europe

യുകെ ക്നാനായ കാത്തലിക്‌ വിമൻസ് ഫോറം വാർഷികവും സാംസ്‌കാരിക സമ്മേളനവും 2018 നവം 17ന്

Saju Kannampally  ,  2018-10-30 12:13:27pmm മോളമ്മ ചെറിയാൻ മഴുവഞ്ചേരിൽ

യുകെ  ക്നാനായ  കാത്തലിക്‌ വിമൻസ്   ഫോറം  പ്രഥമ വാർഷികവും കലാ സാംസ്‌കാരിക സമ്മേളനവും 2018  നവംബർ   പതിനേഴിന്  യുകെ കെസി എ  ആസ്ഥാനമന്ദിരത്തിൽ  വെച്ച്  നടത്തപ്പെടുന്നു .
     
                         യു.കെ ക്നാനായ കാത്തലിക് വുമൻസ് ഫോറത്തിന്റെ പ്രഥമ വാർഷികവും, കലാ സാംസ്‌കാരിക സമ്മേളനവും 2018 നവംബർ പതിനേഴിന്  ബർമിംഗ്ഹാമിലെ യുകെ കെസി എ ആസ്ഥാന മന്ദിരത്തിൽ വച്ച് നടത്തപെടുന്നു . ഈ ആഘോഷ വേളയിലേക്കു എല്ലാ ക്നാനായ കാത്തലിക്ക് കുടുംബാംഗങ്ങളേയും സ്വാഗതം ചെയ്യുന്നു.

നവംബർ   പതിനേഴിന്  രാവിലെ  പതിനൊന്ന് മണിക്ക്  യുകെ കെസി എ  യുടെ ആസ്ഥാന മന്ദിരത്തിലെ  സെന്റ് മൈക്കൾസ്  ചാപ്പലിൽ
യൂകെയിലെ  ക്നാനായ വൈദീകർ ഒന്ന് ചേർന്ന് അർപ്പിക്കുന്ന ദിവ്യബലിയോടെ ആഘോഷങ്ങൾ സമാരംഭിക്കും.

യുകെ കെസി വിമൻസ് ഫോറം  കമ്മിറ്റി അംഗങ്ങളുട ക്ഷണം സ്വീകരിച്ചു വിശിഷ്ടാതിഥിയായി കേരളത്തിൽ നിന്നും എത്തുന്നത്, ഉഴവൂർ സെന്റ് സ്റ്റീഫൻസ് കോളേജ്
റിട്ടയേർഡ് പ്രിൻസിപ്പാളും  ഇപ്പോൾ കോട്ടയം അതി രൂപതയുടെ വിമെൻസ് ഫോറം പ്രസിഡന്റ് ആയി സേവനം അനുഷ്ഠിച്ചു വരുന്ന Dr. മേഴ്‌സി ജോൺ മൂലക്കാട്ട്  ആണ്.

തുടർന്നു  യുകെ കെസി എ  സെൻട്രൽ കമ്മിറ്റി അംഗങ്ങളുടെ  സാന്നിധ്യത്തിൽ   നടത്തുന്ന പബ്ലിക്  മീറ്റിംഗിൽ  യുകെ കെസി വിമൻസ് ഫോറം ചെയർ പേഴ്സൺ  ടെസ്സി ബെന്നി മാവേലി   അധ്യക്ഷത
വഹിക്കുന്നതാണ്  .

    Dr.  മേഴ്‌സി ജോൺ  മൂലക്കാട്ട്  മീറ്റിംഗിന്റ   ഉൽഘാടനം നിർവഹിക്കും. വിമൻസ് ഫോറത്തിന്റെ ലോഗോ പ്രകാശനം, വിമൻസ് ഫോറം  2018 ഏപ്രിൽ മാസത്തിൽ നടത്തിയ   നാഷണൽ ബൈബിൾ ക്വിസ് വിജയികൾക്കുള്ള  സമ്മാന   ദാനവും ഉണ്ടായിരിക്കുന്നതാണ്.

പബ്ലിക്  മീറ്റിംഗിന്  ശേഷം നടക്കുന്ന കലാ പരിപാടികൾക്ക് നാന്ദി കുറിച്ചു കൊണ്ട്  വിമെൻസ്  ഫോറത്തിന്റെ വിവിധ  യൂണിറ്റുകളിലെ  അൻപതോളം വനിതകൾ ഒന്ന് ചേർന്ന് അവതരിപ്പിക്കുന്ന സ്വാഗത നൃത്തം ആഘോഷങ്ങൾക്ക് മാറ്റു  കൂട്ടുമെന്നതിനു സംശയം ഇല്ല.  യുകെ കെസി എ യുടെ വുസ്റ്റർ യൂണിറ്റ് അംഗമായ ടോമി ജോസ് പടപുരയ്‌ക്കൽ  രചിച്ച ഗാനത്തിന് പ്രശസ്ത സംഗീത സംവിധായകൻ ഗണേശ് കുംബ്ലൈ ഈണം നൽകി യുകെയിലെ പ്രശസ്ത ഗായകരായ റെക്സ് ജോസും  ബിർമിങ്ങാം യൂണിറ്റ് അംഗമായ പ്രിയാ ജോമോനും ചേർന്ന് ആലപിച്ചു കലാഭവൻ നൈസ്  സേവ്യർ  കൊറിയോഗ്രഫി ചെയ്യുന്ന സ്വാഗത  നൃത്ത്വവുമായി  യുകെ യിലെ ക്നാനായ വനിതകൾ അരങ്ങത്ത്   എത്തുന്നു.

അന്നേ ദിവസം വിമൻസ് ഫോറം  കമ്മിറ്റി  അംഗങ്ങളുട  പ്രത്യേക ക്ഷണ പ്രകാരം എത്തുന്ന നമ്മുട സമുദായത്തിൽ നിന്നും ഈ വർഷം വിവാഹിതരായ നവദമ്പതികളെ അഭിനന്ദിക്കുകയും ആദരിക്കുകയും ചെയ്യുന്നു. വളർന്നു വരുന്ന നമ്മുടെ യുവ തലമുറയ്ക്ക് ഇവർ മാതൃകാ ദമ്പതികൾ ആകട്ടെ എന്ന് ആശംസിക്കുന്നു.

തുടർന്ന് വനിതകൾ മാത്രം അവതരിപ്പിക്കുന്ന വിവിധ കലാ പരിപാടികളും ഉണ്ടായിരിക്കുന്നതാണ്.

ഈ പരിപാടികൾക്ക് വേണ്ട എല്ലാ ഒരുക്കങ്ങളും  യുകെ കെസി വിമൻസ് ഫോറം അംഗങ്ങളായ  ടെസ്സി ബെന്നി മാവേലി,   ലീനുമോൾ  ചാക്കോ  , മോളമ്മ  ചെറിയാൻ,  മിനു  തോമസ് , മിനി ബെന്നി, ജെസ്സി  ബൈജു എന്നിവർ നടത്തിവരുന്നു.

ഈ വാർഷിക ആഘോഷം ഒരു വൻ വിജയമാക്കി തീർക്കുവാൻ നിങ്ങൾ ഏവരെയും കുടുംബ സമേതം
സ്വാഗതം ചെയ്യുന്നു .

നോട്ടിങ്ഹാം ചിന്നാസ് കേറ്ററിംഗിന്റെ സ്വാദിഷ്ടമായ വിവിധ തരത്തിലുള്ള ഫുഡ്‌ സ്റ്റാളുകൾ അന്നേ ദിവസം ഉണ്ടായിരിക്കുന്നതാണ് .

മോളമ്മ ചെറിയാൻ മഴുവഞ്ചേരിൽ
UKKCWF  Treasurer



Latest

Copyrights@2016.