oceana

മാർ കുര്യൻ വയലുങ്കൽ ബ്രിസ്ബനിൽ

Editor  ,  2018-07-07 03:41:24amm

 

പാപ്പാനുഗിനിയിലെ  അപ്പസ്തോലിക്  നുൺഷ്യോയും ക്നാനായക്കാരുടെ സ്വന്തം ആർച്ചുബിഷപും ആയ അഭിവന്ദ്യ ആർച്ച്  ബിഷപ്പ് മാർ കുര്യൻ വയലുങ്കൽ ബ്രിസ്ബണിലെ ക്നാനായക്കാരെ സന്ദർശിച്ചു.
ക്നാനായ കാത്തോലിക് കോൺഗ്രസ് ബ്രിസ്‌ബേൻ (കെസിസിബി) സഘടിപ്പിച്ച    കുടുംബസംഗമത്തിനും സ്വീകരണ യോഗത്തിനും ബ്രിസ്‌ബണിന്റെ  വിവിധ ഭാഗത്തു നിന്നും കുടുംബങ്ങൾ പങ്കെടുത്തു.
ഈ കഴിഞ്ഞ വെള്ളിയാഴ്ച  ഇടത്തിപ്പറമ്പിൽ ഫിലിപ്പിന്റെ ഭവനത്തിൽ സംഘടിപ്പിച്ച യോഗം , ജെയിംസ് മന്നത്തുമാക്കിലിന്റെ  സ്വാഗത പ്രസംഗത്തോട് കൂടി  ആരംഭിച്ചു .  
ക്നാനായത്തം ഒരു വികാരമാണെന്നും, സഭയോടുചേർന്നു ക്നാനായതനിമയും പൈതൃകവും അടുത്ത തലമുറകളിലേക്ക് പകർന്നുകൊടുക്കുവാൻ ഏറ്റവും വലിയ ഉത്തരവാദിത്തം ഓരോ മാതാപിതാക്കൾക്കാണെന്നും, അതിനാൽ വിശ്വാസത്തിൽ അധിഷ്ടിതമായ ക്നാനായ തലമുറയെ വാർത്തെടുക്കുവാനുള്ള കർമ്മ പരിപാടികൾ ആലോചിക്കുവാൻ പിതാവ് നിർദ്ദേശിച്ചു, അതിനായി പ്രാർഥന കൂട്ടായ്മകളും, കുട്ടികൾക്ക് വേണ്ട മാർഗ നിർദേശങ്ങളും നടത്തണമെന്ന്  പിതാവ് നിർദേശിച്ചു 
കെസിസിബി അപേക്ഷിച്ചിരിക്കുന്ന ലഭ്യമാകുന്ന  ക്നാനായ മിഷൻ  ബ്രിസ്ബനിൽ പ്രവർത്തികമാകട്ടെ എന്ന് പിതാവ് ആശംസിച്ചു. അതിനുവേണ്ടിയുള്ള  മാർഗനിർദേശങ്ങൾ ചർച്ച ചെയ്തു 
തുടർന്നുള്ള പ്രാർത്ഥനക്കു നേതൃത്വം നല്കിയ പിതാവ് ,എല്ലാ കുട്ടികളെയും മുതിർന്നവരെയും അനുഗ്രഹിച്ചു. തന്റെ വിശ്വാസ പ്രേഷിത ജീവിതത്തെ കുറിച്ച് വാചാലനായ പിതാവ്, തൻ ഒരു പ്രേഷിത നാടോടിയായിരുന്നന്നും 20  ൽ പരം രാജ്യങ്ങളിലെ  പ്രേഷിതപ്രവർത്തന അനുഭവം പിതാവ് പങ്കുവെച്ചു . 
ഒരു ക്നാനായക്കാരന്റെ സ്നേഹത്തോടെയും  വാത്സല്യതോടും കൂടി    ഏവരോടും പരിചയപ്പെടുകയും സഹൃദം പങ്കുവെക്കുകയും ചെയ്തു.
പിതാവിനോട്  ഒന്നിച്ചു അത്താഴവും കഴിഞ്ഞാണ് ഏവരും പിരിഞ്ഞത് ..
ആദ്യമായി ബ്രിസ്ബണിലെത്തിയ പിതാവിനോട് സൗഹൃദം പങ്കിടുവാൻ സാധിച്ചതിലുള്ള സന്തോഷത്തിലാണ് ബ്രിസ്ബണിലെ ക്നാനായക്കാർ ..

 

 



Latest

Copyrights@2016.