europe

ത്രീ കൗണ്ടി ഹോളി കിങ്സ് ക്നാനായ മിഷനിൽ ഫാ.ഷഞ്ചു കൊച്ചുപറമ്പിലിന് സ്വീകരണവും സൺഡേ സ്കൂൾ ഉത്ഘടനവും നടന്നു.

Tiju Kannampally  ,  2018-10-03 03:34:24amm

കോട്ടയം അതിരൂപതയിലെ രാജപുരം ഫൊറാനയുടെ കീഴിലെ വിവിധ പള്ളികളിൽ പ്രശംസിനീയമായ സേവനത്തിനു ശേഷം യു കെ യിലെ ക്നാനായ മക്കളെ ആത്മീയവും സഭാപരവുമായി നയിക്കുക എന്ന പുതിയ അജപാലന ദൗത്യവുമായി യു കെ യിൽ എത്തിയ ഫാ.ഷഞ്ചു കൊച്ചുപറമ്പിലിന് ത്രീ കൗണ്ടി ഹോളി കിങ്സ് ക്നാനായ മിഷനിൽ ആവേശോജ്ജലമായ സ്വീകരണം നൽകി.പെർഷോറിലെ ഹോളി റെഡീമർ പള്ളിയിൽ ഞായറാഴ്ച വൈകിട്ട് നാലുമണിക്ക് മാർത്തോമൻ ഗാനാലാപനത്തോടും , മുത്തുക്കുടകളുടെയും താലപൊലിയുടെയും അകമ്പടിയോടുകൂടി ദേവാലയാങ്കണത്തിലേക്കു ആനയിച്ചു, സ്വന്തമായി ഒരു വൈദികനെ ലഭിച്ച ഹോളി കിങ്സ് ക്നാനായ മിഷൻ അംഗങ്ങൾക്ക് ആനന്ദത്തിന്റെയും ആഘോഷത്തിന്റെയും അനർഘ നിമിഷങ്ങളായിരുന്നു, തുടർന്ന് ഗ്രേറ്റ് ബ്രിട്ടൻ സീറോ മലബാർ രൂപത വികാർ ജനറൽ റവ. ഫാ .സജി മലയിൽപുത്തന്‍പുരയിലിനോടൊപ്പം യു.കെ യിലെ പ്രഥമ ദിവ്യബലി അർപ്പിച്ചു,അന്യ നാട്ടിൽ വന്ന് ദൈവ ജനത്തോടൊപ്പം ആദ്യമായി ബലി അർപ്പിക്കുവാൻ സാധിച്ചത് വലിയ ദൈവ കൃപയായി കരുതുന്നു എന്ന് ഫാ ഷഞ്ചു പറഞ്ഞു . ദിവ്യ ബലിക്കുശേഷം കുട്ടികൾക്ക് വേണ്ടിയുള്ള സൺഡേ സ്കൂൾ ഉത്ഘടനവും വികാർ ജനറാൾ നിർവഹിച്ചു.

 

താലപൊലിയു പുത്തന്‍  സ്വീകരണവും നടന്നു

 



Latest

Copyrights@2016.