america

ചിക്കാഗോ മലയാളി മെയിൽ നേഴ്‌സസ് അസോസിയേഷന്റെ കുടുംബ സംഗമവും സമ്മർ പിക്ക്നിക്കും നടത്തപ്പെട്ടു

Saju Kannampally  ,  2018-08-04 11:14:17pmm റിപ്പോർട്ട് : അനിൽ മറ്റത്തിക്കുന്നേൽ

 

ചിക്കാഗോയിലെ മലയാളി മെയിൽ നേഴ്‌സസ് അസോസിയേഷന്റെ പ്രഥമ കുടുംബ സംഗമവും സമ്മർ പിക്ക്നിക്കും മൗണ്ട് പ്രോസ്‌പെക്റ്റിലെ റിവർ ട്രെയ്ൽസ് പാർക്കിൽ വച്ച് നടത്തപ്പെട്ടു.  ചിക്കാഗോ പ്രദേശത്ത് താമസമാക്കിയിരിക്കുന്ന മെയിൽ നേഴ്‌സുമാരുടെ കൂട്ടായ്‍മയമാണ് മാമൻസ് എന്നറിയപ്പെടുന്ന മലയാളി മെയിൽ നേഴ്‌സസ് അസോസിയേഷൻ. 2017 ൽ ആരംഭിച്ച ഈ സംഘടനയിൽ ചുരുങ്ങിയ കാലങ്ങൾ കൊണ്ട് തന്നെ നൂറിലധികം അംഗങ്ങൾ അംഗത്വം എടുത്ത് സഹകരിക്കുന്നുണ്ട്. മാമൻസിന്റെ പ്രഥമ കുടുംബ സംഗമത്തിൽ നിരവധിപേരാണ് കുടുംബസമേതം പങ്കെടുത്തത്. സ്വാദിഷ്ടമായ ഭക്ഷണവും നിരവധി ഗെയിമുകളുമോക്കെകൊണ്ട് സമ്പന്നമായിരുന്ന സംഗമത്തിന് നേതൃത്വം നൽകിയത് അസോസിയേഷൻ പ്രസിഡണ്ട് ജിജോ വർഗ്ഗീസ്, വൈസ് പ്രസിഡണ്ട് രാജുമോൻ ഒഴുകയിൽ, സെക്രട്ടറി മിഥുൻ ജോയി, ട്രഷറർ റോയി തോമസ് എന്നിവരുടെ നേതൃത്വത്തിലുള്ള കമ്മറ്റിയാണ്. പ്രഥമ കുടുംബ സംഗമം വിജയകരമായി സംഘടിപ്പിക്കുവാൻ സഹകരിച്ച എല്ലാ അംഗങ്ങൾക്കും എക്സിക്യൂട്ടീവ് കമ്മറ്റിയുടെ പേരിൽ പ്രസിഡണ്ട് ജിജോ വർഗ്ഗീസ് നന്ദി അറിയിച്ചു. 

 

 



Latest

Copyrights@2016.