oceana

മെൽബൺ ക്നാനായ കാത്തലിക് മിഷന്റെ അഞ്ചാം വാർഷികാഘോഷത്തിന് മാർ ബോസ്കോ പുത്തൂരും മാർ ജോസഫ് പണ്ടാരശ്ശേരിയും മുഖ്യാതിഥികൾ.

Editor  ,  2018-10-26 05:28:16amm



മെൽബൺ സെന്റ് മേരിസ് ക്നാനായ കാത്തലിക് മിഷന്റെ അഞ്ചാം വാർഷികാഘോഷം ഡിസംബർ 2 ഞായറാഴ്ച സെന്റ് പീറ്റേഴ്സ് ചർച് ക്ലയിറ്റനിൽ വെച്ച് നടത്തപ്പെടുന്നു. മെൽബൺ സിറോമലബാർ രൂപത ബിഷപ്പ് മാർ ബോസ്കോ പുത്തൂരും കോട്ടയം അതിരൂപത സഹായ മെത്രാൻ മാർ ജോസഫ് പണ്ടാരശ്ശേരിയും മുഖ്യാതിഥികളായി പങ്കെടുക്കും.

ഡിസംബർ 2 ഞായറാഴ്ച 3.30 പി എം ന് മാർ ജോസഫ് പണ്ടാരശ്ശേരിയുടെ മുഖ്യ കാർമ്മികത്വത്തിൽ നടത്തപ്പെടുന്ന ആഘോഷമായ പാട്ടു കുർബ്ബാനയോടുകൂടി പരിപാടികൾക്ക് തുടക്കം കുറിക്കും. തുടർന്ന് നടത്തപ്പെടുന്ന പൊതു സമ്മേളനത്തിലും കലാപരിപാടികളിലും മാർ ബോസ്കോ പുത്തൂർ മുഖ്യാതിഥി ആയിരിക്കും.

2013 നവംബർ 3 ന് കൊഹിമ ബിഷപ്പ് മാർ ജെയിംസ് തോപ്പിലിന്റെ സാന്ന്യധ്യത്തിൽ മെൽബൺ ആർച് ബിഷപ്പ് മാർ ഡെന്നിസ് ജെ. ഹാർട്ട്, ക്നാനായ കാത്തലിക് മിഷൻ, സെന്റ് മാത്യൂസ് ചർച് ഫോക്‌നറിൽ വെച്ച് ഉത്ഘാടനം ചെയ്യുകയും ഫാ. സ്റ്റീഫൻ കണ്ടാരപ്പള്ളിയെ മിഷന്റെ പ്രഥമ ചാപ്ലിൻ ആയി നിയമിക്കുകയും ചെയ്തു. പിന്നിട് 2015 ൽ മാർ ബോസ്കോ പുത്തൂർ മിഷനെ സിറോമലബാറിന്റെ ഭാഗമായി അംഗീകരിക്കുകയും കോട്ടയം അതിരൂപത ആർച്ച്ബിഷപ് മാർ മാത്യു മൂലക്കാട്ട് തിരുന്നാൾ കുർബ്ബാനമധ്യേ ഇത് പ്രഖ്യാപിക്കുകയും ചെയ്തു. ഇപ്പോൾ അഞ്ച് വർഷം പിന്നിടുമ്പോൾ മെൽബണിലെ ക്നാനായക്കാർക്ക് വളരെയധികം ആല്മീയ വളർച്ച നേടുവാൻ മിഷൻ സ്ഥാപിതമായതിലൂടെ സാധിച്ചു. 

മിഷന്റെ വളർച്ചയുടെ മറ്റൊരു നാഴികകല്ലായ അഞ്ചാം വാര്ഷികാഘോഷത്തിൽ പങ്കുചേരുവാൻ മെൽബണിലെ എല്ലാ വിശ്വാസികളെയും ഹ്രദയപൂർവം സ്വാഗതം ചെയ്യുന്നു എന്ന് ചാപ്ലിൻ ഫാ. തോമസ് കുമ്പുക്കലും മറ്റു പാരിഷ് കൌൺസിൽ അംഗങ്ങളും അറിയിച്ചു.



Latest

Copyrights@2016.