gulf

ഖത്തർ ക്നാനായ കൾച്ചറൽ അസോസിയേഷൻ ഓണാഘോഷം നടത്തി

Clintis Thekumkattil  ,  2017-09-15 02:36:16amm ബൈജു പുളിവേലിൽ

ഖത്തർ: ഖത്തർ ക്നാനായ കൾച്ചറൽ അസോസിയേഷൻ ഓണാഘോഷം നടത്തി. മലയാളികളുടെ ഗൃഹാതുരത്വം തുളുമ്പുന്ന ആഘോഷമായ ഓണം ഖത്തറിലെ ക്നാനായക്കാർ വിപുലമായ പരിപാടികളോടെ ആഘോഷിച്ചു. സെപ്റ്റംബർ എട്ടാം തീയതി വൈകിട്ട്, അബുഹമൂറിലുള്ള ഇന്ത്യൻ കൾച്ചറൽ സെന്ററിലെ അശോക ഹാളിലാണ് ആഘോഷം സംഘടിപ്പിച്ചത്.QKCA യുടെ സ്ഥാപക അംഗമായ സൈമൺ പതിയിൽ ഓണാഘോഷ പരിപാടികൾ ഉത്ഘാടനം ചെയ്തു. ചടങ്ങിൽ പ്രസിഡൻറ്ബിജുസ്റ്റീഫൻ കണ്ടച്ചാംകുന്നേൽ അദ്ധ്യക്ഷനായിരുന്നു. ജനറൽ സെക്രട്ടറി ബൈജു പുളിവേലിൽ സ്വാഗതം ആശംസിച്ചു. മാവേലിക്ക് വരവേൽപ്പ്, വഞ്ചിപ്പാട്ട്, പുലികളി, തിരുവാതിര, നൃത്തങ്ങൾ, സ്കിറ്റുകൾ മുതലായ കുട്ടികളുടെയും മുതിർന്നവരുടെയും വർണ്ണശബളമായ കലാ പരിപാടികൾ കൾച്ചറൽ സെക്രട്ടറി ജിജോയ്ജോർജ്ജിന്റെ നേതൃത്വത്തിൽ അരങ്ങേറി. QKCA ഈ വർഷം പുറത്തിറക്കിയ "ഊയലാടാൻവാ" എന്ന ഓണപ്പാട്ടിന്റെ നൃത്താ വിഷ്ക്കാരം പ്രധാന ആകർഷണമായിരുന്നു. അംഗങ്ങളുടെ കൂട്ടായ്മയിൽ ഒരുക്കിയ വിഭവ സമൃദ്ധമായ ഓണസദ്യ ആഘോഷത്തിന്റെ മാധുര്യം ഇരട്ടിപ്പിച്ചു. നാട്ടിൽ നിന്ന്ഖത്തറിലെത്തിയ മാതാപിതാക്കളെ ചടങ്ങിൽ ആദരിച്ചു. ട്രഷറർ ബിനോയ്ജോൺ, കമ്മറ്റി അംഗങ്ങളായ സജി ജോസഫ്, ബിജു ജെയിംസ്, ജോഷി കെ.ജോസഫ്, തോമസ്സ്റ്റീഫൻ, ജസ്റ്റിൻ ജെയിംസ്എന്നിവർ ഓണാഘോഷ പരിപാടികൾക്ക്നേതൃത്വം നൽകി.



Latest

Copyrights@2016.