europe

ആദ്യമായി ബഹിരാകാശത്ത് കൂടി നടന്ന വ്യക്തി അലക്സി ലിയനോവ് അന്തരിച്ചു

Tiju Kannampally  ,  2019-10-11 11:47:41pmm

മോസ്കോ : ആദ്യമായി ബഹിരാകാശത്ത് കൂടി നടന്ന വ്യക്തിയായ അലക്സി ലിയനോവ് അന്തരിച്ചു. 85 വയസായിരുന്നു. 1965 മാര്‍ച്ചില്‍ വോസ്ഖോഡ് 2 എന്ന വാഹനത്തില്‍ ബഹിരാകാശത്ത് എത്തിയ അദ്ദേഹം 12 മിനിട്ടും ഒമ്ബത് സെക്കന്റും ബഹിരാകാശത്തിലൂടെ നടന്നു. ആദ്യമായി ബഹിരാകാശത്ത് പോയ യൂറി ഗഗാറിന്റെ അടുത്ത സുഹൃത്ത് കൂടിയായിരുന്നു അദ്ദേഹം. ദേശീയ - അന്താഷ്ട്ര തലത്തില്‍ നിരവധി പുരസ്കാരങ്ങളും നേടിയിട്ടുണ്ട്. എഴുത്തുകാരന്‍, ചിത്രകാരന്‍ എന്നീ നിലകളിലും അദ്ദേഹം വ്യക്തി മുദ്ര പതിപ്പിച്ചിരുന്നു. ഏറെ നാളായി ചികിത്സയിലായിരുന്നു. മോസ്കോയിലെ ബര്‍ഡെങ്കോ ആശുപത്രിയില്‍ വെച്ചായിരുന്നു അന്ത്യം. എഴുത്തുകാരിയായ ടമാര വോളിനോവയാണ് ഭാര്യ. ഒക്സാവ, വിക്ടോറിയ എന്നിവരാണ് മക്കള്‍.



Latest

Copyrights@2016.