oceana

കെ.സി.വൈ.എൽ.ഓ യൂത്ത് ക്യാമ്പ് - യൂണിറ്റി 2017: ഒരുക്കങ്ങൾ പൂർത്തിയായി

Clintis Thekumkattil  ,  2017-06-27 02:58:22amm

അഡലൈഡ്: ക്നാനായ യുവജന സംഗമം (UNITY 2017)- ഒരുക്കങ്ങൾ പൂർത്തിയായി. ക്നാനായ കത്തോലിക്ക കോൺഗ്രസ് ഓഷ്യാനയുടെയും (കെ സി സി ഓ) ക്നാനായ കത്തോലിക്ക യൂത്ത് ലീഗ് ഓഷ്യനേയും (കെ സി വൈ എൽ ഓ) സംയുക്തമായി അണിയിച്ചൊരുക്കുന്ന, ക്നാനായ യൂവജന സംഗമം, ക്നാനായ അസോസിയേഷൻ സൗത്ത് ഓസ്‌ട്രേലിയയുടെ (കാസാ) ആഥിതേയത്തിൽ, അഡ്‌ലെയ്‌ഡിയിൽ വച്ച് ജൂലൈ 7 മുതൽ 9 വരെ നടത്തപ്പെടും.

പൈതൃകം 2016 എന്ന ക്നാനായ മാമാങ്കത്തിന്റെ ചരിത്ര വിജയത്തിന് ശേഷം, കെ സി സി ഓ/കെ സി വൈ എൽ ഓ മുൻകൈയെടുത്തു നടത്തുന്ന യുവജന സംഗമത്തിന്, ഓസ്‌ട്രേലിയയുടെ നാനാഭാഗത്തുനിന്നുമുള്ള 120 ഓളം യുവജനങ്ങൾ രജിസ്റ്റർ ചെയ്തുകഴിഞ്ഞു. ക്നാനായ തനിമയും പൈതൃകവും വരുംതലമുറക്ക് പകർന്നുനൽകാനുള്ള കെ സി സി ഓ യുടെ പ്രവർത്തനങ്ങളെ ഓസ്‌ട്രേലിയൻ ക്നാനായ യുവത്വം ഇരുകൈയും നീട്ടി സ്വീകരിക്കുന്നതിന് തെളിവാണ് UNITY 2017 എന്ന് പേരിട്ടിരിക്കുന്ന ഈ പരിപാടിക്കുള്ള കുട്ടികളുടെ പങ്കാളിത്തം. ക്നാനായ യുവജനങ്ങളിലെ സൗഹൃദം ഊട്ടിയുറപ്പിക്കുവാനും, ക്നാനായ പാരമ്പര്യങ്ങളും, തനിമയും കുട്ടികൾക്ക് പകർന്നുനൽകാൻ ഉതകുന്നതുമായ വിവിധങ്ങളായ പരിപാടികളാണ് ഈ മൂന്നുദിവസങ്ങളിലായി സംഘടിപ്പിച്ചിരിക്കുന്നതെന്നു കെ സി വൈ എൽ ഓ നേതൃത്വം അറിയിച്ചു.

ജൂലൈ 7 നു വൈകിട്ട് നടവിളിയുടെ അകമ്ബടിയോടെ സംഗമത്തിന് കൊടിയേറുമ്പോൾ, വരും നാളെകളിൽ ഓസ്‌ട്രേലിയൻ ക്നാനായ സമുദായത്തെ മുന്നിൽനിന്നു നയിക്കാൻ പ്രാപ്തരായ നമ്മുടെ യുവതിയുവാക്കളിലുള്ള നമ്മുടെ പ്രതീക്ഷകളും വാനോളം ഉയരുകയാണ്.കൂടുതൽ വിവരങ്ങൾക്കായി കെ സി വൈ എൽ ഓ പ്രസിഡണ്ട് ബ്ലെസ് ടി കണ്ണച്ചാംപറമ്പിൽ അഡലൈഡ് കേദ്രമായി പ്രവർത്തിക്കുന്ന കാസായുടെ പ്രസിഡണ്ട് ജോബി മള്ളിയിൽ, കെ സി സി ഓ പ്രസിഡണ്ടും കെ സി വൈ എൽ ഓ ഡയറക്ടറുമായ ബേബി പാട്ടാർകുഴിയിൽ എന്നിവരുമായി ബന്ധപ്പെടുക.



Latest

Copyrights@2016.