india

മ​ട​മ്പം മേ​രി​ലാ​ൻഡ് ഹൈ​സ്കൂ​ളിൽ നടന്ന രാ​ജ്യാ​ന്ത​ര ദ്വി​ദി​ന ശി​ല്പ​ശാ​ല സ​മാ​പി​ച്ചു

Tiju Kannampally  ,  2019-11-30 03:43:41amm

മടമ്പം: മേ​രി​ലാ​ൻഡ് ഹൈസ്‌കൂളിന്റെ പ്ലാറ്റിനം ജൂബിലി ആഘോഷങ്ങളുടെ ഭാഗമായി ഇന്ത്യന്‍ ഇന്‍സ്റ്റിറ്റിയൂട്ട്‌ ഓഫ്‌ സ്‌പേസ്‌ സയന്‍സ്‌ ആന്‍ഡ്‌ ടെക്‌നോളജി തിരുവനന്തപുരം, ഡിപ്പാര്‍ട്ട്‌മെന്റ്‌ ഓഫ്‌ സ്‌പേസ്‌ ഗവണ്‍മെന്റ്‌ ഓഫ്‌ ഇന്ത്യ എന്നിവയുടെ നേതൃത്വത്തില്‍ നടത്തിയ ദ്വിദിന ശില്‍പശാല (ഐ.ഐ.എസ്‌.ടി. @ സ്‌കൂള്‍ 2019) "ബിയോണ്ട്‌ ദ ഹൊറൈസണ്‍" സമാപിച്ചു. ശില്‍പശാലക്ക്‌ പ്രമുഖ ശാസ്‌ത്രജ്ഞനായ പ്രൊഫ. കുരുവിള ജോസഫ്‌, ഡോ. ഗോവിന്ദന്‍കുട്ടി, ഡോ. വി.ജെ. രാജേഷ്‌ തുടങ്ങിയവരും ജൂനിയര്‍ സയന്റിസ്റ്റുകളായ ജീവന്‍ഫിലിപ്പ്‌, ദയാല്‍ ജി, തെസ്‌നിയ പി.എം, ലക്ഷ്‌മി മോഹന്‍, ആര്യ മോഹന്‍ എന്നിവരും നേതൃത്വം നല്‍കി. വാനനിരീക്ഷണവും വിവിധതരം പരീക്ഷണ നിരീക്ഷണങ്ങളും കുട്ടികള്‍ക്ക്‌ നവ്യാനുഭൂതി നല്‍കി. ശില്‍പശാലയില്‍ സോയാ ചാരിറ്റബിള്‍ ട്രസ്റ്റ്‌ ചെയര്‍പേഴ്‌സണ്‍ ഡോ. ഷമാ മുഹമ്മദ്‌ ആശംസകള്‍ അര്‍പ്പിച്ചു. കെ.സി. ജോസഫ്‌ എം.എല്‍.എ പരിപാടി ഉദ്‌ഘാടനം ചെയ്‌തു. മാനേജര്‍ ഫാ. ലൂക്ക്‌ പൂതൃക്കയില്‍ അധ്യക്ഷത വഹിച്ചു. പ്രൊഫ. ഡോ. കുരുവിള ജോസഫ്‌ ആമുഖപ്രഭാഷണവും മുനിസിപ്പല്‍ ചെയര്‍മാന്‍ പി.പി. രാഘവന്‍ അനുഗ്രഹ പ്രഭാഷണവും നടത്തി. ഹെഡ്‌മാസ്റ്റര്‍ ബിനോയ്‌ കെ, രാജേഷ്‌ കെ.എ. (ഡയറ്റ്‌ ഫാക്കല്‍റ്റി), യു.പി. അബ്‌ദുള്‍ റഹ്മാന്‍ (പി.ടി.എ. പ്രസിഡന്റ്‌), ലീസ കെ.യു (സീനിയര്‍ അസിസ്റ്റന്റ്‌), പ്രോഗ്രാം കണ്‍വീനര്‍ ലിജോ പുന്നൂസ്‌ എന്നിവര്‍ പ്രസംഗിച്ചു. സമാപന സമ്മേളനത്തില്‍ പി.ടി.എ. പ്രസിഡന്റ്‌ യു.പി. അബ്‌ദുള്‍ റഹ്മാന്‍ അധ്യക്ഷത വഹിച്ചു. സ്‌കൂള്‍ മാനേജര്‍ ഫാ. ലൂക്ക്‌ പൂതൃക്കയില്‍ ഉദ്‌ഘാടനം നിര്‍വഹിച്ചു. ശില്‍പശാലയില്‍ നടത്തിയ വിവിധ മത്സരങ്ങളുടെയും മറ്റും സര്‍ട്ടിഫിക്കറ്റുകള്‍ ഡോ. ഗോവിന്ദന്‍കുട്ടി, ഡോ. വി.ജെ. രാജേഷ്‌ തുടങ്ങിയവര്‍ വിതരണം ചെയ്‌തു.

 



Latest

Copyrights@2016.