india live Broadcasting
കോട്ടയം അതിരൂപതയുടെ സാമൂഹ്യ പ്രതിബദ്ധത മാതൃകാപരം: തിരുവഞ്ചൂര്‍ രാധാകൃഷ്ണന് എം.എല്‍.എ.
കോട്ടയം: കോട്ടയം അതിരൂപതയുടെ സാമൂഹ്യസേവന പ്രവര്‍ത്തനങ്ങള്‍ മാതൃകാപരമാണെന്ന് തിരുവഞ്ചൂര്‍ രാധാകൃഷ്ണന് എം.എല്‍.എ. കോട്ടയം അതിരൂപതയുടെ പ്രഥമ മെത്രാപ്പോലീത്തയായിരുന്ന മാര്‍ കുര്യാക്കോസ് കുന്നശ്ശേരി പിതാവിന്റെ ഒന്നാം ചരമവാര്‍ഷികദിനത്തോടനുബന്ധിച്ച് കോട്ടയം അതിരൂപത കോട്ടയം ജനറല്‍ ആശുപത്രിക്ക് ലഭ്യമാക്കുന്ന "മാര്‍ കുര്യാക്കോസ് കുന്നശ്ശേരി മെമ്മോറിയല്‍ ക്യാബ്" കളുടെ സമര്‍പ്പണ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ദൈവസ്‌നേഹം വാക്കുകളിലൊതുക്കാതെ മാതൃകാപരമായ ജീവകാരുണ്യ പ്രവര്‍ത്തനങ്ങളിലൂടെ പൊതുസമൂഹത്തിന് ലഭ്യമാക്കുന്നതില്‍ അതിരൂപത എക്കാലത്തും ശ്രദ്ധിച്ചിരുന്നുവെന്ന് അദ്ദേഹം കൂട്ടിച്ചേര്‍ത്തു. ജനറല്‍ ആശുപത്രിയുടെ വികസനത്തിനായി അതിരൂപത നിര്‍മ്മിച്ചു നല്കിയ ബിഷപ്പ് ചൂളപ്പറമ്പില്‍ മെമ്മോറിയല്‍ ബ്ലോക്കും മാര്‍ കുര്യാക്കോസ് കുന്നശ്ശേരി പിതാവ് ലഭ്യമാക്കിയ നൂറ്റന്‍പതോളം കട്ടിലുകളും കിടക്കകളും ആദ്യകാലം മുതല്‍ നിസ്വാര്‍ത്ഥ സേവനം ലഭ്യമാക്കിയ അതിരൂപതയിലെ സമര്‍പ്പിതരുടെ സേവനങ്ങളുമെല്ലാം ജനറല്‍ ആശുപത്രിയുടെ സ്വയംപര്യാപ്തതയില്‍ നിര്‍ണ്ണായക പങ്കുവഹിച്ചിട്ടുണ്ടെന്ന് ഉദ്ഘാടന പ്രസംഗത്തില്‍ അദ്ദേഹം പറഞ്ഞു. ചടങ്ങില്‍ കോട്ടയം അതിരൂപതാ മെത്രാപ്പോലീത്ത മാര്‍ മാത്യു മൂലക്കാട്ട് ബഗ്ഗി കാറുകളുടെ താക്കോലുകളും രേഖകളും ജില്ലാ ആരോഗ്യ മെഡിക്കല്‍ ഓഫീസര്‍ ഡോ. ജേക്കബ്ബ് വര്ഗീസ്, ജനറല്‍ ആശുപത്രി സൂപ്രണ്ട് ഡോ. ബിന്ദുകുമാരി ആര്‍ എന്നിവര്‍ക്ക് കൈമാറി. സാധാരണക്കാരായ ജനങ്ങള്‍ക്കുവേണ്ടിയുള്ള കോട്ടയം അതിരൂപതയുടെ സമര്‍പ്പണമാണ് ബഗ്ഗി കാറുകളെന്ന് അഭിവന്ദ്യ പിതാവ് പറഞ്ഞു. വീല്‍ ചെയറുകള്‍ ദീര്‍ഘ ദൂരം കൊണ്ടുപോകുമ്പോള്‍ ഉണ്ടാകുന്ന പ്രായോഗിക ബുദ്ധിമുട്ടുകള്‍ നേരിട്ട് മനസ്സിലാക്കിയതിനാലാണ് അഭിവന്ദ്യ കുന്നശ്ശേരി പിതാവിന്റെ സ്മരണാര്‍ത്ഥം ഇത്തരമൊരു സഹായഹസ്തവുമായി പ്രചോദനമായതെന്ന് അദ്ദേഹം പറഞ്ഞു. ആശുപത്രിയിലെത്തുന്ന രോഗികള്‍ക്ക് മെച്ചപ്പെട്ടതും കാര്യക്ഷമമായതുമായ സേവനം ഈ കാറുകളുടെ ഉപയോഗത്തിലൂടെ ലഭ്യമാക്കുക എന്നതാണിതിന്റെ ലക്ഷ്യമെന്നും അദ്ദേഹം കൂട്ടിച്ചേര്‍ത്തു. കോട്ടയം മുനിസിപ്പല്‍ ചെയര്‍പേഴ്‌സണ്‍ ഡോ. സോന പി.ആര്‍ അദ്ധ്യക്ഷത വഹിച്ചു. കോട്ടയം അതിരൂപതാ വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, തോമസ് ചാഴികാടന്‍ എക്സ് എം.എല്‍.എ, മുനിസിപ്പല്‍ കൗണ്‍സിലര്‍ സാബു പുളിമൂട്ടില്‍, ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ലീലാമ്മ ജോസഫ്, ജില്ലാ ആരോഗ്യ മെഡിക്കല്‍ ഓഫീസര്‍ ഡോ. ജേക്കബ്ബ് വര്ഗീസ്, കോട്ടയം ജില്ലാ പ്രോഗ്രാം ഓഫീസര്‍ ഡോ. വ്യാസ് സുകുമാരന്‍, കോട്ടയം ജനറല്‍ ആശുപത്രി ഡെപ്യൂട്ടി സൂപ്രണ്ട് ജെസ്സി ജോയി സെബാസ്റ്റ്യന്‍ എന്നിവര്‍ ആശംസകളര്‍പ്പിച്ചു.
11 ലക്ഷം രൂപ ചിലവഴിച്ചാണ് കോട്ടയം അതിരൂപത രണ്ട് ബഗ്ഗി കാറുകള്‍ വാങ്ങിലഭ്യമാക്കിയത്. വാഹനങ്ങളില്‍ ഒന്ന് കിടപ്പുരോഗികള്‍ക്കായുള്ള ആംബുലന്‍സ് ക്യാബ് ആണ്. പ്രസ്തുത വാഹനം ഉപയോഗിക്കുന്നതു വഴി ഗുരുതരാവസ്ഥയിലുളള രോഗികള്‍ക്ക് ശാരീരിക ചലനമുണ്ടാകാതെയും രക്തസ്രാവം മൂലമുണ്ടാകാവുന്ന അപകട സാധ്യത കുറച്ച് സുരക്ഷിതമായും വാര്‍ഡുകളില്‍ എത്തിക്കുവാന്‍ കഴിയും. മൂന്ന് രോഗികള്‍ക്ക് ഇരിക്കാനും കൂടാതെ സ്‌ട്രെച്ചറില്‍ ഒരു രോഗിയെ സംവഹിക്കാനും ബഗ്ഗി കാറില്‍ സൗകര്യമുണ്ട്. വീല്‍ ചെയറുകളിലും സ്‌ട്രെച്ചറുകളിലും രോഗികളെ എത്തിക്കേണ്ടി വരുമ്പോള്‍ ആവശ്യമായി വരുന്ന അധിക മാനവ വിഭവശേഷി കുറയ്ക്കാനും വേഗതയില്‍ രോഗികളെ ചികിത്സയ്ക്കായി എത്തിക്കാനും ഈ കാറുകള്‍ വഴിയൊരുക്കും. രണ്ടാമത്തേത് മരുന്നുകളും അണുനശീകരണം വരുത്തിയ ശസ്ത്രക്രിയ സാമഗ്രികളും സ്റ്റോറില്‍ നിന്നും തിയേറ്ററിലെത്തിക്കാനും ബെഡ്ഷീറ്റുകളും രോഗീപരിചരണത്തിന് ആവശ്യമായ ഇതര വസ്തുക്കളും അണുവിമുക്തമായി എത്തിക്കുവാനുമായി പ്രത്യേകം സജ്ജീകരിച്ചിട്ടുള്ള കാര്‍ഗോ ക്യാബ് ആണ്.
പൂര്‍ണ്ണമായും ബാറ്ററിയില്‍ പ്രവര്‍ത്തിക്കുന്ന ഈ കാറുകളിലെ ബാറ്ററികള്‍ ഓരോ തവണ റീചാര്‍ജ്ജ് ചെയ്യുമ്പോഴും 74 കിലോമീറ്റര്‍ ദൂരം ഓടിക്കാന്‍ കഴിയും. ആശുപത്രിക്കുള്ളില്‍ മാത്രം ഉപയോഗിക്കാന്‍ കഴിയുന്ന ഈ ക്യാബുകള്‍ ശബ്ദരഹിതമാണെന്നതും പുകപോലുള്ള മാലിന്യ പ്രശ്‌നങ്ങള്‍ സൃഷ്ടിക്കുന്നില്ലെന്നതും ശ്രദ്ധേയമാണ്. പെട്രോള്‍, ഡീസല്‍ പോലുള്ള ഇന്ധനങ്ങള്‍ ആവശ്യമില്ലാത്തതിനാല്‍ ഇന്ധനചിലവിനായുള്ള അമിത സാമ്പത്തിക ഭാരം ഇല്ലാതെ മുന്‍പോട്ട് പോകുവാന്‍ കഴിയുമെന്നതും ഈ വാഹനത്തിന്റെ പ്രത്യേകതയാണ്.
ഡ്രൈവിംഗ് അറിയാവുന്ന ആര്‍ക്കും പെട്ടന്ന് പരിചയപ്പെട്ട് ഉപയോഗിക്കാവുന്ന വാഹനമെന്ന നിലയില്‍ ആശുപത്രിയില്‍ ഡോക്ടര്‍മാര്‍ തുടങ്ങി സാധാരണ സ്റ്റാഫംഗങ്ങള്‍ വരെ ആര്‍ക്കും ഇതിന്റെ സേവനങ്ങള്‍ രോഗികള്‍ക്ക് ലഭ്യമാക്കുവാന്‍ സാധിക്കും. ബഗ്ഗി കാറുകള്‍ 60 കിലോ മീറ്റര്‍ വേഗത്തില്‍ വരെ ഓടിക്കാം. സാധനങ്ങള്‍ കൊണ്ടുപോകാന്‍ കഴിയുന്ന ബഗ്ഗി 500 കിലോ ഭാരവും വഹിക്കും.
കൈപ്പുഴയില്‍ 10 ലും 12 ലും എല്ലാ വിഷയങ്ങളിലും A+ കിട്ടിയ കുട്ടികളെ ആദരിച്ചു
കൈപ്പുഴ: കെ.സി.വൈ.എല്‍ കൈപ്പുഴ യൂണിറ്റിന്റെ നേതൃത്വത്തില്‍ 2017-2018 അധ്യയന വര്‍ഷത്തില്‍ കൈപ്പുഴയില്‍ 10 ലും 12 ലും എല്ലാ വിഷയങ്ങളിലും A+ കിട്ടിയ കുട്ടികളെ ആദരിച്ചു. യൂണിറ്റ് ചാപ്ലയിന്‍ റവ. ഫാ. മാത്യു കുഴുപ്പിള്ളില്‍ കുട്ടികള്ക്ക് സര്‍ട്ടിഫിക്കറ്റും മെഡലും വിതരണം ചെയ്തു. എ.കെ.സി.സി. സെക്രട്ടറി തോമസ് പീടികയില്‍, പ്രസിഡന്റ് ജിബിന്‍ വഞ്ചിയില്‍, സെക്രട്ടറി ജ്യോതിഷ്‌ മുണ്ടയ്‌ക്കല്‍, വൈസ്‌ പ്രസിഡന്റ് റിയ, ജോ. സെക്രട്ടറി റ്റിനി, ട്രഷറര്‍ ക്രിസ്റ്റിന്‍ പുല്ലാട്ടുകാലായില്‍ തുടങ്ങിയവര്‍ പങ്കെടുത്തു
അതിരൂപതയുടെ സാമൂഹിക പ്രതിബദ്ധതയുടെ ഭാഗമായാണ്‌ ജില്ലാ ആശുപത്രിക്ക് ബെഗി കാറുകള്‍ നല്‌കുന്നതെന്ന്‌ മാര്‍ മാത്യു മൂലക്കാട്ട്
കോട്ടയം: കോട്ടയം അതിരൂപതയുടെ സാമൂഹിക പ്രതിബദ്ധതയുടെ ഭാഗമായാണ്‌ ജില്ലാ ആശുപത്രിക്ക് കുന്നശ്ശേരി പിതാവിന്റെ പേരില്‍ രണ്ട് ബെഗി കാറുകള്‍ സംഭാവന നല്‌കുന്നതെന്ന്‌ മാര്‍ മാത്യു മൂലക്കാട്ട് മെത്രാപ്പോലീത്ത. മാര്‍ കുര്യാക്കോസ് കുന്നശ്ശേരിയുടെ ഒന്നാം ചരമവാര്‍ഷിക ആചരണത്തിന്റെ ഭാഗമായി ജില്ലാ ആശുപത്രിക്ക് അതിരൂപത നല്കിയ കാറുകളുടെ താക്കോല്‍ദാനം നിര്‍വഹിച്ച്‌ സംസാരിക്കുകയായിരുന്നു അദ്ദേഹം. ജില്ലാ ആശുപത്രിയുടെ വികസനത്തില്‍ രൂപത പ്രത്യേക താത്‌പര്യം പ്രകടിപ്പിച്ചിട്ടുണ്ട്‌. ചൂളപ്പറമ്പില്‍ പിതാവിന്റെ പേരില്‍ വാര്‍ഡ്‌ നിര്‍മിച്ചു നല്‌കിയതും കുന്നശ്ശേരി പിതാവിന്റെ മെത്രാഭിഷേക ജൂബിലിയുടെ ഭാഗമായി 150 കട്ടിലും ബെഡും ആശുപത്രിക്ക് നല്‌കിയതും മാര്‍ മൂലക്കാട്ട് അനുസ്‌മരിച്ചു. കൂടാതെ ആശുപത്രിയില്‍ വിസിറ്റേഷന്‍ സന്യാസിനി സമൂഹത്തിലെ രണ്ട് സിസ്റ്റേഴ്‌സ്‌ സൗജന്യ സേവനം നല്‌കുന്നതും അതിരൂപതയുടെ സാമൂഹിക പ്രതിബദ്ധതയുടെ ഭാഗമാണെന്നും അദ്ദേഹം പറഞ്ഞു. തിരുവഞ്ചൂര്‍ രാധാകൃഷ്ണന് എം.എല്‍.എ സമ്മേളനം ഉദ്ഘാടനം ചെയ്തു. ജില്ലാ ആശുപത്രി വികസനത്തിന്‌ കോട്ടയം അതിരൂപത നല്കുന്ന സംഭാവനകള്‍ അദ്ദേഹം പ്രത്യേകം അനുസ്‌മരിച്ചു. വിദ്യാഭ്യാസ, ആതുര ശുശ്രൂഷാ രംഗത്ത്‌ കുന്നശ്ശേരി പിതാവ് ആരംഭിച്ച സ്ഥാപനങ്ങള്‍ കോട്ടയത്തിന്‌ മുതല്‍ക്കൂട്ടാണെന്ന്‌ അദ്ദേഹം പറഞ്ഞു. മുനിസിപ്പല്‍ ചെയര്‍പേഴ്‌സണ്‍ ഡോ. പി.ആര്‍. സോന അധ്യക്ഷത വഹിച്ചു. കോട്ടയം അതിരൂപതാ വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, തോമസ് ചാഴികാടന്‍ എക്സ് എം.എല്‍.എ, സാബു പുളിമൂട്ടില്‍, ലീലാമ്മ ജോസഫ്, ടി.സി റോയി , ഡോ. ജേക്കബ്‌ വര്ഗീസ്, ഡോ. വ്യാസ് സുകുമാരന്‍, ഡോ. ആര്‍. ബിന്ദുകുമാരി, ഡോ. ജെസി ജോയി സെബാസ്റ്റ്യന്‍ തുടങ്ങിയവര്‍ പ്രസംഗിച്ചു
മടമ്പം പി.കെ.എം കോളേജില്‍ മാര്‍ കുര്യാക്കോസ് കുന്നശ്ശേരിയുടെ ഒന്നാം ചരമവാര്‍ഷിക അനുസ്‌മരണം നടത്തി.
മടമ്പം: പി.കെ.എം. കോളജ് ഓഫ്‌ എഡ്യുക്കേഷന്റെ സ്ഥാപകരക്ഷാധികാരിയായിരുന്ന മാര്‍ കുര്യാക്കോസ് കുന്നശ്ശേരിയുടെ ഒന്നാം ചരമവാര്‍ഷിക അനുസ്‌മരണവും എന്‍ഡോവ്‌മെന്റ്‌ വിതരണവും കോളജ് ഓഡിറ്റോറിയത്തില്‍ നടത്തി. കോളജ് പ്രിന്‍സിപ്പല്‍ ഡോ. സ്റ്റീഫന്‍ ടി.എ. സ്വാഗതമാശംസിച്ചു. പ്രോ മാനേജര്‍ റവ. ഫാ. ജോസ് നെടുങ്ങാട്ട്‌ അനുസ്മരണ പ്രഭാഷണവും എന്‍ഡോവ്‌മെന്റ്‌ വിതരണവും നടത്തി. സി. ജെസി എന്‍.സി, ഡോണ്‍ പി.ടി, ജോബി മാത്യു, റിയ മേരി തോമസ് എന്നിവര്‍ പ്രസംഗിച്ചു. പിതാവിന്റെ ജീവിതത്തെ ആസ്‌പദമാക്കി തയ്യാറാക്കിയ ഡോക്യുമെന്ററി `കര്‍മയോഗിയുടെ ധന്യപാദങ്ങളില്‍ പ്രദര്‍ശിപ്പിച്ചു. അഞ്ചു മരിയ നന്ദി പറഞ്ഞു.
മാര്‍ കുര്യാക്കോസ് കുന്നശ്ശേരി മെമ്മോറിയല്‍ ബഗ്ഗി കാറുകള്‍ കോട്ടയം ജനറല്‍ ആശുപ്രതിക്ക് ജൂണ്‍ 13 ന് കൈമാറും
കോട്ടയം: കോട്ടയം അതിരൂപതയുടെ പ്രഥമ മെത്രാപ്പോലീത്തയായിരുന്ന മാര്‍ കുര്യാക്കോസ് കുന്നശ്ശേരി പിതാവിന്റെ ഒന്നാം ചരമവാര്‍ഷികദിനത്തോടനുബന്ധിച്ച് കോട്ടയം അതിരൂപത ലഭ്യമാക്കുന്ന രണ്ട് ബഗ്ഗി കാറുകള്‍ ഇന്ന് കോട്ടയം ജനറല്‍ ആശുപത്രിക്ക് കൈമാറും. രാവിലെ 10.30 ന് ജനറല്‍ ആശുപത്രി ക്യാമ്പസില്‍ നടക്കുന്ന ചടങ്ങില്‍ വച്ച് കോട്ടയം അതിരൂപതാ മെത്രാപ്പോലീത്ത മാര്‍ മാത്യു മൂലക്കാട്ട് "മാര്‍ കുര്യാക്കോസ് കുന്നശ്ശേരി മെമ്മോറിയല്‍ ക്യാബ്" കള്‍ കോട്ടയം ജനറല്‍ ആശുപത്രി സൂപ്രണ്ട് ഡോ. ബിന്ദുകുമാരി ആര്‍ ന് കൈമാറും. കോട്ടയം മുനിസിപ്പല്‍ ചെയര്‍പേഴ്‌സണ്‍ ഡോ. പി.ആര്‍. സോന ചടങ്ങില്‍ അദ്ധ്യക്ഷത വഹിക്കും. തിരുവഞ്ചൂര്‍ രാധാകൃഷ്ണന് എം.എല്‍.എ സമ്മേളനം ഉദ്ഘാടനം ചെയ്യും. തോമസ് ചാഴികാടന്‍ എക്സ് എം.എല്‍.എ, കോട്ടയം ജില്ലാ ആരോഗ്യ മെഡിക്കല്‍ ഓഫീസര്‍ ഡോ. ജേക്കബ്ബ് വര്ഗീസ്, ജില്ലാ പ്രോഗ്രാം ഓഫീസര്‍ ഡോ. വ്യാസ് കുര്യന്‍, ജനറല്‍ ആശുപത്രി സൂപ്രണ്ട് ഡോ. ജെസ്സി ജോയി എന്നിവര്‍ പ്രസംഗിക്കും.
സാധാരണക്കാരായ പൊതുജനങ്ങളുടെ കോട്ടയത്തെ പ്രധാന ആശ്രയകേന്ദ്രമായ കോട്ടയം ജനറല്‍ ആശുപത്രിയിലെ സേവനങ്ങള്‍ രോഗികള്‍ക്ക് സുഗമവും കാര്യക്ഷമവുമാക്കുക എന്ന ലക്ഷ്യത്തോടെയാണ് രണ്ട് ബഗ്ഗി കാറുകള്‍ കോട്ടയം അതിരൂപത ലഭ്യമാക്കുന്നത്. 11 ലക്ഷം രൂപ ചിലവഴിച്ച് കോയമ്പത്തൂര്‍ ആസ്ഥാനമായ കമ്പനിയില്‍ നിന്നാണ് കോട്ടയം അതിരൂപത ഇവ വാങ്ങിയത്. അഞ്ച് വര്‍ഷത്തേക്കുള്ള ഇവയുടെ സംരക്ഷണ പരിപാലന ഉത്തരവാദിത്വം കമ്പനി വഹിക്കും. ലഭ്യമാക്കുന്ന രണ്ട് വാഹനങ്ങളില്‍ ഒന്ന് കിടപ്പുരോഗികള്‍ക്കായുള്ള ആംബുലന്‍സ് ക്യാബ് ആണ്. പ്രസ്തുത വാഹനം ഉപയോഗിക്കുന്നതു വഴി ഗുരുതരാവസ്ഥയിലുളള രോഗികള്‍ക്ക് ശാരീരിക ചലനമുണ്ടാകാതെയും രക്തസ്രാവം മൂലമുണ്ടാകാവുന്ന അപകട സാധ്യത കുറച്ച് സുരക്ഷിതമായും വാര്‍ഡുകളില്‍ എത്തിക്കുവാന്‍ കഴിയും. മൂന്ന് രോഗികള്‍ക്ക് ഇരിക്കാനും കൂടാതെ സ്‌ട്രെച്ചറില്‍ ഒരു രോഗിയെ സംവഹിക്കാനും ബഗ്ഗി കാറില്‍ സൗകര്യമുണ്ട്. വീല്‍ ചെയറുകളിലും സ്‌ട്രെച്ചറുകളിലും രോഗികളെ എത്തിക്കേണ്ടി വരുമ്പോള്‍ ആവശ്യമായി വരുന്ന അധിക മാനവ വിഭവശേഷി കുറയ്ക്കാനും വേഗതയില്‍ രോഗികളെ ചികിത്സയ്ക്കായി എത്തിക്കാനും ഈ കാറുകള്‍ വഴിയൊരുക്കും. രണ്ടാമത്തേത് മരുന്നുകളും അണുനശീകരണം വരുത്തിയ ശസ്ത്രക്രിയ സാമഗ്രികളും സ്റ്റോറില്‍ നിന്നും തിയേറ്ററിലെത്തിക്കാനും ബെഡ്ഷീറ്റുകളും രോഗീപരിചരണത്തിന് ആവശ്യമായ ഇതര വസ്തുക്കളും അണുവിമുക്തമായി എത്തിക്കുവാനുമായി പ്രത്യേകം സജ്ജീകരിച്ചിട്ടുള്ള കാര്‍ഗോ ക്യാബ് ആണ്.
പൂര്‍ണ്ണമായും ബാറ്ററിയില്‍ പ്രവര്‍ത്തിക്കുന്ന ഈ കാറുകളിലെ ബാറ്ററികള്‍ ഓരോ തവണ റീചാര്‍ജ്ജ് ചെയ്യുമ്പോഴും 74 കിലോമീറ്റര്‍ ദൂരം ഓടിക്കാന്‍ കഴിയും. ആശുപത്രിക്കുള്ളില്‍ മാത്രം ഉപയോഗിക്കാന്‍ കഴിയുന്ന ഈ ക്യാബുകള്‍ ശബ്ദരഹിതമാണെന്നതും പുകപോലുള്ള മാലിന്യ പ്രശ്‌നങ്ങള്‍ സൃഷ്ടിക്കുന്നില്ലെന്നതും ശ്രദ്ധേയമാണ്. പെട്രോള്‍, ഡീസല്‍ പോലുള്ള ഇന്ധനങ്ങള്‍ ആവശ്യമില്ലാത്തതിനാല്‍ ഇന്ധനചിലവിനായുള്ള അമിത സാമ്പത്തിക ഭാരം ഇല്ലാതെ മുന്‍പോട്ട് പോകുവാന്‍ കഴിയുമെന്നതും ഈ വാഹനത്തിന്റെ പ്രത്യേകതയാണ്.
ഡ്രൈവിംഗ് അറിയാവുന്ന ആര്‍ക്കും പെട്ടന്ന് പരിചയപ്പെട്ട് ഉപയോഗിക്കാവുന്ന വാഹനമെന്ന നിലയില്‍ ആശുപത്രിയില്‍ ഡോക്ടര്‍മാര്‍ തുടങ്ങി സാധാരണ സ്റ്റാഫംഗങ്ങള്‍ വരെ ആര്‍ക്കും ഇതിന്റെ സേവനങ്ങള്‍ രോഗികള്‍ക്ക് ലഭ്യമാക്കുവാന്‍ സാധിക്കും. ബഗ്ഗി കാറുകള്‍ 60 കിലോ മീറ്റര്‍ വേഗത്തില്‍ വരെ ഓടിക്കാം. സാധനങ്ങള്‍ കൊണ്ടുപോകാന്‍ കഴിയുന്ന ബഗ്ഗി 500 കിലോ ഭാരവും വഹിക്കും.
പത്ത് ഏക്കറുള്ള ജനറല്‍ ആശുപത്രിയില്‍ അത്യാഹിത വിഭാഗത്തില്‍ നിന്നും ഏറെ ദൂരം നടന്നാണ് രോഗികള്‍ വാര്‍ഡുകളിലും ശസ്ത്രക്രിയാ തിയേറ്ററുകളിലും പോകുന്നത്. മരുന്നും ഇതര സേവന സാധ്യതകളും എത്തിക്കുന്നതിലും ദൂരം ഒരു പ്രശ്‌നം തന്നെയാണ്. വീല്‍ ചെയറുകള്‍ ഇത്രയും ദൂരം കൊണ്ടുപോകുമ്പോള്‍ ഉണ്ടാകുന്ന പ്രായോഗിക ബുദ്ധിമുട്ടുകള്‍ കൂടി പരിഗണിച്ചാണ് കോട്ടയം അതിരൂപത ഇത്തരമൊരു സഹായ ഹസ്തവുമായി മുന്‍പോട്ടു വന്നത്.
പ്രതിദിനം ആശുപത്രിയില്‍ ചികിത്സ തേടി എത്തിച്ചേരുന്ന രണ്ടായിരത്തി അഞ്ഞൂറോളം രോഗികള്‍ക്കും ജനറല്‍ ആശുപത്രിയില്‍ കിടന്ന് ചികിത്സ തേടുന്നവര്‍ക്കും മെച്ചപ്പെട്ടതും കാര്യക്ഷമമായതുമായ സേവനം ഈ കാറുകളുടെ ഉപയോഗത്തിലൂടെ ലഭ്യമാക്കുവാന്‍ സാധിക്കുമെന്നതിന്റെ സന്തോഷത്തിലും ഉത്സാഹത്തിലുമാണ് കോട്ടയം ജനറല്‍ ആശുപത്രി അധികൃതര്‍.
കോട്ടയം അതിരൂപതാ പ്രഥമ മെത്രാപ്പോലീത്ത മാര്‍ കുര്യാക്കോസ് കുന്നശ്ശേരി പിതാവിന്റെ ഒന്നാം ചരമവാര്‍ഷിക ശുശ്രൂഷകള്‍ ജൂണ്‍ 14 ന് കോട്ടയം ക്രിസ്തുരാജാ കത്തീഡ്രലില്‍
കോട്ടയം: കോട്ടയം അതിരൂപതയുടെ പ്രഥമ മെത്രാപ്പോലീത്തയായിരുന്ന മാര്‍ കുര്യാക്കോസ് കുന്നശ്ശേരി പിതാവിന്റെ ഒന്നാം ചരമവാര്‍ഷിക ശുശ്രൂഷകള്‍ (ജൂണ്‍ 14ന്) കോട്ടയം ക്രിസ്തുരാജാ കത്തീഡ്രലില്‍. രാവിലെ 10.30 ന് സീറോ മലബാര്‍ സഭയുടെ പിതാവും തലവനുമായ മേജര്‍ ആര്‍ച്ചുബിഷപ്പ് കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി പിതാവിന്റെ മുഖ്യകാര്‍മ്മികത്വത്തില്‍ അര്‍പ്പിക്കപ്പെടുന്ന സമൂഹബലിയില്‍ അഭിവന്ദ്യ പിതാക്കന്മാരും അതിരൂപതയിലെ ബഹു. വൈദികരും സഹകാര്‍മ്മികരാകും. കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി അനുസ്മരണ സന്ദേശം നല്‍കും. അഭിവന്ദ്യ കുന്നശ്ശേരി പിതാവിന്റെ കബറിടത്തിങ്കല്‍ നടത്തുന്ന ഒപ്പീസ് പ്രാര്‍ത്ഥനയെ തുടര്‍ന്ന് ബി.സി.എം കോളേജ് ഓഡിറ്റോറിയത്തില്‍ ക്ഷണിക്കപ്പെട്ട പ്രതിനിധികള്‍ക്കായി സ്‌നേഹവിരുന്നും ക്രമീകരിച്ചിട്ടുണ്ട്. കോട്ടയം അതിരൂപതയിലെ വൈദികരും പാസ്റ്ററല്‍ കൗണ്‍സില്‍ അംഗങ്ങളും സമര്‍പ്പിത സമൂഹങ്ങളിലെ പ്രതിനിധികളും അതിരൂപതാ സംഘടനാ ഭാരവാഹികളും ഇടവകകളില്‍ നിന്നുള്ള പ്രതിനിധികളും ദിനാചരണത്തില്‍ പങ്കെടുക്കും.
ഉഴവൂര്‍ KCYLന് അഭിനന്ദന പ്രവാഹം
കണ്ണൂര്‍: KCYL അതിരൂപതാ സമിതിയുടെ സഹകരണത്തോടെ രാജപുരം, ചങ്ങലേരി ഫൊറോന സമിതികള്‍ സംയുക്തമായി നടത്തുന്ന നേതൃത്വ പരിശീലന കളരി "SPERANZA" ജൂണ്‍ 15 ന് വൈകിട്ട് 4 മണി മുതല്‍ കള്ളാര്‍ OSH ആശ്രമത്തില്‍ വച്ച് നടത്തുന്നു. ഈ പരിപാടിയുടെ മെഗാസ്‌പോണ്‍സര്‍ എന്നും വ്യത്യസ്തവും, പുതുമയാര്‍ന്നതുമായ പരിപാടികള്‍ നടത്തുന്ന ഉഴവൂര്‍ KCYL ലാണ്. വലിയ ഇടവകകള്‍ ചെറിയ ഇടവകകളെ support ചെയ്യുന്ന സാഹോദര്യത്തിന്റെ സുന്ദരമായ നിമിഷങ്ങള്‍. ക്‌നാനായക്കാരുടെ രക്തത്തില്‍ അലിഞ്ഞു ചേര്‍ന്നിരിക്കുന്ന നന്മയുടെ പുതിയ കാഴ്ചകള്‍ ഉഴവൂരിലെ ക്നാനായ യുവജനങ്ങളിലൂടെ.....
ഉഴവൂര്‍ KCYL യൂണിറ്റ് ചാപ്ലിന്‍ ഫാ. തോമസ് പ്രാലേല്‍, പ്രസിഡന്റ് ജോമി ജോസ് കൈപ്പരാട്ടിന്റെയും നേതൃത്വത്തിലുള്ള ടീമിനെ അഭിനന്ദിക്കുകയാണ് മലബാര്‍ യുവജന സമൂഹം.
ഉഴവൂര്‍ Kcyl അംഗങ്ങള്‍ക്കും, അതോടൊപ്പം അവരെ പിന്തുണയ്ക്കുന്ന ഉഴവൂര്‍ ഇടവകയിലെ നല്ലവരായ *സ്‌പോണ്‍സര്‍മാര്‍ക്കും* ""അഭിനന്ദനങ്ങള്‍.
കരിങ്കുന്നം കെ.സി.വൈ.എല്‍. യൂണിറ്റ് മാതൃകയായി
കരിങ്കുന്നം: സെന്റ് അഗസ്റ്റിന്‍സ്‌ ഹയര്‍ സെക്കണ്ടറി സ്‌കൂളിന്റെ പ്രവേശനോത്സവത്തോടനുബന്ധിച്ച്‌ 20 പാവപ്പെട്ട കുട്ടികള്ക്ക് പഠനോപകരണങ്ങള്‍ വാങ്ങുന്നതിനായി 10,000 രൂപ നല്‍കിക്കൊണ്ട്‌ കരിങ്കുന്നം കെ.സി.വൈ.എല്‍. യൂണിറ്റ് മാതൃകയായി. കെ.സി.വൈ.എല്‍. പ്രസിഡന്റ് സ്റ്റെബിന്‍ സാജു കാവനാല്‍ മറ്റ്‌ എക്‌സിക്യൂട്ടീവ്‌ അംഗങ്ങള്‍, യൂണിറ്റ് ചാപ്ലയിന്‍ റവ. ഫാ. ഡോ. ആദോപ്പിള്ളില്‍, റവ. ഫാ. ജോസഫ് വെള്ളാപ്പള്ളിക്കുഴിയില്‍ എന്നിവരുടെ നേതൃത്വത്തില്‍ സ്കൂള് ഹെഡ്‌മിസ്‌ട്രസ്‌ സി. ലിന്റ എസ്.ജെ.സിക്കാണ്‌ തുക കൈമാറിയത്‌
പെരിക്കല്ലൂര്‍ ഫൊറോന കെ.സി.ഡബ്ള്യൂ.എ പ്രവര്‍ത്തനോദ്ഘാടനവും സെമിനാറും കാപ്പിസെറ്റ് ഇടവകയില്‍ വച്ച് നടത്തി.
കാപ്പിസെറ്റ് : പെരിക്കല്ലൂര്‍ ഫൊറോന കെ.സി.ഡബ്ള്യൂ.എ പ്രവര്‍ത്തനോദ്ഘാടനവും , ഏകദിന സെമിനാറും കാപ്പിസെറ്റ് ഇടവകയില്‍ വച്ച് നടത്തി. രാജപുരം ഹയര്‍സെക്കന്‍ഡറി സ്കൂള് അധ്യാപിക മിനി ഷിജു സെമിനാര്‍ നയിച്ചു. ഫാ. എബി, ഫാ.ബിജു അച്ചിറതലയ്ക്കല്‍, ഫാ. ജോസ് തറപ്പുതൊട്ടിയില്‍, ഫാ. സുനില്‍ പാറക്കല്‍ , ഫൊറോന ഭാരവാഹികള്‍ എന്നിവര്‍ പങ്കെടുത്തു
ബഗ്ഗി കാറുകളുടെ ഉദ്ഘാടനം 13 ന്
കോട്ടയം : മാര്‍ കുര്യക്കോസ് കുന്നശ്ശേരിയുടെ ഒന്നാം ചരമ വാര്‍ഷിക ദിനത്തോടമുബന്ധിച്ചു കോട്ടയം അതിരൂപതാ ജനറല്‍ ആശുപത്രിക്കു നല്കുന്ന ബഗ്ഗി കാറുകള്‍ 13 ന് ഉദ്ഘാടനം ചെയ്യും. രാവിലെ 10.30 ന് ആശുപത്രി പരിസരത്തു നടക്കുന്ന ചടങ്ങില്‍ അതിരൂപതാ ആര്‍ച്ച് ബിഷപ്പ് മാര്‍ മാത്യു മൂലക്കാട്ട് " മാര്‍ കുര്യക്കോസ് കുന്നശ്ശേരി മെമ്മോറിയല്‍ കാബുകള്‍ " കോട്ടയം ജനറല്‍ ആശുപത്രിക്കു കൈമാറും.
സംസ്ഥാനത്ത് ആദ്യമായാണ് ഒരു സര്‍ക്കാര്‍ ആശുപത്രിയില്‍ ബഗ്ഗി കാറുകളുടെ സൗകര്യം ലഭിമാക്കുന്നതെന്ന് അതിരൂപതാ അതികൃതര്‍ പറഞ്ഞു. പൂര്‍ണ്ണമായും ബാറ്ററിയില്‍ പ്രവര്‍ത്തിക്കുന്ന കാറുകളിലെ ബാറ്ററികള്‍ ഓരോതവണ റീചാര്‍ജ് ചെയ്യുമ്പോഴും 74 കിലോമീറ്റര്‍ ദൂരം ഓടിക്കാന്‍ കഴിയും. ആശുപത്രിക്കുള്ളില്‍ മാത്രം ഉപയോഗിക്കാന്‍ കഴിയുന്ന ഈ കാബുകള്‍ ശബ്ദ-പുക രഹിതമാണ്.
ജനറല്‍ ആശുപത്രിക്കു ലഭിക്കുന്ന രണ്ടു വാഹനങ്ങളിലോന്നു കിടപ്പുരോഗികള്‍ക്കുള്ള ആംബുലന്‍സ് കാബ് ആണ്. ഗുരുതരാവസ്ഥയിലുള്ള രോഗികളെ ശാരീരിക ചലനമൂണ്ടാകാതെ സുരക്ഷിതമായി വാര്‍ഡുകളില്‍ എത്തിക്കാന്‍ സഹായിക്കുന്ന വിധത്തിലാണ് ഇതു ക്രമികരിച്ചിരിക്കുന്നത്. മൂന്നു രോഗികള്‍ക്ക് ഇരിക്കാനും ഒരു രോഗിയെ സ്‌ട്രെച്ചറില്‍ വഹിക്കാനും ബഗ്ഗി കാറില്‍ സൗകര്യമുണ്ട്. 60 കിലോമീറ്ററാണ് പരമാവധി വേഗം. 350 കിലോഗ്രാം ഭാരം വഹിക്കാനുള്ള സൗകര്യമണ്ട്. 11 ലക്ഷം രൂപ ചെലവഴിച്ചു കോയമ്പത്തൂര്‍ ആസ്ഥാനമായ കമ്പനിയില്‍ നിന്നാണ് കോട്ടയം അതിരൂപതാ ബഗ്ഗി കാര്‍ വാങ്ങിയത്. അഞ്ചു വര്‍ഷത്തേക്കുള്ള ഇവയുടെ സംരക്ഷണ പരിപാലന ഉത്തരവാദിത്തം കോയമ്പത്തൂര്‍ കമ്പനിക്കാണ്. 10 ഏക്കറുള്ള ജനറല്‍ ആശുപത്രിയില്‍ അത്യാഹിത വിഭാഗത്തില്‍നിന്നു നടന്നാണു രോഗികള്‍ വാര്‍ഡുകളിലേക്കും ശസ്ത്രക്രിയ തിയറ്ററിലേക്കും പോകുന്നത്. വീല്‍ചെയര്‍ ഇത്രയും ദൂരം കൊണ്ടുപോകുമ്പോള്‍ ഉണ്ടാകുന്ന പ്രായോഗിക ബുദ്ധിമുട്ടു കൂടി പരിഗണിച്ചാണ് കോട്ടയം അതിരൂപതാ ബഗ്ഗി കാറുകള്‍ വാങ്ങിനല്‍കുന്നതെന്ന് കോട്ടയം അതിരൂപതാ വികാരി ജനറാല്‍ ഫാ.മൈക്കിള്‍ വെട്ടിക്കാട്ട് പറഞ്ഞു.
ആര്‍ച്ച് ബിഷപ്പ് മാര്‍ എബ്രാഹം വിരുത്തിക്കുളങ്ങര പിതാവിന്റെ അനുസ്മരണ സമ്മേളനം നടത്തപ്പെട്ടു
കല്ലറ; ഏപ്രില്‍ 19 ന് ദിവംഗതനായ നാഗപ്പൂര്‍ ആര്‍ച്ച് ബിഷപ്പ് മാര്‍ എബ്രാഹം വിരുത്തിക്കുളങ്ങര പിതാവിന്റെ അനുസ്മരണ പ്രോഗ്രാം ക്നാനായ കത്തോലിക്ക കോണ്‍ഗ്രസ് അതിരൂപതാ സമിതിയുടെ നേതൃത്വത്തില്‍ 2018 ജൂണ്‍ 10 ഞായറാഴ്ച ഉച്ചകഴിഞ്ഞ് 3.30 ന് കല്ലറ പുത്തന്‍പളളിയില്‍ വച്ച് നടത്തപ്പെട്ടു. 3.30 ന് റവ.ഫാ. മൈക്കിള്‍ വെട്ടിക്കാട്ടിന്റെ കാര്‍മ്മികത്വത്തില്‍ വി.കുര്‍ബാനയും, ഒപ്പീസും അര്‍പ്പിച്ചു .തുടര്‍ന്ന് 5 മണിക്ക് ശ്രീ.സറ്റീഫന്‍ ജോര്‍ജ് Ex.MLA യുടെ അദ്ധ്യക്ഷതയില്‍ അനുസ്മരണ സമ്മേളനം ആരംഭിക്കുകയും. റവ.ഫാ.മൈക്കിള്‍ വെട്ടിക്കാട്ട് ആമുഖസന്ദേശം നല്‍കുകയും,. ആര്‍ച്ച് ബിഷപ്പ് മാര്‍ കുര്യന്‍ വയലുങ്കല്‍ അനുസ്മരണ സമ്മേളനം ഉദ്ഘാടനം ചെയ്യുകയും ചെയ്തു. ജസ്റ്റീസ് സിറിയക്ക് ജോസഫ് അനുസ്മരണ സന്ദേശം നടത്തി.
നീണ്ടൂര്‍ K.C.Y.L യൂണിറ്റിന്റെ പ്രവര്‍ത്തോദ്ഘാടനം
നീണ്ടൂര്‍ K.C.Y.L യൂണിറ്റിന്റെ ഈ വര്‍ഷത്തെ പ്രവര്‍ത്തോദ്ഘാടനം ഞായറാഴ്ച ബിഷപ്പ് മാര്‍ കുര്യയന്‍ വയല്ലുങ്കല്‍ നിര്‍വഹിച്ചു.
അന്റാര്‍ട്ടിക് അനുഭവവുമായി ഡോ.ഫെലിക്‌സ് ബാസ്റ്റ്.
. രാജപുരം :അന്റാര്‍ട്ടിക് അനുഭവവുമായി സമുദ്ര ദിനത്തില്‍ പൂര്‍വ്വ വിദ്യാര്‍ത്ഥി കോളേജിലെത്തി. മൈക്രോ ബയോളജി വിഭാഗത്തിലെ പൂര്‍വ്വ വിദ്യാര്‍ത്ഥിയും പഞ്ചാബ് സെന്‍ട്രല്‍ യൂണിവേഴ്‌സിറ്റിയിലെ അസി.പ്രെഫസറുമായ ഡോ.ഫെലിക്‌സ് ബാസ്റ്റ് ആണ് രാജപുരം സെന്റ് പയസ്‌ടെന്റ് കോളേജിലെ സമുദ്ര ദിനാചരണത്തില്‍ മുഖ്യ പ്രഭാഷണം നടത്തിയത്. 2016-ലെ അന്റാര്‍ട്ടിക് പരിവേഷണ സംഘത്തിലെ അംഗമായിരുന്ന ഡോ.ഫെലിക്‌സ് ബാസ്റ്റ് അന്റാര്‍ട്ടിക്ക അനുഭവം പങ്കുവച്ചു. ആഗോളതാപനം വഴി അന്റാര്‍ട്ടിക്കയിലെ ജൈവവൈവിധ്യങ്ങള്‍ അനുഭവിക്കുന്ന ദൂഷ്യഫലങ്ങളെക്കുറിച്ച് വിവരിച്ചു. കടല്‍പ്പായലുകളെ കുറിച്ച് ഗവേഷണം നടത്തുകയാണ് അദ്ദേഹം. പ്രിന്‍സിപ്പല്‍ ഇന്‍ചാര്‍ജ് ഡോ.കെ.കെ അനില്‍കുമാര്‍ അധ്യക്ഷത വഹിച്ചു. ഡോ.ടി.ജിജി കുമാരി , ഡോ.ജോര്‍ജ്ജ് മാമന്‍, ഷിനോ പി.ജോസ്, ബിബിന്‍ എന്നിവര്‍ സംസാരിച്ചു.
പഴുത്തുരൂത്തിൽ മാര്‍ കുര്യാക്കോസ് കുന്നശേരി പിതാവിന്‍െറ ഒന്നാം ചരമ വാർഷികം ആചരിച്ചു
കടുത്തുരുത്തി: പഴുത്തുരൂത്ത് സെന്റ് കുര്യാക്കോസ് ദൈവാലയത്തിൽ മാർ കുന്നശ്ശേരി മെത്രാപോലിത്തായുടെ ഒന്നാം ചരമ വാർഷികം നടത്തി. മാർ കുര്യാക്കോസ് കുന്നശ്ശേരി മെത്രാപോലീത്തായുടെ ജന്മനാടായ പഴുത്തുരുത്ത് സെന്റ് കുര്യാക്കോസ് ദൈവാലയത്തിൽ വി. കുർബാനയ്ക്ക് ശേഷം നടന്ന അനുസ്മരണ സമ്മേളനത്തിൽ ഫാ. സജി മേക്കാട്ടേൽ അധ്യക്ഷൻ ആയിരുന്നു. പിതാവിന്റെ ഫോട്ടോ അനാചേദനം നടത്തി. S.K.P.S മാനേജർ ഫാ. ടോമി തെർവാലക്കട്ടയിൽ വാർഡ് മെമ്പർ ജോൺസൻ കൊട്ടുവാപ്പിള്ളി എന്നിവർ അനുസ്മരണ സന്ദേശം നടത്തി. യൂണിറ്റ് K.C.C പ്രസിഡന്റ് ശ്രീ. സ്റ്റീഫൻ പെരുംപുഞ്ചയിൽ അനുസ്മരണ പ്രഭാഷണം നടത്തി. K.C.Y.L, പ്രസിഡന്റ് ശ്രീ. റോണി സ്റ്റീഫൻ പെരുംപുഞ്ചയിൽ ഏവർക്കും സ്വാഗതം പറഞ്ഞു. K. C. W. A യൂണിറ്റ് പ്രസിഡന്റ് ശ്രീമതി സിസിലി ഒരപ്പാനിയേൽ കൃതജ്ഞത അർപ്പിച്ചു.
K.C.C ഉഴവൂര്‍ ഫൊറോനതല പുരാതനപാട്ട് മത്സരം.
മോനിപ്പള്ളി : K.C.C ഉഴവൂര്‍ ഫൊറോനയും അതിരൂപത ക്നാനായ കള്‍ച്ചറല്‍ സൊസൈറ്റിയും സംയുക്തമായി നടത്തുന്ന പുരാതനപാട്ട് മത്സരം 2018 ജൂണ്‍ 17-ാം തീയതി ഞായറാഴ്ച ഉച്ചകഴിഞ്ഞ് 2.30 ന് മോനിപ്പള്ളി തിരുഹൃദയ ദേവായ പാരിഷ്ഹാളില്‍ നടത്തപ്പെടുന്നു. സാഹിത്യകാരന്‍ ഷാജന്‍ ആനിത്തോട്ടം ഉദ്ഘാടനം നിര്‍വഹിക്കുന്ന ചടങ്ങില്‍ കള്‍ച്ചറല്‍ സൊസൈറ്റി കണ്‍വീനര്‍ ബിനോയി ഇടയാടി വിജയികള്‍ക്കുള്ള സമ്മാനദാനം നല്‍കപ്പെടും.
ബി.സി.എം കോളേജില്‍ ലോകപരിസ്ഥിതി ദിനം ആചരിച്ചു.
കോട്ടയം: ബി.സി.എം. കോളജിലെ കെമിസ്‌ട്രി വിഭാഗത്തിന്റെ ആഭിമുഖ്യത്തില്‍ KSCSTE-ന്റെ സഹകരണത്തോടെ ലോകപരിസ്ഥിതി ദിനം ആചരിച്ചു. ഇതിനോടനുബന്ധിച്ചു നടന്ന അഖില കേരള പ്രസംഗമത്സരത്തില്‍ പാമ്പാടി കെ.ജി. കോളജിലെ അതുല്‍ കെ. സോമന്‍ ഒന്നാംസ്ഥാനവും മാന്നാനെ കെ.ഇ. കോളജിലെ മാത്യൂസ്‌ ജോഷി രണ്ടാംസ്ഥാനവും കരസ്ഥമാക്കി. മഹാത്മാഗാന്ധി സര്‍വ്വകലാശാലയുടെ കീഴില്‍ പ്രവര്‍ത്തിക്കുന്ന സ്കൂള് ഓഫ്‌ കെമിക്കല്‍ സയന്‍സിലെ ഗവേഷണ പ്രമുഖരായ ഡോ. ജിയ ജോസ്, അവിനാഷ്‌ ആര്‍. പൈ എന്നിവര്‍ ബോധവത്‌ക്കരണ ക്ലാസുകള്‍ നടത്തി. കൂടാതെ കേരള ശാസ്‌ത്ര സാഹിത്യ പരിക്ഷത്തിന്റെ സഹകരണത്തോടെ കെമിസ്‌ട്രി ബിരുദ വിദ്യാര്‍ത്ഥികള്‍ക്കായി പേപ്പര്‍ പേന നിര്‍മ്മാണ പരിശീലനവും നടത്തി. .സമാപന സമ്മേളനത്തില്‍ പ്രൊഫ. ജോസഫീന സൈമണ്‍, ഫാ. ഫില്‍മോന്‍ കളത്ര, ഡോ. അന്നു തോമസ് തുടങ്ങിയവര്‍ പ്രസംഗിച്ചു.
കെ.എസ്.എസ്. എസ്. മുട്ടക്കോഴിയും ഹൈടെക് കൂടും ലഭ്യമാക്കി.
കോട്ടയം; ഭക്ഷ്യസുരക്ഷ പ്രവര്‍ത്തനങ്ങള്‍ക്ക് പ്രോത്സാഹനം നല്‍കുക എന്ന ലക്ഷ്യത്തോടെ കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല്‍ സര്‍വീസ് സൊസൈറ്റിയുടെ നേതൃത്വത്തില്‍ മുട്ടക്കോഴിയും ഹൈടക് കൂടും ലഭ്യമാക്കി. പദ്ധതിയുടെ ഭാഗമായി ബിവി 380 ഇനത്തില്‍പ്പെട്ട അമ്പത് ദിവസം പ്രായമുളള 25 കോഴികളും അമ്പത് കിലോഗ്രാം കോഴിത്തീറ്റയും മരുന്നും ഹൈടക് കൂടുമാണ് ലഭ്യമാക്കിയത്. കിടങ്ങൂര്‍, മലങ്കര, കൈപ്പുഴ, ഉഴവൂര്‍ എന്നീ മേഖലകളിലെ വിവിധ ഗ്രാമങ്ങളിലായി 80 യൂണിറ്റുകളാണ് വിതരണം ചെയ്തത്. സബ്‌സിഡിയോടുകൂടിയാണ് കെ.എസ്.എസ്.എസ് യൂണിറ്റുകള്‍ ലഭ്യമാക്കിയത്.പദ്ധതിയുടെ വിതരണോദ്ഘാടനം കെ.എസ്.എസ്. എസ്. സെക്രട്ടറി ഫാ. സുനില്‍ പെരുമാനൂര്‍ നിര്‍വ്വഹിച്ചു. കെ.എസ്.എസ്. എസ്. കോര്‍ഡിനേറ്റേഴ്‌സ്, അനിമേറ്റേഴ്‌സ് എന്നിവര്‍ നേതൃത്വം നല്‍കി.
കാര്‍ഷിക പ്രശ്‌നങ്ങളില്‍ മുഖ്യമന്ത്രിക്ക് നിവേദനം സമര്‍പ്പിച്ചു
തിരുവനന്തപുരം: കാര്‍ഷിക വൃത്തി കേരള സമൃദ്ധി എന്ന മുദ്രാവാക്യവുമായി ദീപിക ഫ്രണ്ട്‌സ് ക്ലബ്ബ് സംഘടിപ്പിച്ച കേരള കര്‍ഷകജാഥയോടനുബന്ധിച്ച് കണ്ടെത്തിയ കാര്‍ഷികമേഖലയിലെ പ്രശ്‌നങ്ങള്‍ അവതരിപ്പിച്ചും പരിഹാരം നിര്‍ദ്ദേശിച്ചുകൊണ്ടുമുള്ള നിവേദനം ദീപികയുടെയും ദീപിക ഫ്രണ്ട്‌സ് ക്ലബ്ബിന്റെയും പ്രതിനിധികള്‍ മുഖ്യമന്ത്രി പിണറായി വിജയന് കൈമാറി. തകര്‍ച്ച നേരിടുന്ന കാര്‍ഷിക മേഖല പുനരുജ്ജീവിപ്പിക്കുന്നതിനായി സര്‍ക്കാര്‍ ആവുന്നതെല്ലാം ചെയ്യുമെന്ന് മുഖ്യമന്ത്രി ഉറപ്പ് നല്‍കി. കേരളത്തിലെ കര്‍ഷകര്‍ കടുത്ത ദുരിതം നേരിടുകയാണെന്ന് നിവേദനം സമര്‍പ്പിച്ചു കൊണ്ടു നടത്തിയ ചര്‍ച്ചയില്‍ ആര്‍ച്ചുബിഷപ്പ് മാര്‍ ജോസഫ് പെരുന്തോട്ടം പറഞ്ഞു. കാര്‍ഷിക ഉല്പന്നങ്ങള്‍ക്ക് ന്യായമായ വില ലഭിക്കുന്നതിനാവശ്യമായ നടപടികള്‍ സ്വീകരിക്കണമെന്നും തകര്‍ച്ച നേരിടുന്ന കാര്‍ഷിക വിഭവങ്ങള്‍ക്കെല്ലാം വിലസ്ഥിരതാ ഫണ്ട് അനുവദിക്കണമെന്നും കാര്‍ഷിക വിഭവങ്ങളുടെ മൂല്യവര്‍ദ്ധിത ഉല്പന്നങ്ങളുടെ വൈവിധ്യ വത്ക്കരണത്തിന് സര്‍ക്കാര്‍ തയ്യാറാകണമെന്നും നിവേദനത്തില്‍ ആവശ്യപ്പെട്ടു. രാഷ്ട്രദീപിക മാനേജിംഗ് ഡയറക്ടര്‍ മോണ്‍. ഡോ. മാണി പുതിയിടം, ദീപിക ചീഫ് എഡിറ്റര്‍ ഫാ. ബോബി മണ്ണംപ്ലാക്കല്‍, കോട്ടയം അതിരൂപതാ വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, ഡി.എഫ്.സി സംസ്ഥാന ഡയറക്ടര്‍ ഫാ. റോയി കണ്ണന്‍ചിറ സിഎംഐ, റവ. ഡോ. തോമസ് കുഴിനാപ്പുറത്ത്, ഡോ. സണ്ണി വി സക്കറിയ, സിറിയക് ചാഴികാടന്‍, സണ്ണി പുളിങ്കാല, സാബു ജോണ്‍ എന്നിവരും നിവേദക സംഘത്തിലുണ്ടായിരുന്നു.
മാര്‍ കുര്യാക്കോസ് കുന്നശേരി പിതാവിന്‍െറ ഒന്നാം ചരമവാര്‍ഷികാചരണം ജൂണ്‍14ന്
കോട്ടയം: മാര്‍ കുര്യാക്കോസ് കുന്നശേരി പിതാവിന്‍െറ ഒന്നാം ചരമവാര്‍ഷികാചരണം ജൂണ്‍14ന് ക്രിസ്തുരാജ കത്തീഡ്രലില്‍ നടക്കും. രാവിലെ 10.30ന് കര്‍ദിനാള്‍ മാര്‍ ജോര്‍ജ് ആലഞ്ചേരിയുടെ മുഖ്യകാര്‍മികത്വത്തില്‍ സമുഹബലി നടക്കും. തുടര്‍ന്ന് 12.30ന് ഒപ്പീസും മന്ത്രയും ബി.സിഎം കോളജ് ഓഡിറ്റോറിയത്തില്‍ വച്ച് നടക്കും
മുത്തങ്ങയിലുള്ള ട്രൈബല്‍ സ്കൂളിലെ കുട്ടികള്ക്ക് പുസ്തക വിതരണവുമായി കെ സി വൈ എല്‍ ഉഴവൂര്‍ ഫൊറോന സമിതി,
ഉഴവൂര്‍: നിര്‍ധനരായ കുട്ടികള്ക്ക് പുസ്തകങ്ങള്‍ വിതരണം ചെയ്യവാന്‍ കെ സി വൈ എല്‍ ഉഴവൂര്‍ ഫൊറോന സമിതി, ഫൊറോനായിലെ ഇടവകകളില്‍ നിന്നും പഴയ പുസ്തകങ്ങള്‍ ശേഖരിച്ചു. ഉപയോഗശൂന്യമായ ഈ പുസ്തകങ്ങള്‍ തമിഴ്നാട്ടിലുള്ള ഒരു സ്വകാര്യ സ്ഥാപനം റീസൈക്കിള്‍ ചെയ്തു പുതിയ പുസ്തകങ്ങള്‍ ആക്കി തിരികെ തരും.. പ്രതീക്ഷ എന്ന് പേരിട്ടിരിക്കുന്ന ഈ പദ്ധതിയിലൂടെ സ്വരൂപിക്കുന്ന പുസ്തകങ്ങള്‍ മുത്തങ്ങയിലുള്ള ട്രൈബല്‍ സ്കൂളിലെ കുട്ടികള്‍ക്കായി വിതരണം ചെയ്യം. ഈ പരിപാടിയുടെ ഉദ്ഘടാനം ഉഴവൂര്‍ ഫൊറോന വികാരി ഫാ. തോമസ് പ്രാലേല്‍ നിര്‍വഹിച്ചു. അതിരൂപത പ്രസിഡന്‍്റ ബിബീഷ് ഒലിക്കമുറിയില്‍ മുഖ്യാതിഥിയായിരുന്നു. ഫൊറോന ചാപ്ളിയ്ന്‍ ഫാ. ജോമി പതിയപറമ്പില്‍, പ്രസിഡന്‍്റ് ജിസ് അജി,സെക്രട്ടറി മാത്തുക്കുട്ടി സണ്ണി ,ട്രഷറര്‍ , സോബി F തോമസ്,ഡയറക്ടര്‍ റെജി പി അബ്രാഹം, തുടങ്ങിയവര്‍ നേതൃത്വം നല്‍കി.
Latest
