oceana

കുന്നശേരി പിതാവിന്റെ അനുസ്മരണം അവസ്മരണിയമായി

Saju Kannampally  ,  2017-08-26 04:10:59pmm റെജി പാറയ്ക്കൻ

മെൽബൺ∙ മാർ കുര്യാക്കോസ് കുന്നശേരി പിതാവിന്റെ മെൽബണിലെ അനുസ്മരണം അവസ്മരണിയമായി. മെൽബണിലെ വാൻട്രിനാ സെന്റ് ലൂക്ക്സ് പള്ളിയിൽ നടന്ന വിശുദ്ധ കുർബാനയ്ക്കും ഒപ്പിസിനും ഫാ. ജെയിംസ് അരിച്ചിറ മുഖ്യകാർമ്മികത്വം വഹിച്ചു. തുടർന്ന് നടന്ന അനുസ്മരണ സമ്മേളനം ഫാ. ജെയിംസ് അരിച്ചിറ ഉദ്ഘാടനം ചെയ്തു. തിങ്ങി നിറഞ്ഞ ക്നാനായ കുടുംബാംഗങ്ങളെ ജോസഫ് തച്ചേടൻ തന്റെ പ്രൗഡഗംഭീരമായ വാക്കുകൾ കൊണ്ട് സ്വാഗതം ആശംസിച്ചു.

kunnasseri-13

കോട്ടയം അതിരൂപതാ കെസിവൈഎല്ലിന്റെ മുൻ പ്രസിഡന്റ് ഷിനോയി മഞ്ഞാങ്കൽ മാർ കുന്നശ്ശേരി പിതാവിന്റെ ബയോഡേറ്റായും അദ്ദേഹത്തിന് കിട്ടിയ വിവിധ ബിരുദങ്ങളും സ്വതസിദ്ധമായ ശൈലിയിൽ അവതരിപ്പിച്ചു. തുടർന്ന് കുന്നശ്ശേരി പിതാവിന്റെ ജീവിതത്തിലെ വിവിധ രംഗങ്ങളിലെ നേട്ടങ്ങൾ ക്രോഡീകരിച്ചുകൊണ്ട് അവതരിപ്പിച്ച വിഡിയോ ക്നാനായ മക്കൾക്ക് പുതിയ അറിവ് പകർന്നു. ഓഷ്യാന ക്നാനായ കാത്തലിക് കോൺഗ്രസിന്റെ മുൻ പ്രസിഡന്റ ്സജി വയലുങ്കൽ, യുകെ കെസിഎയുടെ മുൻ ജനറൽ സെക്രട്ടറി റെജി പാറയ്ക്കൻ, കടുത്തുരുത്തിയുടെ പ്രതിനിധി അമേഷ് നായർ എന്നിവർ പിതാവുമായുള്ള തങ്ങളുടെ ഓർമ്മകൾ പങ്ക് വച്ചു. പിതാവിന്റെ കുടുംബാംഗങ്ങൾക്കുവേണ്ടി സൈമച്ചൻ ചാമക്കാല ഏവർക്കും കൃതജ്ഞത രേഖപ്പെടുത്തി.

kunnasseri-12

പിതാവിന്റെ അനുസ്മരണ ചടങ്ങുകൾ സാന്നിധ്യം കൊണ്ടും ചിട്ടയായ പ്രവർത്തനങ്ങൾകൊണ്ടും അവിസ്മരണീയമാക്കിയ ഇരുപതംഗ കമ്മിറ്റിയേയും മുഴുവൻ ക്നാനായ കുടുംബാംഗങ്ങളേയും ഫിലിപ്പ് കമ്പക്കാലുങ്കൽ, സൈമച്ചൻ ചാമക്കാല എന്നിവർ തങ്ങളുടെ നന്ദി അറിയിച്ചു.








Copyrights@2016.