india

വനിതകള്‍ക്കായി ശാസ്ത്രീയ തയ്യല്‍ തൊഴില്‍ പരിശീലന പരിപാടി സംഘടിപ്പിച്ചു

Tiju Kannampally  ,  2018-11-10 05:37:24amm

 

വനിതകള്‍ക്കായി ശാസ്ത്രീയ തയ്യല്‍ തൊഴില്‍ 
പരിശീലന പരിപാടി സംഘടിപ്പിച്ചു
* 20 വനിതകള്‍ക്ക് തയ്യല്‍ മെഷീന്‍ സൗജന്യമായി ലഭ്യമാക്കി
കോട്ടയം: സ്വയം തൊഴില്‍ പ്രോത്സാഹനത്തോടെപ്പം വരുമാന സാധ്യതകള്‍ക്കും അവസരം ഒരുക്കുക എന്ന ലക്ഷ്യത്തോടെ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍   ഉഷ ഇന്റര്‍നാഷണല്‍ ലിമിറ്റഡുമായി സഹകരിച്ച് വനിതകള്‍ക്കായി തയ്യല്‍ തൊഴില്‍ പരിശീലന പരിപാടി സംഘടിപ്പിച്ചു. ഏഴ് ദിവസത്തെ വിദഗ്ദ്ധ പരിശീലനം തെള്ളകം ചൈതന്യ പാസ്റ്ററല്‍ സെന്ററിലാണ് നടത്തപ്പെട്ടത്. പരിശീലനം വിജയകരമായി പൂര്‍ത്തിയാക്കിയ 20 വനിതകള്‍ക്ക് സൗജന്യമായി തയ്യല്‍ മെഷിനും സര്‍ട്ടിഫിക്കറ്റും ലഭ്യമാക്കി. പരിശീലന പരിപാടിയുടെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വ്വഹിച്ചു. കെ.എസ്.എസ്.എസ് സെക്രട്ടറി ഫാ. സുനില്‍ പെരുമാനൂര്‍, ഉഷാ ഇന്റര്‍നാഷണല്‍ ലിമിറ്റഡ് പ്രതിനിധികള്‍ എന്നിവര്‍ പങ്കെടുത്തു. പത്തനംതിട്ട, ഇടുക്കി ജില്ലകളില്‍നിന്നായുള്ള തിരഞ്ഞെടുക്കപ്പെട്ട 20 വനിതകളാണ് പരിശീലനത്തില്‍ പങ്കെടുത്തത്. പരിശീലന പരിപാടിയുടെ ഭാഗമായി മെഷീന്‍ റിപ്പയറിംഗ്, തുണിസഞ്ചി, തുണികൊണ്ടുള്ള കരകൗശലവസ്തുക്കള്‍ എന്നിവയോടൊപ്പം ചുരിദാര്‍, ഫ്രോക്ക്, പൈജാമ, ബ്ലൗസ്, കുര്‍ത്ത, പാന്റ്‌സ്, ഷര്‍ട്ട്, മിഡി, ടോപ്പ് തുടങ്ങിയവയിലാണ് പരിശീലനം ലഭ്യമാക്കിയത്. 

കോട്ടയം:20 വനിതകള്‍ക്ക് തയ്യല്‍ മെഷീന്‍ സൗജന്യമായി ലഭ്യമാക്കി. സ്വയം തൊഴില്‍ പ്രോത്സാഹനത്തോടെപ്പം വരുമാന സാധ്യതകള്‍ക്കും അവസരം ഒരുക്കുക എന്ന ലക്ഷ്യത്തോടെ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍   ഉഷ ഇന്റര്‍നാഷണല്‍ ലിമിറ്റഡുമായി സഹകരിച്ച് വനിതകള്‍ക്കായി തയ്യല്‍ തൊഴില്‍ പരിശീലന പരിപാടി സംഘടിപ്പിച്ചു. ഏഴ് ദിവസത്തെ വിദഗ്ദ്ധ പരിശീലനം തെള്ളകം ചൈതന്യ പാസ്റ്ററല്‍ സെന്ററിലാണ് നടത്തപ്പെട്ടത്. പരിശീലനം വിജയകരമായി പൂര്‍ത്തിയാക്കിയ 20 വനിതകള്‍ക്ക് സൗജന്യമായി തയ്യല്‍ മെഷിനും സര്‍ട്ടിഫിക്കറ്റും ലഭ്യമാക്കി. പരിശീലന പരിപാടിയുടെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വ്വഹിച്ചു. കെ.എസ്.എസ്.എസ് സെക്രട്ടറി ഫാ. സുനില്‍ പെരുമാനൂര്‍, ഉഷാ ഇന്റര്‍നാഷണല്‍ ലിമിറ്റഡ് പ്രതിനിധികള്‍ എന്നിവര്‍ പങ്കെടുത്തു. പത്തനംതിട്ട, ഇടുക്കി ജില്ലകളില്‍നിന്നായുള്ള തിരഞ്ഞെടുക്കപ്പെട്ട 20 വനിതകളാണ് പരിശീലനത്തില്‍ പങ്കെടുത്തത്. പരിശീലന പരിപാടിയുടെ ഭാഗമായി മെഷീന്‍ റിപ്പയറിംഗ്, തുണിസഞ്ചി, തുണികൊണ്ടുള്ള കരകൗശലവസ്തുക്കള്‍ എന്നിവയോടൊപ്പം ചുരിദാര്‍, ഫ്രോക്ക്, പൈജാമ, ബ്ലൗസ്, കുര്‍ത്ത, പാന്റ്‌സ്, ഷര്‍ട്ട്, മിഡി, ടോപ്പ് തുടങ്ങിയവയിലാണ് പരിശീലനം ലഭ്യമാക്കിയത്. 

 



Latest

Copyrights@2016.