ്മ്യൂണിറ്റി അംഗങ്ങൾക്ക് ഉത്തരം പറയുവാനുള്ള അവസരം വൈകുന്നേരം വരെ അനുവദിക്കുകയും ചെയ്യുന്നു. ആ ദിവസം രാത്രി തന്നെ ശ്രീ കുര്യാക്കോസ് ചോദ്യത്തിന്റെ ഉത്തരം അറിയിക്കുകയും വിജയികളെ പ്രഖ്യാപിക്കുകയും ചെയ്യുന്നു.കൺവെൻഷൻ ആരംഭിക്കുന്ന ഒക്ടോബര് 5 വരെ നീളുന്നതായിരിക്കും ഈ ചോദ്യോത്തര പരിപാടി. ഇതിനോടകം ഏറെ പ്രശംസ പിടിച്ച് പറ്റിയ ഈ ഉദ്യമം ഓഷ്യാന തലത്തിൽ വ്യാപിപ്പിക്കുന്നത്തെക്കുറിച്ച് കെ സി സി ഓ ഭാരവാഹികൾ ആലോചിച്ച്ചു വരുന്നു.കൺവെൻഷന് വേണ്ടിയുള്ള വലിയ ഒരുക്കങ്ങൾ ഇതിനോടകം ആരംഭിച്ചതായി കെ സി സി ഓ പ്രസിഡന്റ് ശ്രീ ഡെന്നിസ് കുടിലിൽ , കൺവെൻഷൻ ചെയർമാൻ ശ്രീ ടിജോ പ്രാലേൽ, വൈസ് ചെയർമാൻ ശ്രീ പ്രസാദ് തോട്ടപ്ലാക്കീൽ തുടങ്ങിയവർ അറിയിച്ചു. ശ്രീ ജോൺ മാവേലിപുത്തന്പുരയിൽ , ശ്രീ ബിനോയ് കണിയാകുന്നേൽ, ശ്രീ ഷിജു ചെട്ടിയത്ത് , ശ്രീ ജോബി കിഴക്കേക്കാട്ടിൽ, ശ്രീ ജിജോ ചേരുവൻകാല തുടങ്ങിയവരുടെ നേതൃത്വത്തിൽ ഫിനാൻസ് ,രെജിസ്ട്രേഷൻ ,പരസ്യം,പ്രോഗ്രാം , ഭക്ഷണം, കമ്മിറ്റികൾ പ്രവർത്തനം ആരംഭിച്ച്ചു കഴിഞ്ഞു. പൈതൃകം 2018 നു ആശംസകൾ നേർന്നുകൊണ്ട് കെ സി സി ( യു എ ഇ ) ചെയർമാനും ഡി കെ സി സി ജോയിന്റ് സെക്രട്ടറിയുമായ ശ്രീ വിൻസെന്റ് വലിയവീട്ടിൽ നൽകിയിരിക്കുന്ന വീഡിയോ മെസ്സേജ് ഞങ്ങൾ ഇവിടെ അവതരിപ്പിക്കുന്നു.



Latest

Copyrights@2016.