oceana live Broadcasting

കുന്നശ്ശേരി തിരുമേനിയുടെ അകാല നിര്യാണത്തിൽ KCC| UAE അനുശോചനം രേഖപ്പെടുത്തി

കോട്ടയം അതി രൂപതയുടെ  ആല്മീയ പിതാവും ക്നാനായ സമുദായത്തിന്റെ നെടും തൂണും ആയിരുന്ന കുന്നശ്ശേരി തിരുമേനിയുടെ അകാല നിര്യാണത്തിൽ മിഡ്‌ഡിലെ ഈസ്റ്റ് ക്നാനായ അംഗങ്ങൾ അനുശോചനം രേഖപ്പെടുത്തി. KCC UAE ചെയര്മാന് വിൻസെന്റ് വലിയവീട്ടിൽ KCCME ചെയര്മാന് ടോമി പ്രാലടി എന്നിവർ തങ്ങളുടെ യൂണിറ്റ് ഭാരവാഹികളുടെയും കുടുംബ അംഗങ്ങളുടെയും ദുഃഖം പങ്കു വെച്ചു. ദുബായ് കുടുംബ നാഥൻ റെജി വടകര ഇന്ന് വൈകുന്നേരം അനുശോചന യോഗവും അടുത്ത ശനിയാഴ്ച ദുബായ് st mary പള്ളിയിൽ കുർബാനയും ഉണ്ടെന്നു അറിയിച്ചു. KCCME ചെയര്മാന് ടോമി പ്രാലടിയിൽ,അഡ്വൈസർ ജോപ്പൻ മണ്ണാട്ടുപറമ്പിൽ തുടങ്ങിയവർ മൃത സംസ്കാര ശുശ്രൂഷയിൽ പങ്കെടുക്കും എന്ന് DKCC ജോയിന്റ് സെക്രെട്ടറിയും KCCUAE ചെയർമാനും ആയ വി സി വിൻസെന്റ് വലിയവീട്ടിൽ അറിയിച്ചു.....

Read more

ബി.കെ.സി.സി കുന്നശ്ശേരി പിതാവിന്റെ ദേഹവിയോഗത്തിൽ അനുശോചന യോഗം സംഘടിപ്പിച്ചു

ബ്രിസ്‌ബേൻ: ക്നാനായ സമുദായത്തിന്റെ ആദമീയ പിതാവും കോട്ടയം രൂപതയുടെ ആദ്യത്തെ ആർച്ചുബിഷോപ്പും ആയ മാർ കുര്യാക്കോസ് കുന്നശ്ശേരി പിതാവിന്റെ ദേഹവിയോഗത്തിൽ അനുശോചനം രേഖപ്പെടുത്താൻ ബ്രിസ്‌ബേൻ ക്നാനായ കത്തോലിക്ക കമ്മ്യൂണിറ്റി (BKCC ) യോഗം ചേര്ന്നു. ക്നാനായ സമുദായത്തിന്റെ ആധ്യാത്മീകവും സാമൂഹികവുമായ വളർച്ചക്ക് പിതാവ് നൽകിയ വലിയ സംഭാവന യോഗം അനുസ്മരിച്ചു. വൈസ് പ്രസിഡന്റ് ഷിയൻസ് എബ്രഹാം അധ്യക്ഷത വഹിച്ച യോഗത്തിൽ, ശ്രീ ബേബി കൊല്ലംകുടിലിൽ, കെ ടി തോമസ് കുഴിമറ്റത്തിൽ എന്നിവർ പിതാവുമൊന്നിച്ചു പ്രവർത്തിച്ചതിന്റെ ഓർമ്മകൾ പങ്ങുവച്ചു. നിറകണ്ണുകളോടെ പ്രാർത്ഥനചൊല്ലി, പാന വായിച്ചു പിരിഞ്ഞ യോഗത്തിനു ശേഷം സൈന്റ്റ് തോമസ് സിറോമലബാർ ഇടവക സമൂഹം പിതാവിന്റെ നിത്യശാന്തിക്കായി വിശുദ്ധ കുർബാന അർപ്പിക്കുകയും ഉണ്ടായി. മാർ കുര്യാക്കോസ് കുന്നശ്ശേരി പിതാവ് കേരള കത്തോലിക്കാ സഭക്ക് നൽകിയ വിശിഷ്ട സേവനങ്ങളെ ബഹുമാനപ്പെട്ട വികാരി വര്ഗീസ് വാവോലിൽ അച്ഛൻ കുർബാന മദ്ധ്യേ അനുസ്മരിച്ചു.

Read more

മെല്‍ബണ്‍ സെന്റ് മേരീസ് ക്‌നാനായ മിഷന്‍ അനുശോചിച്ചു

മെല്‍ബണ്‍: കോട്ടയം അതിരൂപതയുടെ പ്രഥമ മെത്രാപ്പോലീത്ത മാര്‍ കുര്യാക്കോസ് കുന്നശേരിയുടെ നിര്യാണത്തില്‍ മെല്‍ബണ്‍ സെന്റ് മേരീസ് ക്‌നാനായ മിഷന്‍ ചാപ്ലിന്‍ ഫാ. തോമസ് കുന്പുക്കല്‍, ഫാ. സ്റ്റീഫന്‍ കണ്ടാരപ്പള്ളി, കൈക്കാരന്മാരായ കുര്യന്‍ ചാക്കോ, ജിജോ മാറികവീട്ടില്‍ മെല്‍ബണ്‍ ക്‌നാനായ കത്തോലിക്ക കോണ്‍ഗ്രസ് പ്രസിഡന്റ് സജി ഇല്ലിപ്പറന്പില്‍ എന്നിവര്‍ അനുശോചിച്ചു.

 പിതാവിന്റെ ആത്മശാന്തിക്കായി ജൂണ്‍ 16ന് (വെള്ളി) വൈകുന്നേരം ഏഴിന് സെന്റ് പീറ്റേഴ്‌സ് ചര്‍ച്ച് ക്ലയിറ്റനില്‍ മാര്‍ ബോസ്‌കോ പുത്തൂരിന്റെ കാര്‍മികത്വത്തില്‍ വിശുദ്ധ കുര്‍ബാനയും മറ്റു ശുശ്രൂഷകളും നടക്കും.

Read more

ക്നാനായ യുവജന സംഗമം - ഒരുക്കങ്ങൾ പൂർത്തിയായി

ക്നാനായ യുവജന സംഗമം - ഒരുക്കങ്ങൾ പൂർത്തിയായി 
ക്നാനായ കത്തോലിക്ക കോൺഗ്രസ് ഓഷ്യാനയുടെയും (KCCO) ക്നാനായ കത്തോലിക്ക യൂത്ത് ലീഗ് ഓഷ്യനേയും (KCYLO) സംയുക്തമായി അണിയിച്ചൊരുക്കുന്ന, ക്നാനായ യൂവജന സംഗമം, ക്നാനായ അസോസിയേഷൻ സൗത്ത് ഓസ്‌ട്രേലിയയുടെ ആഥിതേയത്തിൽ, അഡ്‌ലെയ്‌ഡിയിൽ വച്ച് ജൂലൈ 7 മുതൽ 9  വരെ നടത്തപ്പെടും. പൈതൃകം 2016 എന്ന ക്നാനായ മാമാങ്കത്തിന്റെ ചരിത്ര വിജയത്തിന് ശേഷം, KCCO/KCYLO മുൻകൈയെടുത്തു നടത്തുന്ന യുവജന സംഗമത്തിന്, ഓസ്‌ട്രേലിയയുടെ നാനാഭാഗത്തുനിന്നുമുള്ള 120 ഓളം യുവജനങ്ങൾ രജിസ്റ്റർ ചെയ്തുകഴിഞ്ഞു. ക്നാനായ തനിമയും പൈതൃകവും വരുംതലമുറക്ക് പകർന്നുനൽകാനുള്ള KCCOയുടെ പ്രവർത്തനങ്ങളെ ഓസ്‌ട്രേലിയൻ ക്നാനായ യുവത്വം ഇരുകൈയും നീട്ടി സ്വീകരിക്കുന്നതിന് തെളിവാണ് UNITY 2017  എന്ന് പേരിട്ടിരിക്കുന്ന ഈ പരിപാടിക്കുള്ള കുട്ടികളുടെ പങ്കാളിത്തം. ക്നാനായ യുവജനങ്ങളിലെ സൗഹൃദം ഊട്ടിയുറപ്പിക്കുവാനും, ക്നാനായ പാരമ്പര്യങ്ങളും, തനിമയും കുട്ടികൾക്ക് പകർന്നുനൽകാൻ ഉതകുന്നതുമായ വിവിധങ്ങളായ പരിപാടികളാണ് ഈ മൂന്നുദിവസങ്ങളിലായി സംഘടിപ്പിച്ചിരിക്കുന്നതെന്നു KCYLO നേതൃത്വം അറിയിച്ചു. ജൂലൈ 7 നു വൈകിട്ട് നടവിളിയുടെ അകമ്ബടിയോടെ സംഗമത്തിന് കൊടിയേറുമ്പോൾ, വരും നാളെകളിൽ ഓസ്‌ട്രേലിയൻ ക്നാനായ സമുദായത്തെ മുന്നിൽനിന്നു നയിക്കാൻ പ്രാപ്തരായ നമ്മുടെ യുവതിയുവാക്കളിലുള്ള നമ്മുടെ പ്രതീക്ഷകളും വാനോളം  ഉയരുകയാണ്

ക്നാനായ കത്തോലിക്ക കോൺഗ്രസ് ഓഷ്യാനയുടെയും (KCCO) ക്നാനായ കത്തോലിക്ക യൂത്ത് ലീഗ് ഓഷ്യനേയും (KCYLO) സംയുക്തമായി അണിയിച്ചൊരുക്കുന്ന, ക്നാനായ യൂവജന സംഗമം, ക്നാനായ അസോസിയേഷൻ സൗത്ത് ഓസ്‌ട്രേലിയയുടെ ആഥിതേയത്തിൽ, അഡ്‌ലെയ്‌ഡിയിൽ വച്ച് ജൂലൈ 7 മുതൽ 9  വരെ നടത്തപ്പെടും. പൈതൃകം 2016 എന്ന ക്നാനായ മാമാങ്കത്തിന്റെ ചരിത്ര വിജയത്തിന് ശേഷം, KCCO/KCYLO മുൻകൈയെടുത്തു നടത്തുന്ന യുവജന സംഗമത്തിന്, ഓസ്‌ട്രേലിയയുടെ നാനാഭാഗത്തുനിന്നുമുള്ള 120 ഓളം യുവജനങ്ങൾ രജിസ്റ്റർ ചെയ്തുകഴിഞ്ഞു. ക്നാനായ തനിമയും പൈതൃകവും വരുംതലമുറക്ക് പകർന്നുനൽകാനുള്ള KCCOയുടെ പ്രവർത്തനങ്ങളെ ഓസ്‌ട്രേലിയൻ ക്നാനായ യുവത്വം ഇരുകൈയും നീട്ടി സ്വീകരിക്കുന്നതിന് തെളിവാണ് UNITY 2017  എന്ന് പേരിട്ടിരിക്കുന്ന ഈ പരിപാടിക്കുള്ള കുട്ടികളുടെ പങ്കാളിത്തം. ക്നാനായ യുവജനങ്ങളിലെ സൗഹൃദം ഊട്ടിയുറപ്പിക്കുവാനും, ക്നാനായ പാരമ്പര്യങ്ങളും, തനിമയും കുട്ടികൾക്ക് പകർന്നുനൽകാൻ ഉതകുന്നതുമായ വിവിധങ്ങളായ പരിപാടികളാണ് ഈ മൂന്നുദിവസങ്ങളിലായി സംഘടിപ്പിച്ചിരിക്കുന്നതെന്നു KCYLO നേതൃത്വം അറിയിച്ചു. ജൂലൈ 7 നു വൈകിട്ട് നടവിളിയുടെ അകമ്ബടിയോടെ സംഗമത്തിന് കൊടിയേറുമ്പോൾ, വരും നാളെകളിൽ ഓസ്‌ട്രേലിയൻ ക്നാനായ സമുദായത്തെ മുന്നിൽനിന്നു നയിക്കാൻ പ്രാപ്തരായ നമ്മുടെ യുവതിയുവാക്കളിലുള്ള നമ്മുടെ പ്രതീക്ഷകളും വാനോളം  ഉയരുകയാണ്

Read more

കെ.സി.സി.ബി ക്ക് നവനേതൃത്വം

 ബ്രിസ്ബണ്‍: ക്‌നാനായ കാത്തലിക് കോണ്‍ഗ്രസ് ബ്രിസ്ബണ്‍ (കെ.സി.സി.ബി.) ന് നവനേതൃത്വം. ജെയിംസ് മാത്യു മണ്ണത്തുമാക്കില്‍ (കൂടല്ലൂര്‍ ഇടവക) ലിജോ ജോസഫ് കൊണ്ടാണ്ടംപടവില്‍ (അരീക്കര ഇടവക), സിജോ കുര്യന്‍ വഞ്ചിപ്പുരയ്ക്കല്‍ (അയഗോട്ട് ഇടവക), സിബി ജോണ്‍ ഫിലിപ്പ് അഞ്ചംകുന്നത്ത് (ഉഴവൂര്‍ ഇടവക), ബിന്ദു ബിനു താന്നിതടത്തില്‍ (കുറുപ്പുംതറ ഇടവക), മിനി മാത്യു വഞ്ചിപ്പുരയ്ക്കല്‍ (കല്ലറ പഴയപള്ളി ഇടവക), ഷൈബി ഫിലിപ്പ് തയ്യില്‍ (കൂടല്ലൂര്‍ ഇടവക) എന്നിവരെ കെ.സി.സി.ബി. യുടെ പുതിയ ഭാരവാഹികളായി ഈസ്റ്റര്‍ ആഘോഷങ്ങള്‍ക്കായി ക്ലീവ്‌ലാന്‍ഡില്‍ കൂടിയ പൊതുസമ്മേളനത്തില്‍ വച്ച് ഏകകണ്ഠമായി തിരഞ്ഞെടുത്തു. അതോടൊപ്പം സൈജു സൈമണ്‍ കാരത്തിനാട് (ഉഴവൂര്‍ ഇടവക) അ്‌ഡൈ്വസറി മെമ്പറായിട്ടും തിരഞ്ഞെടുക്കപ്പെട്ടു. കഴിഞ്ഞ വര്‍ഷത്തെ ഭാരവാഹികളായ ഷാജി താഴത്ത്മുത്തുമുള്ളറമ്പില്‍, സൈജു സൈമണ്‍, കുഞ്ഞുമോന്‍ എബ്രഹാം, ഫിലിപ്പ് ചാക്കോ,അനിതാ ജൈമോന്‍, റെജാ റെജി എന്നിവരുടെ നിര്‍ലോഭമായ ഒരു വര്‍ഷത്തെ പ്രവര്‍ത്തനങ്ങള്‍ യോഗം നന്ദി പ്രകാശിപ്പിച്ചു.

Read more

ടൊറോണ്ടോ ക്നാനായ കാത്തലിക്ക് മിഷ്യനിൽ ആദ്യകുർബാന സ്വീകരണവും തൈലാഭിഷേകവും

കാനഡാ (ടോറോണ്ടോ): സെൻറ് മേരീസ് ക്നാനായ കാത്തലിക്ക് മിഷ്യനിൽ ജൂൺ 17- ) തിയതി കുട്ടികളുടെ ആഘോഷമായ ആദ്യകുർബാന സ്വീകരണവും തൈലാഭിഷേകവും മാമ്മോദീസായും നടത്തപ്പെടുന്നു. തദവസരത്തിൽ കോട്ടയം അതിരൂപതാ സഹായ മെത്രാൻ മാർ ജോസഫ് പണ്ടാരശ്ശേരിൽ തിരുകർമ്മങ്ങൾക്ക് മുഖ്യ കാർമ്മികത്വം വഹിക്കുന്നതാണ്. പൗരസ്ത്യ സഭയുടെ തനതായ പാരമ്പര്യം അനുസരിച്ചു പ്രാരംഭ കുദാശകളായ മാമ്മോദിസായും സ്ഫര്യലേപനവും വിശുദ്ധ കുർബാനയും പന്ത്രണ്ടു കുട്ടികൾക്കായി പരികർമ്മം ചെയ്യുന്നതാണ്. എറ്റോബികോക്കിലുള്ള കർത്താവിന്റെ രൂപാന്തിരികരണ ദേവാലയത്തിൽവച്ച് വൈകുന്നേരം 7.00 മണിക്ക് ഭക്തി നിർഭരമായ വിശുദ്ധ കുർബാനയോടുകൂടി തിരുകർമ്മങ്ങൾ ആരംഭിക്കുന്നതാണ്. തുടർന്നു പാരിഷ് ഹാളിൽവച്ച് സ്നേഹ വിരുന്നും നടത്തപെടുന്നതാണ്. അഭിവന്ദ്യ കൊച്ചു പിതാവിൻ്റെ മിഷ്യൻ സന്ദർശനവും തിരുകർമ്മങ്ങളും കൊണ്ടാടുവാനായി മിഷ്യൻ ചാപ്ലയിൻ റവ ഫാ പത്രോസ് ചമ്പക്കരയുടെയും കൈക്കാരന്മാരായ ജോബി ജോസഫ് വലിയപുത്തൻപുരയിൽ, ജോൺ കുരുവിള അരയത്ത്, പാരിഷ് കൗൺസിൽ അംഗങ്ങൾ, കൂദാശാർത്ഥികളുടെ മാതാപിതാക്കളടങ്ങുന്ന സംയുക്ത കമ്മറ്റി പ്രവർത്തിച്ചു വരുന്നു.

Read more

ബ്രിസ്ബണില്‍ കെ.സി.വൈ.എല്‍. നിലവിൽ വന്നു

ബ്രിസ്ബൺ: ബ്രിസ്ബണില്‍ കെ.സി.വൈ.എല്‍. ഉദ്ഘാടനം ചെയ്തു. കോട്ടയം രൂപതയുടെ യുവജന പ്രസ്ഥാനമായ കെ.സി.വൈ.എല്‍. ന്റെ ശാഖ ബ്രിസ്ബണില്‍ നിലവിൽ വന്നു. ഓസ്‌ട്രേലിയയിലെ മികച്ച ക്‌നാനായ കൂട്ടായ്മയായ കെ.സി.ബി.സി. യിലെ യുവജനങ്ങള്‍ വളരെ ആഘോഷത്തോടെ ക്‌നായിത്തൊമ്മന്‍ കൊടുങ്ങല്ലൂരില്‍ അന്നു കൊളുത്തിയ ദീപശിഖ തലമുറ തലമുറ കൈമാറി കെടാതെ ഞങ്ങള്‍ സൂക്ഷിക്കും എന്ന് … ഏറ്റ് ചൊല്ലിയപ്പോള്‍ കരഘോഷ മുഖരിതമായ അന്തരീക്ഷത്തില്‍ നടവിളികളോടെ ഈ യുവജന പ്രസ്ഥാനം ആരംഭിച്ചു.തനിമയില്‍ ഒരുമയില്‍ സഭയോടൊപ്പം എന്ന ആപ്തവാക്യത്തില്‍ പ്രവര്‍ത്തിക്കുന്ന ക്‌നാനായ കാത്തലിക് കോണ്‍ഗ്രസ് ബ്രിസ്ബണ്‍ എന്ന സംഘടനയുടെ നെറുകയില്‍ ഒരു സ്വര്‍ണ്ണ തൂവലാണ് കെ.സി.വൈ.എല്‍. എന്ന ഈ യുവജന സംഘടന.

തലമുറകളായി പിതാമഹന്മാര്‍ കൈമുതലായി പകര്‍ന്നു തന്ന പൈതൃകവും, പാരമ്പര്യങ്ങളും, അനുഷ്ഠാനങ്ങളും, ആചാരങ്ങളും, സഭാസ്‌നേഹവും, ക്രൈസ്തവ വിശ്വാസവും കണ്ണിലെ കൃഷ്ണമണിപോലെ കാത്തുസൂക്ഷിക്കുവാന്‍ വേണ്ട എല്ലാ പ്രവര്‍ത്തനങ്ങളും കെ.സി.വൈ.എല്‍. ന്റെ വരുംകാല പരിപാടികള്‍ക്ക് ഉണ്ടായിരിക്കും എന്ന് കെ.സി.വൈ.എല്‍. ന്റെ അഡൈ്വസേഴ്‌സ് ആയി തിരഞ്ഞെടുക്കപ്പെട്ട ജൈമോന്‍ മുരിയന്‍ മ്യാലിലും റോസമ്മ മുണ്ടക്കന്‍ പറമ്പിലും അഭിപ്രായപ്പെട്ടു. കട്ടച്ചിറ ഇടവകയില്‍ കെ.സി.വൈ.എല്‍. പ്രസ്ഥാനത്തിന്റെ നേതൃത്വത്തിലുടെ വളര്‍ന്നു ആസ്‌ട്രേലിയയിലെ ഇതര ക്‌നാനായ സംഘടനയില്‍ പ്രവര്‍ത്തിച്ച മികച്ച സംഘടനാ പാടവത്തിലൂടെ കഴിവ് തെളിയിച്ച വ്യക്തിയാണ് ജൈമോന്‍ മുരിയന്‍മ്യാലില്‍ അതുപോലെ തന്നെ കരിപ്പാടം ഇടവകയില്‍ നിന്നും കെ.സി.വൈ.എല്‍. പ്രവര്‍ത്തനത്തിലൂടെ സമുദായ താല്പര്യങ്ങള്‍ക്കായി പ്രവര്‍ത്തിച്ച ത്രേസ്യാമ്മ മുണ്ടക്കന്‍ പറമ്പിലും, ബ്രിസ്ബണ്‍ കെ.സി.വൈ.എല്‍. ന്റെ അഡൈ്വസേഴ്‌സായി പ്രവര്‍ത്തിക്കുമ്പോള്‍ ക്‌നാനായ യുവജനങ്ങള്‍ ബ്രിസ്ബണില്‍ സഭാപരമായും വിശ്വാസപരമായും സമുദായ സ്‌നേഹത്തിലും നേതൃത്വപാടവത്തിലും വളര്‍ന്നുവരാന്‍ സാഹചര്യമൊരുക്കുന്നു.

ബ്രിസ്ബണ്‍ കെ.സി.വൈ.എല്‍.എന്റെ പുതിയ ഭാരവാഹികളായി സിറിള്‍ മാത്യു വെട്ടിക്കാട്, ജെസറ്റ്‌സി ജെയിംസ്, ട്രിസ്സ് ജൈമോന്‍ തോമസ്, ജെയ്‌സ് ജെയിംസ് എന്നിവരെ യോഗം ഏകകണ്‌ഠേന തിരഞ്ഞെടുത്തു. ഇവരുടെ നേതൃത്വത്തില്‍ ക്‌നാനായ കാത്തലിക് യൂത്ത് ലീഗ് എന്ന സംഘഠന ബ്രിസ്ബണില്‍ യുവജനങ്ങള്‍ക്കിടയില്‍ ഭാവിപരിപാടികള്‍ക്കുള്ള ചര്‍ച്ചകള്‍ തുടങ്ങിക്കഴിഞ്ഞു.

Read more

ക്നാനായ കൂട്ടായ്മയിലെ വിത്യസ്തതയുമായി ബ്രിസ്‌ബേൻ ക്നാനായ കത്തോലിക്ക കമ്മ്യൂണിറ്റി.

ബ്രിസ്‌ബേൻ: ക്നാനായ കൂട്ടായ്മയിലെ വിത്യസ്തതയുമായി ബ്രിസ്‌ബേൻ ക്നാനായ കത്തോലിക്ക കമ്മ്യൂണിറ്റി. ഡി കെ സി സി യുടെയും കെ സി സി യുടെയും ഭാഗമായ ബ്രിസ്‌ബേനിലെ ഔദ്യോഗിക ക്നാനായ സംഘടനയായ ബി കെ സി സി യുടെ ആഭിമുഖ്യത്തിൽ സംഘടിപ്പിച്ച കുടുംബ നാഥന്മാർക്കായുള്ള സായാന്ഹ കൂട്ടായ്മ വലിയ പങ്കാളിത്തം കൊണ്ടും ആസൂത്രണ മികവ് കൊണ്ടും വ്യത്യസ്തമായി മാറി. മെയ് 20 നു ഉച്ചതിരിഞ്ഞു രണ്ടു മണിക്ക് സൺഷൈൻ കോസ്റ്റിലുള്ള റിസോർട്ടിൽ ക്രിക്കറ്റ് കളിയോടെ ആരംഭിച്ച ക്നാനായ പുരുഷാരുടെ കൂട്ടായ്മ വൈകുന്നേരമായപ്പോൾ ഒരു സമ്മേളനത്തിന്റെയും ഉത്സവത്തിന്റെയും പ്രതീതി ജനിപ്പിക്കുന്നതായി മാറി. ഒരു ഭാഗത്ത് കമ്മിറ്റി അംഗങ്ങളുടെ നേതൃത്വത്തിൽ കുക്കിങ് നടക്കുമ്പോൾ വരുവശത്തു വാശിയേറിയ വോളി ബോൾ മത്സരം നടക്കുന്നു. മറ്റൊരു വശത്ത് വെടിവട്ടമെങ്കിൽ എതിര്വശത്തു ടേബിൾ ടെന്നീസ്. സന്ധ്യാ പ്രാർഥനക്കുശേഷം ക്നാനായ പാട്ടുകളുമായി പുരുഷന്മാർ സംഗീത സദസ്സ് ആരംഭിച്ചു. അപ്പോഴും ഗോൾഡ്‌കോസ്റ് , ടൂവൂമ്പ പ്രദേശങ്ങളിൽ നിന്നും ക്നാനായ സുഹൃത്തുക്കൾ വന്നു കൊണ്ടേയിരുന്നു. രാത്രി അത്തഴത്തിനു ശേഷം നടന്ന തീകായൽ തമാശകളുടെ ആളിക്കത്തലായിരുന്നു. ബ്രിസ്‌ബേൻ ക്നാനായ പുരുഷ കൂട്ടായ്മ ഒരിക്കലും മറക്കാത്ത സായാഹ്നമാക്കി മാറ്റിയ മെൻസ് നൈറ്റ് ഔട്ട് രാവിലെ പ്രഭാത ഭക്ഷണത്തിനു ശേഷമാണ് പിരിഞ്ഞത്.

Read more

ക്നാനായ സമുദായത്തിന് ഒരു പോറല്‍ പോലും അനുവദിക്കില്ല | DKCC

മെല്‍ബണ്‍ :ക്നാനായ സമുദായത്തിന് ഒരു പോറല്‍ പോലും അനുവദിക്കില്ല എന്ന് മെയ്‌ 13ന് ചേര്‍ന്ന DKCC ജനറല്‍ കൌണ്‍സില്‍ പ്രമേയത്തില്‍ അറിയിച്ചു. 

ചെയര്‍മാന്‍ ബിനു തുരുത്തിയുടെ അധ്യക്ഷതയില്‍ ചേര്‍ന്ന യോഗത്തില്‍ വൈസ് ചെയര്‍മാന്‍ സാജു കണ്ണമ്പള്ളി സ്വാഗതം അറിയിച്ചു. സെക്രട്ടറി വിനോദ് മാണി, ജോയിന്റ് സെക്രട്ടറി വിന്സെന്റ് വലിയവീട്ടില്‍ ട്രുഷര്ര്‍ മനോജ്‌ താനത്ത് എന്നിവര്‍  ജനറല്‍ കൌണ്‍സിലിന് നേതൃത്വം നല്‍കി. 

ക്നാനായ സമുദായം നൂറ്റാണ്ടുകളായി കാത്തുപരിപാലിച്ചു , തലമുറകളിൽ നിന്നും തലമുറകളിലേക്ക് കൈമാറിവരുന്ന തനതു പാരമ്പര്യവും സംസ്കാരവും , യാതൊരു കോട്ടവും തട്ടാതെ കാത്തുസൂക്ഷിക്കും എന്ന ഉറച്ച ക്നാനായ പക്ഷ നിലപാട് ഉയർത്തിപ്പിടിച്ചുകൊണ്ടു കോട്ടയം ക്നാനായഅതിരൂപതയുടെ ഔദ്യോഗിക പ്രവാസി അൽമായ സംഘടനയായ ഡി കെ സി സി ( ഡിയസ്പോറ ക്നാനായ കത്തോലിക്കാ കോൺഗ്രസ്സ് ) ഈ മാസം 13 ആം തീയതി ( 13 / 05 / 2017 ) നടത്തിയ ജനറൽ കൗൺസിൽ മീറ്റിംഗിൽ ഡി കെ സി സി ചെയര്മാന് ശ്രീ ബിനു തുരുത്തിയിൽ അവതരിപ്പിച്ചു ഐക്യകണ്ടേന പാസ്സാക്കിയ പ്രമേയം.                                            

"ലോകത്തിലെ മുഴുവൻ രാജ്യങ്ങളിലും അധിവസിക്കുന്ന ക്നാനായ സമുദായഅംഗങ്ങൾക്കു  തങ്ങളുടെ പാരമ്പര്യവും പൈതൃകവും തനതു സംസ്കാരവും കണ്ണിലെ കൃഷ്ണമണി പോലെ കാത്തു സൂക്ഷിക്കുന്നതിനും അത് വരും തലമുറകളിലേക്കു പകർന്നു നൽകുന്നതിനും കോട്ടയം ക്നാനായ അതിരൂപതയുടെ ആത്മീയ അജപാലന പരിധി ലോകം മുഴുവൻ വ്യാപിപ്പിക്കണമെന്നും, നിലവിലുള്ളതും ഭാവിയിൽ വരാവുന്നതുമായ എല്ലാ ക്നാനായ മിഷനുകളിലും പള്ളികളിലും , അംഗത്വം ക്നാനായ മാതാപിതാക്കൾക്ക് ജനിച്ചവർക്ക് മാത്രവും , അവർ വിവാഹിതരെങ്കിൽ ക്നാനായ മാതാപിതാക്കൾക്ക് ജനിച്ചവരെ   മാത്രം വിവാഹം കഴിച്ചവർക്കു ( സ്വവംശ വിവാഹനിഷ്ഠ  പാലിക്കുന്നവർക്കു ) മാത്രമായിരിക്കണമെന്നു  ഡി കെ സി സി 13 / 05 / 2017  കൂടിയ ജനറൽ കൗൺസിൽ ഐക്യകണ്ടേനെ ബന്ധപ്പെട്ട ആത്മീയ അധികാരികളോട് അഭ്യർത്ഥിക്കുന്നു".
Read more

മെല്‍ബണില്‍ മദേഴ്‌സ് ഡേ ആഘോഷിച്ചു

മെല്‍ബണ്‍: സെന്റ് മേരീസ് ക്നാനായ കാത്തലിക് മിഷന്റെ ആഭിമുഖ്യത്തില്‍ മെല്‍ബണിലെ ക്ളയിറ്റണ്‍ സെന്റ് പീറ്റേഴ്സ് പള്ളിയിലും ഫോക്കനാര്‍ സെന്റ് മാത്യൂസ് പള്ളിയിലും വിപുലമായ പരിപാടികളോടെ മദേഴ്സ് ഡേ ആഘോഷിച്ചു. വിശുദ്ധ കുര്‍ബ്ബാനയ്ക്ക് ശേഷം എല്ലാ അമ്മമാര്‍ക്കുവേണ്ടി പ്രാര്‍ത്ഥന നടത്തുകയും വൈദികരുടെ സാന്നിധ്യത്തില്‍ കേക്ക് മുറിച്ചും സമ്മാനങ്ങള്‍ വിതരണം ചെയ്തും അമ്മമാരോടുള്ള ആദരവും സ്നേഹവും പ്രകടിപ്പിക്കുകയും ചെയ്തു.അതോടൊപ്പം മെല്‍ബണ്‍ കെ.സി.വൈ.എല്‍ അംഗങ്ങള്‍ എല്ലാവര്‍ക്കും സോസേജ് സിസിലും ചായയും മറ്റു സ്നാക്ക്സ്കളും തയാറാക്കി വിതരണം ചെയ്ത് അമ്മമാരോടുള്ള അവരുടെ കടപ്പാടും സ്നേഹവും അറിയിക്കുകയും ചെയ്തു.

Read more

കാന്‍ബെറയില്‍ രണ്ടാമത് ഉഴവൂര്‍ സംഗമം

കാന്‍ബെറ: ഓസ്ട്രേലിയന്‍ തലസ്ഥാനമായ കാന്‍ബെറയില്‍ ഉഴവൂര്‍ നിവാസികളുടെ രണ്ടാമത് സംഗമം മേയ് 26,27,28 തീയതികളില്‍ ഹില്‍വ്യൂ റിസോര്‍ട്ടില്‍ വച്ച് നടത്തപെടുന്നു. സംഗമത്തിന്‍റ നടത്തിപ്പിനായി പല കമ്മറ്റികള്‍ പ്രവര്‍ത്തിച്ചു വരുന്നു. കാന്‍ബെറയില്‍ താമസിക്കുന്ന എല്ലാ ഉഴവൂര്‍ നിവസികളെയും ഈ സംഗമത്തിലേക്ക് ക്ഷണിക്കുന്നതായി ഭാരവാഹികള്‍ അറിയിച്ചു.

കൂടുതല്‍ വിവരങ്ങള്‍ക്ക്:

സന്തോഷ്‌ : 0448430351

പ്രിന്‍സ് : 0406160808

ജെക്സന്‍ : 0451120015

രാജു : 0451428239

Read more

ആർച് ബിഷപ്പ് മാർ കുരിയൻ മാത്യു വയലുങ്കൽ ഓസ്ട്രേലിയ സന്ദർശിക്കുന്നു

മെല്‍ബൺ‌: പാപുവ ന്യൂ ഗിനിയയുടെയും സോളമൻ ഐലന്റിലെയും അപ്പസ്തോലിക ന്യൂൺഷിയോ (അംബാസിഡർ ടു പോപ്പ് ) ആർച് ബിഷപ്പ് മാർ കുരിയൻ മാത്യു വയലുങ്കൽ ഓസ്ട്രേലിയ സന്ദർശിക്കുന്നു. സെന്റ് മേരിസ് ക്നാനായ കാത്തലിക് മിഷൻ മെൽബണിൽ 2017 ഒക്ടോബർ മാസം ഒന്നാം തീയതി നടത്തപ്പെടുന്ന പരിശുദ്ധ കന്യകാമറിയത്തിന്റെ തിരുന്നാളിൽ അദ്ദേഹം മുഖ്യ കാർമ്മികൻ ആയിരിക്കും. 2016 ജൂലൈ 25ന് ആർച് ബിഷപ്പ് ആയതിന് ശേഷം ആദ്യമായി ഓസ്ട്രേലിയ സന്ദർശിക്കുന്ന അദ്ദേഹത്തിന് മിഷനിലെ എല്ലാ അംഗങ്ങളും ചേർന്ന് ഊഷ്മള സ്വീകരണം നൽകും. കുട്ടികളുടെ ആദ്യ കുർബ്ബാന സ്വീകരണവും അതോടൊപ്പം നടത്തപ്പെടും.

കോട്ടയം നീണ്ടൂര്‍ ഇടവക വയലുങ്കല്‍ എം.സി മത്തായിയുടേയും അന്നമ്മയുടേയും മൂത്തപുത്രനായ വയലുങ്കല്‍ പിതാവ് തിരുഹൃദയക്കുന്ന് സെന്‍റ് സ്റ്റനിസ്ലാവൂസ് മൈനര്‍ സെമിനാരിയിലും ആലുവ സെന്‍റ് ജോസഫ്സ് പൊന്തിഫിക്കല്‍ സെമിനാരിയിലും വൈദിക പഠനം പൂര്‍ത്തിയാക്കി. 1991 ഡിസംബര്‍ 27-ാം തീയതി കോട്ടയം ക്രിസ്തുരാജാ കത്തീഡ്രലില്‍ വച്ച് മാര്‍ കുര്യാക്കോസ് കുന്നശ്ശേരി പിതാവില്‍ നിന്നും വൈദിക പട്ടം സ്വീകരിച്ച അദ്ദേഹം രാജപുരം, കള്ളാര്‍, എന്‍.ആര്‍.സിറ്റി, സേനാപതി പള്ളികളില്‍ അജപാലനശുശ്രൂഷ നിര്‍വ്വഹിച്ചിട്ടുണ്ട്.

റോമിലെ "സാന്താക്രോചെ" യൂണിവേഴ്സിറ്റിയില്‍ നിന്നും സഭാനിയമത്തില്‍ ഡോക്ടറേറ്റ് നേടുകയും വത്തിക്കാന്‍ നയതന്ത്ര അക്കാദമിയില്‍ പരിശീലനം പൂര്‍ത്തിയാക്കുകയും ചെയ്ത അദ്ദേഹം ഗിനിയ, കൊറിയ, ഡൊമിനിക്കന്‍ റിപ്പബ്ലിക്ക്, ബംഗ്ലാദേശ്, ഹംഗറി എന്നിവിടങ്ങളിലെ വത്തിക്കാന്‍ എംബസികളില്‍ സേവനം ചെയ്തു. 2001 ല്‍ മോണ്‍സിഞ്ഞോര്‍ പദവിയും 2011 ല്‍ "പ്രിലേറ്റ് ഓഫ് ഓണര്‍" പദവിയും ലഭിച്ചിട്ടുണ്ട്. ഹയ്ത്തിയിലെ ഭൂകമ്പ ദുരന്തത്തിനുശേഷമുള്ള വത്തിക്കാന്‍ പുനരധിവാസ പ്രവര്‍ത്തനങ്ങളില്‍ അദ്ദേഹം നേതൃത്വം നല്‍കിയിട്ടുണ്ട്. ഈജിപ്തിലെ വത്തിക്കാന്‍ നയതന്ത്ര കാര്യാലയത്തില്‍ പ്രഥമ കൗണ്‍സിലറായി ശുശ്രൂഷ ചെയ്തുവരവെയാണ് മാര്‍പ്പാപ്പ അദ്ദേഹത്തെ 2016 ൽ വത്തിക്കാന്‍ സ്ഥാനപതിയായി ഉയര്‍ത്തിയത്.

ക്നാനായക്കാരുടെ അഭിമാനമായ ആർച് ബിഷപ്പ് മാർ കുരിയൻ മാത്യു വയലുങ്കലിന്റെ വരവിനെ ഒരു ഉത്സവമായി മാറ്റാനുള്ള തയാറെടുപ്പിലാണ് മെൽബണിലെ ക്നാനായ മക്കൾ.

Read more

ആഗോള ക്നാനായ സമൂഹം ഒരേ ആശയത്തിൽ മുന്നേറണം | ബിനു തുരുത്തിയിൽ

ഓസ്ട്രേലിയ : ആഗോള ക്നാനായ സമൂഹം ഒരേ ആശയത്തിൽ മുന്നേറണം, ഒരേ ലക്ഷ്യത്തിൽ അൽമായ ആൽമിയ നേതൃത്വം ഒരുമിക്കണം, സമുദായത്തിന്റെ നിലനിൽപ്പിനും പാരമ്പര്യങ്ങളിൽ മുറുകെ പിടിക്കാനും ഏതറ്റം വരെ പോകാനും ഏവരും തയാറാകണം എന്നെ പ്രവാസി ക്നാനായ കത്തോലിക്കാ കോൺഗ്രസ് പ്രസിഡന്റ് ബിനു തുരുത്തിയിൽ അഭിപ്രായപ്പെട്ടു. പ്രെസിഡന്റായതിനു ശേഷം ക്നാനായ സമുദായത്തിലെ ആദ്യത്തെ ഓൺലൈൻ പത്രമായ ക്നാനായവോയിസ് ഏക  ചാനലായ കെ വി ടി വി യോടും സംയുക്തമായി സംസാരിക്കുക യായിരുന്നു അദ്ദേഹം. 

കൂടുതൽ വിശേഷങ്ങൾ താഴെക്കൊടുത്തിരിക്കുന്ന ഇന്റർവ്യൂ വിലൂടെ കാണാവുന്നതാണ്. 

Read more

ക്നാനായ കാത്തോലിക് കോൺഗ്രസ്‌ ഓഫ്‌ വിക്ടോറിയയുടെ ഈസ്റ്റര്‍ ആഘോഷങ്ങള്‍ ഉജ്വലമായി

മെല്‍ബണ്‍ :ക്നാനായ കാത്തോലിക് കോൺഗ്രസ്‌ ഓഫ്‌ വിക്ടോറിയയുടെ ഈസ്റ്റര്‍ ആഘോഷങ്ങള്‍  ഏപ്രിൽ 17ആം തിയതി തിങ്കളാഴ്ച വൈകുന്നേരം 5മണിയോടെ ആരംഭിച്ച. ഫാദർ ജെയിംസ്‌ അരിയിച്ചിറ( SVD) ഉത്കടനകര്മം നിർവഹിക്കുകയും,മുന്‍ പ്രവാസി ക്നാനായ കാതോലിക് കോണ്‍ഗ്രസ്‌ ലീഡര്‍ സിറിയക്‌ പുത്തൻപുരയിൽ കലാ സന്ധ്യ ഉല്‍ഘാടനവും   ആശംസകൾ അർപ്പിക്കുകയും ചെയ്തു. ക്നാനായ കാത്തോലിക് കോൺഗ്രസ്‌ ഓഫ്‌ വിക്ടോറിയ പ്രസിഡന്റ്‌ ശ്രി ജോബിൻ മാണി സ്വാഗതം അർപ്പിച്ചു. 

വർണശബളമായ ഒരു സായാഹ്നം വിക്ടോറിയയിലെ ക്നാനായ മക്കൾ ഒരുമിച്ചുചിലവഴിച്ചു. നാനൂറില്പരം അംഗങ്ങൾ പങ്കെടുത്ത കലാസന്ധ്യ മേന്മ നിറഞ്ഞ കലാപരിപാടികൾകൊണ്ട് ശ്രദ്ദേയമായി. വനിതകൾക്കായി ഹെയർസ്റ്റൈൽ കോംപറ്റീഷൻ നടത്തുകയും കുമാരി തെരേസാ പീൽസി കിരീടം ചൂടുകയും ചെയ്തു. പുതിയ ക്നാനായ കുടുംബങ്ങളെ ക്നാനായ കാത്തോലിക് കോൺഗ്രസ്‌ ഓഫ്‌ വിക്ടോറിയ യിലേക്ക് സ്വാഗതം ചെയ്യുകയും അംഗങ്ങൾക്ക് പരിചയപ്പെടുത്തുകയും ചെയ്തു. 

വിവിധ ഏരിയയിൽ നിന്നും നിരവധി അംഗങ്ങൾ കലാപരിപാടികളിൽ പങ്കെടുത്തു. കലാപരിപാടികളുടെ മേന്മ കൊണ്ട് ശ്രദ്ദേയമായ ഒരു സായാന്ഹമെന്നു അംഗങ്ങൾ ഒന്നടങ്കം വിലയിരുത്തി. സ്വാദിഷ്ടമായ ഡിന്നറോടുകൂടി ഒൻപതരയോടെ പരിപാടികൾ അവസാനിച്ചു.  ക്നാനായ കാത്തോലിക് കോൺഗ്രസ്‌ ഓഫ്‌ വിക്ടോറിയ  സെക്രട്ടറി ശ്രി  ജിനു ചാറവേലിൽ KCCVA എക്സിക്യൂട്ടീവ് കമ്മിറ്റിക്കുവേണ്ടി നിന്ദി അർപ്പിച്ചു.

Read more

മെൽബൺ ക്നാനായ മിഷന്റെ ഓൾ ഓസ്ട്രേലിയ ബാഡ്മിന്റൺ ടൂർണമെന്റ് പ്രൗഡോജ്ജലമായി പരിസമാപിച്ചു.

സെന്റ് മേരിസ് ക്നാനായ കാത്തലിക് മിഷൻ മെൽബണും മെൽബൺ ക്നാനായ കാത്തലിക് കോൺഗ്രസ്സും സംയുക്തമായി നടത്തപ്പെട്ട ഓൾ ഓസ്ട്രേലിയ ബാഡ്മിന്റൺ ടൂർണമെന്റ അത്യന്തം ആവേശകരമായി പരിസമാപിച്ചു. ഏപ്രിൽ ഒന്ന് ശെനിയാഴ്ച ബന്ദൂര ബാഡ്മിന്റൺ സെന്ററിൽ വെച്ച് നടത്തപ്പെട്ട ടൂർണമെന്റ് ചാപ്ലിൻ ഫാ. തോമസ് കുമ്പുക്കൽ ഉത്ഘാടനം ചെയ്തു. MKCC പ്രസിഡന്റ് സജി ഇല്ലിപ്പറമ്പിൽ എല്ലാവർക്കും സ്വാഗതം ആശംസിച്ചു.

ജോസഫ് കണ്ടാരപ്പള്ളി മെമ്മോറിയൽ ട്രോഫിക്ക് വേണ്ടി നടത്തപ്പെട്ട ടൂർണമെന്റിൽ സിജു അലക്സ് വടക്കേക്കരയും ജോ മുരിയന്മ്യാലിലും ഒന്നാം സമ്മാനമായ ട്രോഫിയും അഞ്ഞൂറ്റൊന്നു ഡോളറും കരസ്ഥമാക്കി. രണ്ടാം സമ്മാനമായ ബേബി ലൂക്കോസ് പുത്തെൻപുരക്കൽ മെമ്മോറിയൽ ട്രോഫിയും ഇരുന്നൂറ്റിയമ്പത്തൊന്നു ഡോളറും കരസ്ഥമാക്കിയത് ജിനോ കുടിലിൽ ജോമോൻ കളരിക്കൽ ടീമും മൂന്നാം സമ്മാനമായ മറിയക്കുട്ടി ഒക്കാട്ടു മെമ്മോറിയൽ ട്രോഫിയും നൂറ്റിയൊന്ന് ഡോളറും കരസ്ഥമാക്കിയത് ലാൻസ് വരിക്കാശ്ശേരിയും അലൻ ജോസഫ് ടീമുമാണ്. ട്രോഫിയും ക്യാഷ് പ്രൈസ് സ്പോൺസോഴ്സായ ഫാ. സ്റ്റീഫൻ കണ്ടാരപ്പള്ളി, ബൈജു ഓണിശ്ശേരിയിൽ , സ്റ്റെബിൻ ഒക്കാട്ട് എന്നിവർ വിജയികൾക്ക് സമ്മാനങ്ങൾ വിതരണം ചെയ്തു.

ഓസ്‌ട്രേലിയൻ മലയാളികളുടെ ചരിത്രത്തിൽ ആദ്യമായി വനിതകൾക്ക് പ്രേത്യേകമായി നടത്തപ്പെട്ട ടൂർണമെന്റിൽ ജെറിൻ എലിസബത്തും മീനു പീറ്ററും ഒന്നാം സമ്മാനമായ ട്രോഫിയും നൂറ്റിയൊന്ന് ഡോളറും കരസ്ഥമാക്കി. രണ്ടാം സമ്മാനർഹരായ അനു - ജിക്‌സി കുന്നംപടവിൽ സഹോദരികൾ അത്യന്തം വാശിയേറിയ മത്സരം കാഴ്ചവെച് സമ്മാനമായ ട്രോഫിയും അമ്പത്തിയൊന്നു ഡോളറും കരസ്ഥമാക്കി. സ്പോൺസേർസായ അലൻ - സോജി , ജിബു - സ്‌റ്റേനി ദമ്പതികൾ വിജയികൾക് സമ്മാനങ്ങൾ വിതരണം ചെയ്തു.

ഓസ്‌ടേലിയയുടെ വിവിധ ഭാഗങ്ങളിൽ നിന്ന് ഇരുപത്തിയഞ്ച് ടീമുകളാണ് ടൂർണമെന്റിൽ പങ്കെടുത്തത്. കുട്ടികൾക്കു വേണ്ടി ജമ്പിങ് കാസിൽ , ഫേസ് പെയിന്റിംഗ് മറ്റു കളികളും ഒരുക്കിയ ഈ ടൂർണമെന്റെ ജന പങ്കാളിത്തം കൊണ്ട് പ്രേത്യേക പ്രശംസ നേടി.

"മൈ ലോൺസ് " മോർട്ടഗേജ് അഡ്വൈസർസ് മെഗാ സ്പോൺസറായ ഈ ഇവന്റിൽ നിന്ന് ലഭിച്ച എല്ലാ ലാഭവും മിഷ്യന്റെ ചാരിറ്റി പ്രൊജക്റ്റായ "ഹോം ഫോർ ദി പൂവർ " ന് പോകും എന്ന് സംഘാടകർ അറിയിച്ചു. ഒപ്പം ഒന്നാം സമ്മാന ജേതാക്കളും മൂന്നാം സമ്മാന ജേതാക്കളും അവരുടെ സമ്മാന തുകയും ഈ പ്രോജക്ടിന് സംഭാവന നൽകുകയും ചെയ്തു.

ഈ ടൂർണമെന്റിന്റെ വിജയത്തിനുവേണ്ടി പ്രവർത്തിച്ച എല്ലാവർക്കും ബാഡ്മിന്റൺ കമ്മിറ്റയുടെ കോർഡിനേറ്റർ ഷിനു ജോൺ പ്രത്യേകം നന്ദി അറിയിച്ചു.

കൂടുതൽ ഫോട്ടോകൾക്ക് താഴെ കാണുന്ന ലിങ്കിൽ ക്ലിക്ക് ചെയ്യുക

http://www.knanayacatholicsmelbourne.org/index.php/Gallery/List_GalleryPhotos/60/Badminton%202017

Read more

സെന്റ് ജോസഫ് ഡേ സിങ്കപ്പൂർ ക്നാനായ കമ്മ്യൂണിറ്റി ആഘോഷിച്ചു

സിംഗപ്പുർ: സിംഗപ്പൂരിലെ ക്നാനായ കമ്മ്യൂണിറ്റി മാര്‍ച്ച് 19ാ൦ തിയതി സിംഗപ്പൂരിലെ സെന്റ് ജോസഫ് പള്ളിയിൽ ഒത്തു ചേർന്ന് സെന്റ് ജോസഫ് ഡേ ആഘോഷിച്ചു. വിശുദ്ധ കുർബാനയും അതെ തുടർന്ന് കുരിശിന്റെ വഴിയോടും ആണ് ആഘോഷങ്ങൾക്കു തുടക്കം കുറിച്ചത്. സിംഗപ്പൂരിലെ വിവിധ ഭാഗങ്ങളിൽ നിന്നായി 25 ഓളം ആൾക്കാർ വിശുദ്ധ കുർബാനയിലും കുരിശിന്റെ വഴിയിലും പങ്കെടുക്കുകയും തുടർന്നുള്ള ആഘോഷങ്ങളിൽ പങ്കു കൊള്ളുകയും ചെയ്തു .ആഘോഷങ്ങളിൽ പങ്കെടുത്തവർക്ക് ആല്മീയമായി ഉണർവ് ഉണ്ടാകുവാനും സമുദായികപരമായ ഒരു കുട്ടായ്മക്കും സെന്റ് ജോസഫ് ഡേ കാരണമായി.

Read more

ബ്രിസ്‌ബേൻ ക്നാനായ കത്തോലിക്ക കമ്മ്യൂണിറ്റിയുടെ നേതൃത്വത്തിൽ വനിതകൾക്കായി ഡേ ഔട്ട് നടത്തി

ബ്രിസ്‌ബേൻ: ബ്രിസ്‌ബേൻ ക്നാനായ കത്തോലിക്ക കമ്മ്യൂണിറ്റിയുടെ നേതൃത്വത്തിൽ വനിതകൾക്കായി ഡേ ഔട്ട് നടത്തുകയുണ്ടായി. വിനോദസഞ്ചാരികളുടെ പറുദീസയായ ഗോൾഡ്‌കോസ്റ്റിൽ നിന്നും കോപ് ഐലണ്ടിലേക്കു കുടിയേറ്റ യാത്രയെ അനുസ്മരിക്കുംവിധം ക്രൂയിസ് യാത്ര നടത്തുകയുണ്ടായി. മാർത്തോമൻ പാടി ആരംഭിച്ച പ്രസ്തുത പരിപാടിയിൽ, യാത്രയിലുടനീളം വിവിധ കലാപരിപാടികളിൽ വനിതാ സമൂഹം പങ്കെടുക്കുകയും ചെയ്തു. BKCC വനിതാ പ്രതിനിധി ശ്രീമതി ബിന്ദു ടിബി നേതൃത്വം നൽികിയ പരിപാടി വൻ വിജയമായിരുന്നു. പ്രവാസ ജീവിതത്തിന്റെ തിരക്കുകൾ മാറ്റിവച്ചു സൗഹൃദവും സഹോദര്യത്വവും പങ്കുവയ്ക്കാൻ കിട്ടിയ അവസരം തികഞ്ഞ ആവേശത്തോടെയാണ് BKCC യുടെ വനിതാഅംഗങ്ങൾ സ്വീകരിച്ചത്.

Read more

KNOX ക്നാനായ കൂട്ടായ്മ 10 ാം വാർഷികം നടത്തി

കഴിഞ്ഞ പത്തു വർഷമായി 15ൽ പരം കുടുബങ്ങൾ ഒത്തുചേരുന്ന KNOX ക്നാനായ കൂട്ടായ്മ അതിന്റെ പത്തു വർഷം ഗംഭീരമായി ആഘോഷിച്ചു .തങ്ങളുടെ ആഘോഷങ്ങളിൽ പങ്കെടുക്കുവാനായി ഉപരി പഠനത്തിനായി മെൽബണിലുള്ള തങ്ങളുടെ സ്വന്തം ഫാ ജെയിംസ് അരിച്ചറയുടെ സാന്നിധ്യം തങ്ങളെ കൂടുതൽ ഊർജ്വസ്വലരാക്കി എന്ന് സാജൻ കൊച്ചുവരാക്കുടിലിൽ പറഞ്ഞു .ഈ ആഘോഷം ഫെബ്രുവരി 28 ന് സജിമോൻ പുളിമൂട്ടിലിന്റെ ഭവനത്തിൽ വച്ചാണ് നടത്തിയത് .തുടങ്ങിയ കാലം മുതലുള്ള കുരിശുവരയോടെ തുടങ്ങിയ കൂട്ടായ്മക്കു ശേഷം ബൈബിൾ ക്വിസ് നടന്നു ജോർജ് സജീവിന്‌ ഫാ ജെയിംസ് സമ്മാനം നൽകി .തുടർന്ന് ജോയിസ് ജോസ് ബെഞ്ചമിൻ മേച്ചേരിൽ എന്നിവരുടെ നേതൃത്വത്തിൽ വൂവിധ കലാ പരിപാടികൾ അരങ്ങേറി .ഇങ്ങനെയുള്ള കൂട്ടായ്‍മകളാണ് തങ്ങളുടെ ബന്ധങ്ങളെ ദൃഡപ്പെടുത്തുന്നുവെന്ന് ഫാ ജെയിംസ് പറഞ്ഞു .തുടർന്ന് അദ്ദേഹം വിദേശ രാജ്യങ്ങളിൽ കുടുബത്തിന്റെ സ്‌ഥാനം എന്ന വിഷയത്തെ ആസ്പദമാക്കി ഹൃസ്വവും രസകരവുമായ രീതിയിൽ ക്ലാസ് നടത്തി .തുടർന്ന് എല്ലാവർക്കും ഡിന്നർ നൽകി .10 മത് വാർഷികം പ്രമാണിച്ചു നാട്ടിലുള്ള കഷ്ടതകൾ അനുഭവിക്കുന്ന ഒരു കുടുബത്തിനു 50000 രൂപാ നൽകുവാൻ തീരുമാനിച്ചു .തുടർന്ന് സജീവ് സൈമൺ എല്ലാവർക്കും നന്ദി പറഞ്ഞു .ഇനിയും ഈ കൂട്ടായ്മ വളരെക്കാലം മുന്നോട്ടു തടസങ്ങളില്ലാതെ പോകുവാൻ ദൈവം നമ്മെ അനുഗ്രഹിക്കുമെന്ന വിശ്വാസത്തിൽ അടുത്തമാസം കാണാം എന്ന പ്രീതീക്ഷയിൽ പിരിഞ്ഞു.

Read more

പൈതൃകം 2016 വീഡിയോ മത്സരത്തിൽ ഒന്നാംസ്ഥാനം കുമരകം വള്ളാറപ്പള്ളിക്ക്

മൂന്നാമത് കെ സി സി ഓ കൺവെൻഷൻ പൈതൃകം 2016 നോട് അനുബന്ധിച്ചു നടത്തിയ വിഡിയോഗ്രഫി മത്സരത്തിൽ ഒന്നാംസ്ഥാനം കരസ്ഥമാക്കിയ കുമരകം വള്ളാറപ്പള്ളിക്ക് ഒന്നാം സമ്മാനമായ 20001 രൂപയും ട്രോഫിയും കൺവെൻഷൻ ചെയർമാൻ സുനു സൈമൺ ഉറവക്കുഴിയിൽ നിന്നും വികാരി ഫാ ജെയിംസ് പൊങ്ങാനായിൽ ഏറ്റുവാങ്ങുന്നു. കെ സി വൈ എൽ മുൻ പ്രെസിഡന്റ്റ് ഷിനോ മഞ്ഞാങ്കൽ സമീപം.

Read more

ഉഴവൂർ സംഗമം ഉദ്ഘാടനം ചെയ്തു

മെൽബൺ ∙ ഇന്ത്യയുടെ പ്രഥമ പൗരൻ ആയിരുന്ന കെ. ആർ. നാരായണന്റെയും ആദ്യകാല കേരളാ നിയമസഭയിലെ പ്രാസംഗകരിൽ വ്യത്യസ്തനായിരുന്ന ജോസഫ് ചാഴിക്കാടന്റേയും പാദസ്പർശനം ഏറ്റ ഉഴവൂർ ഗ്രാമത്തിൽ നിന്നും പ്രാന്തപ്രദേശങ്ങളിൽ നിന്നും മെൽബണിലേക്ക് കുടിയേറിയവർക്കും ആദ്യ ഉഴവൂർ സംഗമം ആവേശകരമായി. മെൽബണിലെ ക്ലാരിൻസാ യൂലികാ ഹാളിൽ നടന്ന വർണ്ണ ശമ്പളമായ ചടങ്ങിൽ ഉഴവൂർ ഗ്രാമത്തിലെ മെൽബണിലുളള മാതാപിതാക്കൾ നിലവിളക്ക് കൊളുത്തി ഉദ്ഘാടനം ചെയ്തു.

uzhavur-2

ഇരുനൂറിൽപ്പരം അംഗങ്ങൾ പങ്കെടുത്ത ചടങ്ങിൽ കോർഡിനേറ്റർ ജോസി ഒറ്റത്തനാടിയിൽ, കമ്മിറ്റി അംഗങ്ങളായ ബിനോയി പച്ചിലമാക്കിൽ, ജോയ്സ് വെട്ടത്ത് കണ്ടത്തിൽ, ലിറ്റോ തോടനാനിയിൽ, സോജൻ പേരുകടപ്പനാൽ, ജോസ്മോൻ കുന്നംപടവിൽ, സൈമൺ വേളുപ്പറമ്പിൽ, അനിലാ റ്റോബി, ജൂലി ടോണി എന്നിവർ പരിപാടികൾക്ക് നേതൃത്വം നൽകി. ചുരുങ്ങിയ സമയം കൊണ്ട് മെൽബണിൽ ആദ്യ ഉഴവൂർ സംഗമം വിജയമായതിന്റെ സന്തോഷത്തിലാണ് ഉഴവൂർ ഗ്രാമവാസികൾ.

uzhavur-1

കുട്ടികളുടേയും മുതിർന്നവരുടേയും കലാപരിപാടികൾ ചടങ്ങുകൾക്ക് നിറചാർത്ത് നൽകി. ജാതിമത രാഷ്ട്രീയ ചിന്തകൾക്ക് അതീതമായി ചിന്തിക്കുകയും ഐക്യപ്പെടുകയും ചെയ്തുകൊണ്ട് മെൽബൺ മലയാളികൾക്ക് മാതൃകയാകുകയാണ് ഉഴവൂർ സംഗമം. ഉഴവൂർ ഗ്രാമത്തിന്റെ നിഷ്കളങ്കതയും ചാരുതയും അയവിറക്കാൻ ഉഴവൂർ സംഗമം വഴി അംഗങ്ങൾക്ക് സാധിച്ചു എന്നതാണ് ഇതിന്റെ വിജയം. വ്യക്തിപരമായ അഭിപ്രായ വ്യത്യാസങ്ങൾ മറന്ന് നാടിന്റെ വളർച്ചയ്ക്കുവേണ്ടി ഒറ്റക്കെട്ടായി പ്രവർത്തിക്കാനും ഉഴവൂർ ഗ്രാമത്തിന്റെ ഗദകാല സ്മരണകൾ അയവിറക്കി നന്മയുടെ പ്രതികമായ ഒരു പുതുസമൂഹത്തെ മെൽബണിൽ കെട്ടിപ്പെടുക്കാനും അംഗങ്ങൾ തീരുമാനിച്ചു. കലാപരിപാടികൾക്കുശേഷം സ്വാദിഷ്ടമായ സ്നേഹ വിരുന്നും സംഘാടകർ ക്രമീകരിച്ചിരുന്നു. പരിപാടിയിലെ ഏറ്റവും മികച്ച ലക്കി ഫാമിലിയായി ജോജി– സോണിയ പത്തുപറയെ തിരഞ്ഞെടുത്തു. പരിപാടിയുടെ കോർഡിനേറ്റർ ജോസി ഒറ്റത്തങ്ങാടിയിൽ സ്വാഗതവും കമ്മറ്റി അംഗം സൈമൺ വേളുപ്പറമ്പിൽ നന്ദിയും പറഞ്ഞു.

Read more

Copyrights@2016.