america

ചിക്കാഗോ കെ.സി.എസ്‌. യുവജനോത്സവം : റൊമീന കലാതിലകം കെയിന്‍ കലാപ്രതിഭ

Saju Kannampally  ,  2018-09-28 07:19:38amm ജോണിക്കുട്ടി പിള്ളവീട്ടില്‍

ചിക്കാഗോ: ചിക്കാഗോ ക്‌നാനായ കാത്തലിക്‌ സൊസൈറ്റി ഒരുക്കിയ ഈ വര്‍ഷത്തെ കെ.സി.എസ്‌. യുവജനോത്സവം  കൊണ്ട്‌ ശ്രദ്ധേയമായി. സെപ്‌റ്റംബര്‍ 15-ാം തീയതി ക്‌നാനായ സെന്ററില്‍ വച്ച്‌ നടത്തപ്പെട്ട യുവജനോത്സവം കഴിഞ്ഞ വര്‍ഷത്തെ കലാതിലകമായ സാന്ദ്രാ നെല്ലാമറ്റം കലാപ്രതിഭയായ ആന്‍ഡ്രൂ തേക്കുംകാട്ടില്‍ എന്നിവര്‍ ചേര്‍ന്ന്‌ ഭദ്രദീപം കൊളുത്തി ഉദ്‌ഘാടനം ചെയ്‌തു. കെ.സി.എസ്‌. പ്രസിഡന്റ്‌ ബിനു പൂത്തറ അധ്യക്ഷത വഹിച്ചു. കെ.സി.എസ്‌. വൈസ്‌ പ്രസിഡന്റ്‌ സാജു കണ്ണംമ്പള്ളി, സെക്രട്ടറി ജോണിക്കുട്ടി പിള്ളവീട്ടില്‍, ട്രഷറര്‍ ഷിബു മുളയാനിക്കുന്നേല്‍, ജോയിന്റ്‌ സെക്രട്ടറി ഡിബിന്‍ വിലങ്ങുകല്ലേല്‍, എന്റര്‍ടൈന്‍മെന്റ്‌ കമ്മറ്റി ചെയര്‍മാന്‍ ജോബി ഓളിയില്‍, കമ്മറ്റി അംഗങ്ങളായ സജി മാലിത്തുരുത്തേല്‍, ജോര്‍ജുകുട്ടി പുല്ലാപ്പള്ളില്‍ എന്നിവര്‍ സന്നിഹിതരായിരുന്നു.

വിവിധ മത്സര ഇനങ്ങളില്‍ ഏകദേശം ഇരുന്നൂറോളം കുട്ടികള്‍ പങ്കെടുത്തു. റൊമീന ചാലുങ്കല്‍ കലാതിലകമായും കെയിന്‍ കാരാപ്പള്ളില്‍ കലാപ്രതിഭയായും തെരഞ്ഞെടുക്കപ്പെട്ടു. ഡാനിയേല്‍ തേക്കുംകാട്ടില്‍, ലെക്‌സിയ ഇടുക്കുതറയില്‍, സാനിയ കോലടി എന്നിവരെ റൈസിംഗ്‌ സ്റ്റാര്‍സ്‌ ആയും തെരഞ്ഞെടുത്തു. വിജയികള്‍ക്ക്‌ നവംബര്‍ 17-ാം തീയതി താഫ്‌റ്റ്‌ ഹൈസ്‌കൂളില്‍ വച്ചു നടത്തുന്ന ക്‌നാനായ നൈറ്റില്‍ സമ്മാനങ്ങള്‍ വിതരണം ചെയ്യും. യുവജനോത്സവത്തിന്റെ നടത്തിപ്പിന്‌ ജോബി ഓളിയില്‍, ഡെന്നി പുല്ലാപ്പള്ളില്‍, സജി മാലിത്തുരുത്തേല്‍, സമയ തേക്കുംകാട്ടില്‍, ബിന്ദു പൂത്തുറയില്‍, സാജു കണ്ണംമ്പള്ളി, ജോണിക്കുട്ടി പിള്ളവീട്ടില്‍, ഷിബു മുളയാനിക്കുന്നേല്‍, ഡിബിന്‍ വിലങ്ങുകല്ലേല്‍ എന്നിവര്‍ നേതൃത്വം നല്‍കി.



Latest

Copyrights@2016.