gulf live Broadcasting

ഖോര്‍ഫക്കാനില്‍ മഴ പെയ്തു, ആലിപ്പഴവും


ഖോര്‍ഫക്കാന്‍: നഗരത്തിലും പരിസരപ്രദേശങ്ങളിലും മഴയും ആലിപ്പഴവും പെയ്തു. ഒന്നരമണിക്കൂറോളം നീണ്ട മഴ ജനജീവിതം താറുമാറാക്കി. ഉച്ചയ്ക്ക് രണ്ടരയോടുകൂടി തുടങ്ങിയ മഴ നാലുമണിയോടെയാണ് നിലച്ചത്. ജനങ്ങള്‍ വീടിനുള്ളില്‍ തന്നെ കഴിച്ചുകൂട്ടി. മഴയ്ക്ക് വീണ്ടും സാധ്യതയുണ്ടെന്നാണ് അധികൃതരുടെ അറിയിപ്പ്.

Read more

ഇന്നുമുതല്‍ ഒമാനില്‍ മഴക്ക് സാധ്യത

ഇന്നുമുതല്‍ ഒമാനില്‍ മഴക്ക് സാധ്യത
 08:37 AM 16/02/2016
മസ്കത്ത്: ഒമാനിന്‍െറ വിവിധഭാഗങ്ങളില്‍ ചൊവ്വാഴ്ച മുതല്‍ മഴക്ക് സാധ്യതയുള്ളതായി കാലാവസ്ഥാ നിരീക്ഷണകേന്ദ്രം അറിയിച്ചു. 
മസ്കത്ത്, മുസന്തം, ബുറൈമി, അല്‍ ദാഹിറ, വടക്കന്‍ ബാത്തിന, തെക്കന്‍ ബാത്തിന, ദാഖിലിയ, വടക്കന്‍ ശര്‍ഖിയ, തെക്കന്‍ ശര്‍ഖിയ എന്നിവിടങ്ങളില്‍ ആകാശം മേഘാവൃതമായിരിക്കുമെന്നും ഒറ്റപ്പെട്ട മഴക്ക് സാധ്യതയുണ്ടെന്നും അറിയിപ്പില്‍ പറയുന്നു. വ്യാഴാഴ്ച വൈകുന്നേരംവരെയാണ് കാലാവസ്ഥാവ്യതിയാനത്തിന് സാധ്യത. ഒറ്റപ്പെട്ട മഴക്കും മിന്നലിനും ആലിപ്പഴവര്‍ഷത്തിനും കാറ്റിനും സാധ്യതയുണ്ട്. അന്തരീക്ഷത്തില്‍ ഉയര്‍ന്നമര്‍ദം അനുഭവപ്പെടുന്നതുകൊണ്ടാണ് കാലാവസ്ഥാവ്യതിയാനമെന്ന് സിവില്‍ ഏവിയേഷന്‍ പൊതു അതോറിറ്റി അറിയിച്ചു. പൊതുജനങ്ങള്‍ ജാഗ്രത പാലിക്കണമെന്നും വാദിയില്‍ ഇറങ്ങുകയൊ വാഹനങ്ങള്‍ ഇറക്കുകയൊ ചെയ്യരുതെന്നും അറിയിപ്പിലുണ്ട്. കടലില്‍ മീന്‍പിടിക്കാന്‍ പോകുന്നവര്‍ കാലാവസ്ഥാ മുന്നറിയിപ്പുകള്‍ ശ്രദ്ധിക്കണമെന്നും അധികൃതര്‍ നിര്‍ദേശിച്ചു.

മസ്കത്ത്: ഒമാനിന്‍െറ വിവിധഭാഗങ്ങളില്‍ ചൊവ്വാഴ്ച മുതല്‍ മഴക്ക് സാധ്യതയുള്ളതായി കാലാവസ്ഥാ നിരീക്ഷണകേന്ദ്രം അറിയിച്ചു. 

മസ്കത്ത്, മുസന്തം, ബുറൈമി, അല്‍ ദാഹിറ, വടക്കന്‍ ബാത്തിന, തെക്കന്‍ ബാത്തിന, ദാഖിലിയ, വടക്കന്‍ ശര്‍ഖിയ, തെക്കന്‍ ശര്‍ഖിയ എന്നിവിടങ്ങളില്‍ ആകാശം മേഘാവൃതമായിരിക്കുമെന്നും ഒറ്റപ്പെട്ട മഴക്ക് സാധ്യതയുണ്ടെന്നും അറിയിപ്പില്‍ പറയുന്നു. വ്യാഴാഴ്ച വൈകുന്നേരംവരെയാണ് കാലാവസ്ഥാവ്യതിയാനത്തിന് സാധ്യത. ഒറ്റപ്പെട്ട മഴക്കും മിന്നലിനും ആലിപ്പഴവര്‍ഷത്തിനും കാറ്റിനും സാധ്യതയുണ്ട്. അന്തരീക്ഷത്തില്‍ ഉയര്‍ന്നമര്‍ദം അനുഭവപ്പെടുന്നതുകൊണ്ടാണ് കാലാവസ്ഥാവ്യതിയാനമെന്ന് സിവില്‍ ഏവിയേഷന്‍ പൊതു അതോറിറ്റി അറിയിച്ചു. പൊതുജനങ്ങള്‍ ജാഗ്രത പാലിക്കണമെന്നും വാദിയില്‍ ഇറങ്ങുകയൊ വാഹനങ്ങള്‍ ഇറക്കുകയൊ ചെയ്യരുതെന്നും അറിയിപ്പിലുണ്ട്. കടലില്‍ മീന്‍പിടിക്കാന്‍ പോകുന്നവര്‍ കാലാവസ്ഥാ മുന്നറിയിപ്പുകള്‍ ശ്രദ്ധിക്കണമെന്നും അധികൃതര്‍ നിര്‍ദേശിച്ചു.

Read more

ഒന്നാം സ്ഥാനം ഡോ. രവി പിള്ളയ്ക്ക്


ദുബായ്: അറേബ്യന്‍ ബിസിനസ് മാഗസിന്‍ റിപ്പോര്‍ട്ട് പ്രകാരം ഗള്‍ഫിലെ 50 സമ്പന്ന ഇന്ത്യക്കാരുടെ പട്ടികയില്‍ ഇടം നേടിയ 13 മലയാളികളില്‍ ഏറ്റവും സമ്പന്നനായ മലയാളി ഡോ. രവി പിള്ളയാണ്. ലുലു ഗ്രൂപ്പ് മേധാവി എം എ യുസഫലി രണ്ടാം സ്ഥാനത്താണ്. ജെംസ് എജ്യുക്കേഷന്‍ സ്ഥാപകനും ചെയര്‍മാനുമായ സണ്ണി വര്‍ക്കിയാണ് മൂന്നാം സ്ഥാനത്ത്.
 കമ്പനികളുടെ ആസ്തി, ഓഹരി വിപണിമൂല്യം തുടങ്ങിയവ അടിസ്ഥാനമാക്കിയാണ് മാഗസിന്‍ സമ്പന്നരുടെ പട്ടിക തയ്യാറാക്കിയത്. എം എ യൂസഫലിയുടെ മരുമക്കളായ ഷംഷീറും അദീബ് അഹമ്മദും 13 സമ്പന്നരുടെ പട്ടികയില്‍ പെടുന്നു.

Read more

പുതിയ അബുദബി-ദുബയ് റോഡ് അടുത്ത വര്‍ഷം പൂര്‍ത്തിയാകും

പുതിയ അബുദബി-ദുബയ് റോഡ് അടുത്ത വര്‍ഷം പൂര്‍ത്തിയാകും
Published : 14th February 2016 | Posted By: swapna en
അബുദബി:  ദുബയിയെയും വടക്കന്‍ എമിറേറ്റ്‌സിനേയും ബന്ധിപ്പിക്കുന്ന അബുദബിയില്‍ നിന്നും നിര്‍മ്മിക്കുന്ന പുതിയ റോഡിന്റെ നിര്‍മ്മാണ പ്രവര്‍ത്തനം 60 ശതമാനം പൂര്‍ത്തിയായി. 2 ബില്യണ്‍ ദിര്‍ഹം ചിലവിട്ട് നിര്‍മ്മിക്കുന്ന പുതിയ എട്ട് വരി പാത മുഹമ്മദ് ബിന്‍ സായിദ് റോഡിലേക്കായിരിക്കും ബന്ധിപ്പിക്കുക. നിലവില്‍ അബുദബിയില്‍ നിന്നും ദുബയിയെയും വടക്കന്‍ എമിറേറ്റ്‌സിനേയും ബന്ധിപ്പിക്കുന്നത് ശൈഖ് സായിദ് റോഡാണ്. അബുദബിയില്‍ നിന്നും ദുബയ് അബുദബി അതിര്‍ത്തി പ്രദേശമായ സെയ് ശുഹൈബില്‍ വെച്ചായിരിക്കും മുഹമ്മദ് ബിന്‍ സായിദ് റോഡില്‍ ചേരുന്നത്. അടുത്ത വര്‍ഷം അവസാനത്തോടെ പണി പൂര്‍ത്തിയാക്കി വാഹനങ്ങള്‍ തുറന്ന് കൊടുക്കുമെന്നാണ് പ്രതീക്ഷിക്കുന്നത്. ഫുജൈറ, കല്‍ബ, ഖോര്‍ഫക്കാന്‍ തുടങ്ങിയ പ്രദേശങ്ങളിലേക്ക് ഗതാഗത കുരുക്കില്‍ കുടുങ്ങാതെ ഈ റോഡില്‍ നിന്നും നേരിട്ട് പോകാന്‍ കഴിയും. അല്‍ മഹാ ഫോറസ്റ്റ്, കിസാദ്, അല്‍ അജ്ബാന്‍ റോഡ്, സായിദ് മിലിറ്ററി സിറ്റി എന്നിവിടങ്ങളിലൂടെ കടന്ന് പോകുന്ന ഈ പാതയില്‍ 6 മേല്‍പ്പാലങ്ങളും 6 തുരങ്കങ്ങളും ഉണ്ടാകും. ഈ നിര്‍മ്മിക്കുന്ന പാതയില്‍ മണിക്കൂറില്‍ ഒരേ സമയം 7000 വാഹനങ്ങള്‍ക്ക് കടന്ന് പോകാന്‍ കഴിയും.
അബുദബി:  ദുബയിയെയും വടക്കന്‍ എമിറേറ്റ്‌സിനേയും ബന്ധിപ്പിക്കുന്ന അബുദബിയില്‍ നിന്നും നിര്‍മ്മിക്കുന്ന പുതിയ റോഡിന്റെ നിര്‍മ്മാണ പ്രവര്‍ത്തനം 60 ശതമാനം പൂര്‍ത്തിയായി. 2 ബില്യണ്‍ ദിര്‍ഹം ചിലവിട്ട് നിര്‍മ്മിക്കുന്ന പുതിയ എട്ട് വരി പാത മുഹമ്മദ് ബിന്‍ സായിദ് റോഡിലേക്കായിരിക്കും ബന്ധിപ്പിക്കുക. നിലവില്‍ അബുദബിയില്‍ നിന്നും ദുബയിയെയും വടക്കന്‍ എമിറേറ്റ്‌സിനേയും ബന്ധിപ്പിക്കുന്നത് ശൈഖ് സായിദ് റോഡാണ്. അബുദബിയില്‍ നിന്നും ദുബയ് അബുദബി അതിര്‍ത്തി പ്രദേശമായ സെയ് ശുഹൈബില്‍ വെച്ചായിരിക്കും മുഹമ്മദ് ബിന്‍ സായിദ് റോഡില്‍ ചേരുന്നത്. അടുത്ത വര്‍ഷം അവസാനത്തോടെ പണി പൂര്‍ത്തിയാക്കി വാഹനങ്ങള്‍ തുറന്ന് കൊടുക്കുമെന്നാണ് പ്രതീക്ഷിക്കുന്നത്. ഫുജൈറ, കല്‍ബ, ഖോര്‍ഫക്കാന്‍ തുടങ്ങിയ പ്രദേശങ്ങളിലേക്ക് ഗതാഗത കുരുക്കില്‍ കുടുങ്ങാതെ ഈ റോഡില്‍ നിന്നും നേരിട്ട് പോകാന്‍ കഴിയും. അല്‍ മഹാ ഫോറസ്റ്റ്, കിസാദ്, അല്‍ അജ്ബാന്‍ റോഡ്, സായിദ് മിലിറ്ററി സിറ്റി എന്നിവിടങ്ങളിലൂടെ കടന്ന് പോകുന്ന ഈ പാതയില്‍ 6 മേല്‍പ്പാലങ്ങളും 6 തുരങ്കങ്ങളും ഉണ്ടാകും. ഈ നിര്‍മ്മിക്കുന്ന പാതയില്‍ മണിക്കൂറില്‍ ഒരേ സമയം 7000 വാഹനങ്ങള്‍ക്ക് കടന്ന് പോകാന്‍ കഴിയും.
Read more

ഇടുക്കി അസോസിയേഷൻ കുവൈറ്റ്‌ പത്താം വാർഷികം ആഘോഷിക്കുന്നു

കുവൈറ്റ്‌ : ഇടുക്കി അസോസിയേഷൻ കുവൈറ്റ്‌ പത്താം വാർഷികം ആഘോഷിക്കുന്നു. ഇടുക്കി ഫെസ്റ്റ് 2016 എന്ന് പേരിട്ടിരിക്കുന്ന മെഗാ ഷോ 27.02.2016 നു ഉച്ചയ്‌ക്ക 3.00 മുതൽ 9.30 വരെ ഹവല്ലി അമേരിക്കൻ ഇന്റർനാഷനൽ സ്കൂളിൽ വച്ച് നടക്കും. ഫർവാനിയ ഗവർണർ ഉദ്ഘാടനം നിർവഹിക്കുന്ന പരിപാടിയുടെ പ്രധാന ആകർഷണം പ്രശസ്ത മലയാളം പിന്നണി ഗായിക റിമി ടോമിയുടെ നേതൃത്വത്തിൽ അവതരിപ്പിക്കപ്പെടുന്ന സംഗീത നിശയാണ്. പരിപാടിയുടെ എൻട്രി പാസ് താഴെപ്പറയുന്ന നമ്പരുകളിൽ കൂടി വിതരണം തുടങ്ങിയതായി സംഘാടകർ അറിയിച്ചു.

അബ്ബാസിയ - 66054729, 55481754, 94069873, 67759495
ഹൈടെക് കമ്പ്യുട്ടെർസ് - 99466495
സാൽമിയ - 55300573, 66004825
ഫാഹീൽ / മംഗഫ് - 66006324, 97466579
റിഗ്ഗായ് - 99111945, 99665961

Read more

സനൂപ് സണ്ണി & ജിൻസൺ തോമസ്‌ മാവേലിപുത്തെന്പുരയില്‍ INFOK ബാഡ്മിന്റെണ്‍ ജേതാക്കള്‍

കുവൈറ്റ്‌: ഇന്ത്യന്‍ നേഴ്സസ് ഫെഡറെഷന്‍ ഓഫ് കുവൈറ്റിന്റെ ആഭിമുഖ്യത്തില്‍ നടന്ന ഇന്റര്‍ ബാഡ്മിന്റെണ്‍ ടൂര്‍ണമെന്റില്‍ സനൂപ് സണ്ണി മാവേലിപുത്തൻപുരയിൽ & ജിൻസൺ തോമസ്‌ മാവേലിപുത്തൻപുരയിൽ ജേതാക്കളായി. കുവൈറ്റിലെ ഏറെ ശ്രദ്ധ പിടിച്ചുപറ്റിയ ടൂര്‍ണമെന്റില്‍ ശക്തമായ മത്സരങ്ങളെ അതിജീവിച്ചാണ് ഇരുവരും ചാമ്പ്യന്‍ പട്ടം അലങ്കരിച്ചത്. ജേതാക്കളെ കുവൈറ്റിലെ ക്നാനായ അസോസിയേഷന്‍ ഭാരവാഹികള്‍ അനുമോദിച്ചു. ഇരുവരും കുവൈറ്റ് മിനിസ്ട്രി ഓഫ് ഹെല്‍ത്തില്‍ ജോലി ചെയ്യുന്നവരാണ്.

Read more

ഓര്‍മാ യൂ ഏ ഇ പ്രൊവിന്‍സ്് ജോസ് ആറ്റുപുറം ഉദ്ഘാടനം ചെയ്തു

അബുദാബി: ഓവര്‍സീസ് റസിഡന്റ് മലയാളീസ് അസ്സോസിയേഷന്റെ (ഓര്‍മ്മ) യൂ ഏ ഇ പ്രൊവിന്‍സ് ഓര്‍മാ ഗ്ലോബല്‍ പ്രസിഡന്റ് ജോസ് ആറ്റുപുറം അബുദാബിയില്‍ ഉദ്ഘാടനം ചെയ്തു.  ജോഷി കുഴിപ്പാലാ അദ്ധ്യക്ഷനായിരുന്നു. "പവിഴങ്ങളുടെ നാടായ അബുദാബിയിലെ മലയാളികള്‍ക്ക്് ഓര്‍മയില്‍ സൂക്ഷിക്കുവാന്‍ ഒരു സുദിനം കൂടി. തങ്ങള്‍ താലോലിക്കുന്ന കേരളീയ ഗുണമൂല്യങ്ങള്‍ അടുത്ത തലമുറയിലേക്ക് പകര്‍ന്നു നല്‍കുവാന്‍ സംഘടിക്കുന്ന കുടുംബങ്ങളുടെ കൂട്ടായ്മയാണ് ഓര്‍മ്മ". ഓര്‍മാ യൂ ഏ ഇ പ്രൊവിന്‍സിന് നാളം തെളിച്ച് ജോസ് ആറ്റുപുറം പറഞ്ഞു.
ജോഷി കുഴിപ്പാലാ അദ്ധ്യക്ഷനായിരുന്നു. "പ്രയാസം നിറഞ്ഞ മറുനാടന്‍ ജീവിതത്തിന്റെ പരുക്കന്‍ ഘട്ടങ്ങള്‍ തരണം ചെയ്യാന്‍ മലയാളിയെ പ്രാപ്തനാക്കുന്നത് അടുത്ത തലമുറയെക്കുറിച്ചുള്ള ദീപ്തമായ പ്രതീക്ഷകളാണ്. മൂല്യങ്ങള്‍ക്കു വിലകല്പിക്കാത്ത തലമുറ ആകരുതേ വരും തലമുറ എന്ന ആഗ്രഹവും പ്രയത്‌നവുമാണ് കാതല്‍. മറുനാടന്‍ ജീവിതദുരിതങ്ങളില്‍ നിന്ന് ന•പൂരിതമായ ഒരു തലമുറയുടെ വളര്‍ച്ച; അതാണ് ഓര്‍മാ ഓര്‍മാ യൂ ഏ ഇ പ്രൊവിന്‍സിന്റെ ലക്ഷ്യം. ഈ ലക്ഷ്യത്തിലേക്കുള്ള ചൂണ്ടുപലകയാകുന്ന മലയാള ചൈതന്യമുള്ള ജീവിത രീതികള്‍ക്കുവേണ്ടി ഭാരം വഹിക്കാനുള്ള മനസ്സ്: അതാണ് ഓര്‍മാ യൂ ഏ ഇ പ്രൊവിന്‍സിന്റെ ആശയവും ആദര്‍ശവും". ജോഷി കുഴിപ്പാലാ പറഞ്ഞു.
ആലീസ് ജോസ്, ജോര്‍ജ് പ്രോമിത്യൂസ്, എബി തയ്യില്‍ എന്നിവര്‍ ആശംസകള്‍ നേര്‍ന്നു പ്രസംഗിച്ചു. കുട്ടികളുടെ പാട്ടും നൃത്തവും ഉണ്ടായിരുന്നു. ഓര്‍മാ ദുബായി ചാപ്റ്ററിന്റെ  പ്രഥമ പ്രസിഡന്റായി ജോഷി കുഴിപ്പാലാ തിരഞ്ഞെടുക്കപ്പെട്ടു.
Read more

KCC-ME യുടെ കുട്ടികള്‍ക്ക് വേണ്ടിയുള്ള ക്യാമ്പ് ജൂലൈ 11 മുതല്‍ ചേര്‍പ്പുങ്കല്‍ സമരിറ്റന്‍ റിസോഴ്സ് സെന്ററില്‍

കുവൈറ്റ്‌: ക്നാനായ കാത്തലിക്ക് കോണ്ഗ്രസ് ഓഫ് മിഡില്‍ ഈസ്റ്റിന്റെ ആഭിമുഖ്യത്തില്‍ എല്ലാ വര്‍ഷവും നടത്തി വരാറുള്ള കുട്ടികളുടെ ക്യാമ്പ് ഈ വര്ഷം ജൂലായ്‌ 11, 12, 13 തിയതികളില്‍ ചേര്‍പ്പുങ്കല്‍ സമരിറ്റന്‍ റിസോഴ്സ് സെന്ററില്‍ വച്ചു നടത്തപ്പെടും. ഇന്ത്യക്ക് പുറത്ത് വിദേശത്തുള്ള, 10 വയസ്സിനു മുകളിലുള്ള കുട്ടികള്‍ക്ക് ക്നാനായ പാരമ്പര്യവും പൈതൃകവും മനസ്സിലാക്കി, പരസ്പരം അറിഞ്ഞു, തനിമയില്‍ ഒരുമയില്‍ വളരുന്നതിനും, അവരുടെ കലാപരമായ കഴിവുകളെ വാര്‍ത്തെടുക്കുന്നതിനും, വ്യക്തിത്വ വികസനത്തിനും നേതൃത്വ പരിശീലനത്തിനും ഉതകുന്ന വിവിധ കലാ പരിപാടികളും പരിശീലന ക്ലാസ്സുകളും ക്യാമ്പിന്റെ ഭാഗമായി ഉണ്ടായിരിക്കും. വിജ്ഞാനവും വിനോദവും ഒരു പോലെ ആസ്വദിക്കത്തക്ക രീതിയില്‍ വിവിധ തലങ്ങളില്‍ കഴിവ് തെളിയിച്ച പ്രഗത്ഭമതികളുടെ നേതൃത്വത്തില്‍ നടക്കുന്ന ക്യാമ്പ് പ്രവാസി ക്നനായക്കാരുടെ കുട്ടികള്‍ക്ക് ഒരു മുതല്‍കൂട്ടായിരിക്കും എന്ന് KCC-ME ടോമി പ്രാലടിയില്‍ അറിയിച്ചു.ക്യാമ്പില്‍ പങ്കെടുക്കുന്ന കുട്ടികളുടെ പേരുകള്‍ രജിസ്റ്റര്‍ ചെയ്യുവാന്‍ അതാതു യൂണിറ്റുകള്‍ വഴിയോ താഴെ പറയുന്ന ഭാരവാഹികള്‍ വഴിയോ ബന്ധപ്പെടുക.

പ്രസിഡണ്ട്‌ - ടോമി പ്രാലടിയില്‍ - tomym@keoic.com - +965 9494 8375

സെക്രട്ടറി - സജി മുണ്ടക്കപറമ്പില്‍ - sajikuriakose@gmail.com - +966 503007018

ട്രഷറര്‍ - ജോസുകുട്ടി പെരുക്കുന്നേല്‍ - lijinkunnel@hotmail.com - +968 9908 6686

സ്ഥാപക ചെയര്‍മാന്‍ - രാജു ഒരിയല്‍ - oril.raju@gmail.com - +91 9495 509 570

Read more

കെ.സി.സി ഒമാന്‍ പുതുവത്സരാഘോഷം നടത്തി

മസ്ക്കറ്റ്: ഒമാനിലെ ക്നാനായ കത്തോലിക്കാ സമൂഹം ക്നാനായ കത്തോലിക്ക കോണ്‍ഗ്രസ് ആഭിമുഖ്യത്തില്‍ ക്രിസ്മസ്-പുതുവത്സരാഘോഷങ്ങള്‍ നടത്തി . മാത്രാ ഹോട്ടലില്‍ നടന്ന ആഘോഷങ്ങള്‍ കെ.സി.സി പ്രസിഡന്‍റ് ജെയിംസ് മേക്കാട്ടേല്‍ ഉദ്ഘാടനം ചെയ്തു.വൈസ് പ്രസിഡന്‍റ് ഷാന്‍റു ജോസ് കോച്ചാപ്പിള്ളില്‍, സാലി ജോസ് കാവനാല്‍, ജനറല്‍സെക്രട്ടറി വി.കെ മാത്യു, ട്രഷറര്‍ ബിജ ു സ്റ്റീഫന്‍ മുണ്ടയ്ക്കപ്പറമ്പില്‍ എന്നിവര്‍ പ്രസംഗിച്ചു. തുടര്‍ന്ന് വിവിധ കലാപരിപാടികള്‍ അരങ്ങേറി.തുടര്‍ന്നുള്ള വര്‍ഷങ്ങളിലെക്കായി ജെയിംസ് മേക്കാട്ടിലിന്റെ നേതൃത്തത്തിലുള്ള പുതിയ ഭരണസമിതിയേയും തെരഞ്ഞെടുത്തു. ജെയിംസ് മേക്കാട്ടേല്‍-പ്രസിഡന്‍റ്, ഷാന്‍റു ജോസ്- വൈസ് പ്രസിഡന്‍റ്, വി.കെ മാത്യു- ജനറല്‍ സെക്രട്ടറി, സാലി ജോസ് -ജോയന്‍റ് സെക്രട്ടറി, ബിജു സ്റ്റീഫന്‍ -ട്രഷറര്‍ , മാത്യു ഏബ്രാഹം മാക്കീല്‍, പി.കെ തങ്കച്ചന്‍് സോളമന്‍ ജോസ്, ജോസുകുട്ടി ജോണ്‍, ബിജു ജോണ്‍, റോയി മാത്യു, ടിജി മാത്യു, ടോംസി സ്റ്റീഫന്‍ -കമ്മിറ്റി അംഗങ്ങള്‍ എന്നിവരാണ് പുതിയ ഭാരവാഹികള്‍.

Read more

കെ വി ന്യൂസിന്റെ കെ വി ലിങ്ക് ബാങ്ക് : നിങ്ങളുടെ സംഘടനയുടെ ലിങ്ക് ഇവിടെ ചേര്‍ക്കാം.

ഷിക്കാഗോ: 2008ല്‍ ആരംഭത്തില്‍ തന്നെ കെ വി ന്യൂസിന്റെ മുഖമുദ്രയായിരുന്ന ലിങ്ക് ബാങ്ക്, നൂതനമായ സാങ്കേതിക മികവോടെ വീണ്ടും മലയാളികളിലെക്ക്. 2008 ല്‍ ക്നാനായ വോയിസ് എന്ന വാര്‍ത്താധിഷ്ടിത വെബ്സൈറ്റ് ആരംഭിച്ചപ്പോള്‍ തന്നെ മലയാളം വാര്‍ത്താ വെബ്സൈറ്റുകളില്‍ ഏറ്റവും കൂടുതല്‍ ലിങ്കുകള്‍ കൊടുത്തുകൊണ്ട്, വേറിട്ട ഒരു മാതൃക കൊടുക്കുവാന്‍ കെ വി ന്യൂസ് ടീമിന് സാധിച്ചു. പിന്നീട് കേരള വോയിസും കോട്ടയം വോയിസും കെ വി ടീവിയും വെബ്സൈറ്റുകളിലൂടെ മലയാളികളുടെ സ്വീകരണ മുറികളിലേക്ക് എത്തിയപ്പോള്‍ ലിങ്ക് ബാങ്ക് എന്ന ആശയത്തിന് കോട്ടം വരാതെ സൂക്ഷിച്ചു. കാലത്തിനനുസരിച്ച് സാങ്കേതിക വിദ്യകളും ഡിസൈനുകളും കടന്നു വന്നപ്പോഴും മലയാളം സൈറ്റുകളിലെ ലിങ്കുകളുടെ റെക്കോര്‍ഡ് കെ വി ന്യൂസ് തകരാതെ സൂക്ഷിച്ചു. പിന്നീട് വന്ന പല സൈറ്റുകള്‍ക്കും ആ ലിങ്കുകള്‍ പ്രചോദനമാവുകയും ചിലരെങ്കിലും അവ അതെ പടി പകര്‍ത്തുകപോലും ചെയ്തിട്ടുണ്ട് എന്നത് കെ വി ന്യൂസിന് അഭിമാനിക്കാനുള്ള വക നല്‍കുന്നു. ലിങ്ക് കൊടുക്കുക മാത്രമല്ല കാലാ കാലത്തില്‍ അവയില്‍ ഉണ്ടാകുന്ന മാറ്റങ്ങള്‍ക്ക് അനുസരിച്ച് റീ ലിങ്ക് ചെയ്യുക കൂടി ചെയ്യുന്നതിനാല്‍ കെ വി ന്യൂസിന്റെ ലിങ്കുകള്‍ മറ്റുള്ളവരെ അപേക്ഷിച്ച് പ്രവര്‍ത്തനക്ഷമമായി തുടരുന്നു.

ഇന്ന് നൂറോളം മലയാളി അസോസിയേഷനുകളുടെയും നിരവധി പള്ളികള്‍ സ്ഥാപനങ്ങള്‍ ന്യൂസ് സൈറ്റുകള്‍ എന്നിവയുടെയും ലിങ്ക്കള്‍ കൊണ്ട് സമ്പന്നമാണ് കെ വി ന്യൂസിന്റെ ലിങ്ക് ബാങ്ക്. നിങ്ങളുടെ അസോസിയെഷന്റെയോ പള്ളികളുടെയോ വാര്‍ത്താ സൈറ്റുകളുടെയോ ലിങ്ക് വിട്ടു പോയിട്ടുണ്ട് എങ്കില്‍ മടിക്കേണ്ട ഞങ്ങളെ അറിയിക്കുക. അവ വിവേചനങ്ങള്‍ക്ക് അതീതമായി ഞങ്ങളുടെ ലിങ്ക് ബാങ്കില്‍ ചേര്‍ക്കുന്നതാണ്. news@kvtvnews.com എന്ന ഈമെയിലിലേക്ക് നിങ്ങളുടെ ലിങ്കുകള്‍ അയക്കുക.

Read more

ഈ സന്ദര്‍ശനത്തില്‍ പ്രതീക്ഷകളേറെ


അബുദാബി:  അബുദാബി കിരീടാവകാശിയും യുഎഇ ഉപസൈന്യാധിപനുമായ രാജകുമാരന്‍ ഷേയ്ക്ക് മുഹമ്മദ് ബിന്‍ സയീദ് അല്‍ നഹ്യാന്റെ ഭാരതസന്ദര്‍ശനത്തില്‍ പ്രതീക്ഷകളേറെ. രാജകുമാരന്റെ മൂന്നു ദിവസത്തെ സന്ദര്‍ശത്തിനിടെ ഭീകരതയ്‌ക്കെതിരായ സഹകരണമടക്കം വളരെ പ്രധാനപ്പെട്ട ഏതാനും കരാറുകളില്‍ ഇരു രാജ്യങ്ങളും ഒപ്പുവയ്ക്കും.

ഇന്ത്യയും യുഎഇയും തമ്മിലുള്ള ബന്ധത്തിന് ഓജസും കരുത്തും പകരാന്‍ രാജകുമാരന്റെ സന്ദര്‍ശനം സഹായകമാകുമെന്നു പ്രധാനമന്ത്രി മോദി അഭിപ്രായപ്പെട്ടു.

ഷേയ്ക്കിനൊപ്പം മുതിര്‍ന്ന മന്ത്രിമാരും പ്രമുഖ കമ്പനികളുടെ തലവന്മാരുള്‍പ്പെടെ നൂറിലേറെ ബിസിനസ് പ്രതിനിധികളും എത്തിയിട്ടുണ്ട്. എണ്ണ, ആണവ ഊര്‍ജം, ഐടി, എയ്‌റോസ്‌പേസ്, റെയില്‍വേ, ഇലക്ട്രോണിക്‌സ്, ഭീകരതയ്‌ക്കെതിരേയുള്ള പോരാട്ടം തുടങ്ങിയ മേഖലയില്‍ ഇരുരാജ്യങ്ങളും ധാരണയിലെത്തും. ഇന്ത്യയിലെ ഊര്‍ജ മേഖലയില്‍ യുഎഇയുടെ ഗണ്യമായ നിക്ഷേപമുണ്ടാകുമെന്നു വിലയിരുത്തപ്പെടുന്നു.

Read more

നേഴ്‌സുമാര്‍ക്ക് ഒരു സന്തോഷവാര്‍ത്ത, കുവൈറ്റിലെ ഏറ്റവും വലിയ ഗൈനക്കോളജി ഹോസ്പിറ്റല്‍ വരുന്നു


കുവൈറ്റ്:  780 കിടക്കകള്‍ ഉള്ള ആശുപത്രിയുമായി കുവൈറ്റിലെ ഏറ്റവും വലിയ ഗൈനക്കോളജി ആശുപത്രി 2020 മുതല്‍ പ്രവര്‍ത്തനം ആരംഭിക്കും. നാലരവര്‍ഷം കൊണ്ടാണ് നിര്‍മ്മാണം പൂര്‍ത്തിയാവുക. 280 മില്യന്‍ ദിനാറാണ് ആശുപത്രികെട്ടിടത്തിന്റെ നിര്‍മ്മാണചെലവ്.

Read more

ഖത്തര്‍ ക്നാനായ അസോസിയേഷന്‍ വിജയികളായി

ഖത്തര്‍: ഖത്തര്‍ ദേശീയ ദിനമായിരുന്ന ചൊവ്വാഴ്ച ഇന്ത്യന്‍ എംബസിയും ഐ സി സിയും ചേര്‍ന്ന് സംഘടിപ്പിച്ച കായിക മേളയില്‍ ഖത്തര്‍ ക്നാനായ കള്‍ച്ചറല്‍ അസോസിയേഷന്‍ വിജയികളായി. എറണാകുളം കള്‍ച്ചറല്‍ ഫോറം ടീം അംഗങ്ങലാണ് അവസാന റൗണ്ടില്‍ ക്നാനായ കള്‍ച്ചറല്‍ അസോസിയേഷനുമായി ഏറ്റുമുട്ടിയത്.

Read more

ദുബായില്‍ വാഹനാപകടത്തില്‍ മലയാളി യുവാവ് മരിച്ചു

ദുബായ്: വാഹനാപകടത്തില്‍ മലയാളി യുവാവ് മരിച്ചു. കോട്ടയം ഈരാറ്റുപേട്ട പുത്തന്‍പീടികയില്‍ അബ്ദുല്‍ സലാമിന്റെ മകന്‍ റുബീഷ് അബ്ദുല്‍ സലാം (21) ആണു മരിച്ചത്. കൂടെയുണ്ടായിരുന്ന നാലുപേര്‍ക്ക് പരിക്കേറ്റു. വ്യാഴാഴ്ച അര്‍ദ്ധരാത്രിയില്‍ അല്‍ഐന്‍ ദുബായ് റോഡില്‍ മര്‍മൂമിനടുത്തു ലിസാലിയിലായിരുന്നു അപകടം. യുവാക്കള്‍ സഞ്ചരിച്ചിരുന്ന പിക്കപ്പ് വാന്‍ റോഡില്‍ നിന്നു തെന്നിമാറി തലകീഴായി മറിയുകയായിരുന്നു. റുബീഷ് സംഭവ സ്ഥലത്തു തന്നെ മരിച്ചു.

റുബീഷിന്റെ സുഹൃത്തുക്കളും അയല്‍വാസികളുമായ മാഹിന്‍ (23), സല്‍മാന്‍ (22), പാലക്കാട് പട്ടാമ്പി സ്വദേശി ബഷീര്‍ (22), നിലമ്പൂര്‍ സ്വദേശി നൗഫല്‍ (23 എന്നിവര്‍ക്കാണ് പരുക്കേറ്റത്. ഇവരെ റാഷിദിയ ആശുപത്രിയില്‍ പ്രവേശിപ്പിച്ചു.

ദുബായില്‍ ഫാര്‍മസി ജീവനക്കാരനായ റുബീഷ് കമ്പനിയുടമയുടെ തോട്ടത്തില്‍ സുഹൃത്തുക്കളുമായി പോയി മടങ്ങുമ്പോഴായിരുന്നു അപകടം.

Read more

കുവൈറ്റ്‌ ചിരാത് ലൈറ്റ് ഓഫ് ചാരിറ്റി രണ്ടാം വാർഷികം 19 ന്

കുവൈറ്റ്‌ : കുവൈറ്റിലെ മലയാളി കൂട്ടായ്മയായ ചിരാത് ലൈറ്റ് ഓഫ് ചാരിറ്റിയുടെ രണ്ടാം വാർഷികം ഫെബ്രുവരി 19 നു യുണൈറ്റഡ് ഇന്ത്യൻ സ്കൂളിൽ സംഘടിപ്പിക്കുന്നു. കുവൈറ്റിലെയും നാട്ടിലെയും പാവപ്പെട്ടവർക്ക് കൈത്താങ്ങായി കഴിഞ്ഞ രണ്ടു വർഷമായി പ്രവർത്തിക്കുന്ന ചിരാത് ഗ്രൂപ്പ് ഇതുവരെ10 ലക്ഷത്തോളം രൂപയുടെ ചാരിറ്റി നാട്ടിലും കുവൈറ്റിലുമായി ചെയ്തതായി ഭാരവാഹികൾ അറിയിച്ചു.

പ്രോഗ്രാം ചെയർപേഴ്സണായി ശ്രീമതി:അനു മാത്യു വിനെയും ജനറൽ കൺവീനർ ആയി ശ്രീ:ദിനേശ് കണിയാട്ടിലിനെയും ജോയിന്റ് കൺവീനേഴ്സ് ആയി റഫീഖ് , ജാനകി എന്നിവരെയും തെരഞ്ഞെടുത്തു.

രഞ്ജിത് നായർ , ഹിഷാബ് (പ്രോഗ്രാം കൺവീനേഴ്സ്)
ജയചന്ദ്രൻ (പ്രോഗ്രാം ജോയിന്റ് കൺവീനർ )
ഷിജോ തോമസ് (റിസപ്ഷൻ)
സജി സാമുവേൽ , കലസന്തോഷ് (അറേഞ്ച്മെന്റ് )

വിനു ,നിയാസ് (കൾച്ചറൽ )അഭിലാഷ് ,

ജെയ്സൺ(വളണ്ടിയർ)

വിനീഷ്(സീറ്റിങ്ങ്)

പ്രസാദ് ,ദേവാനന്ദ് മനോജ് (ട്രാൻസ്‌പോർട്ടേഷൻ)
അൻവർ,രാകേഷ്(ഫുഡ് )

ലത്തീഫ് (ഫുഡ് ജോയിന്റ് കൺവീനർ )
ഇക്ബാൽ മുറ്റിചൂർ , ജിജി (മീഡിയ) എന്നിവരെ പ്രോഗ്രാമിന്റെ വിവിധ വകുപ്പുകളുടെ ചുമതലകളിലേക്കായി തെരഞ്ഞെടുത്തു.

Read more

കുവൈറ്റില്‍ വിസാ നിരക്ക് വര്‍ദ്ധനയ്ക്ക് അംഗീകാരം

കുവൈറ്റ് : സന്ദര്‍ശക വിസകള്‍ക്കും ആശ്രിത വിസകള്‍ക്കും ഫീസ് വര്‍ദ്ധിപ്പിച്ചുകൊണ്ടുള്ള തീരുമാനത്തിന് ആഭ്യന്തരമന്ത്രിയുടെ അംഗീകാരം. ആഭ്യന്തര മന്ത്രാലയം തയ്യാറാക്കിയ വര്‍ദ്ധന റിപ്പോര്‍ട്ടിനാണ് ആഭ്യന്തര മന്ത്രി ഷേഖ് മുഹമ്മദ് അല്‍ ഖാലിദ് അല്‍ സബാഹ് അനുമതി നല്‍കിയത്. ഇതിന് പാര്‍ലമെന്റിന്റെ അംഗീകാരം കൂടി ലഭിക്കുന്നതോടെ പുതിയ നിരക്കുകള്‍ പ്രാബല്യത്തില്‍ വരും.നിലവില്‍ മൂന്നു ദിനാര്‍ മാത്രം ചെലവു വരുന്ന സന്ദര്‍ശക വിസയ്ക്ക് ഒരു മാസത്തേക്ക് 30 ദിനാറായാണ് പുതുക്കി നിശ്ചയിച്ചിരിക്കുന്നത്. രണ്ടു മാസത്തേക്ക് ഇത് 60 ദിനാറാകും. മൂന്നുമാസത്തേക്ക് 90 ദിനാര്‍ ഫീസ് വാങ്ങാനാണ് മന്ത്രാലയം തീരുമാനിച്ചിരിക്കുന്നത്. ആശ്രിത വിസക്ക് നിലവിലെ മൂന്നു ദിനാറില്‍ നിന്ന് വന്‍ വര്‍ദ്ധനവാണ് വരുത്തിയിരിക്കുന്നത്. മാതാപിതാക്കള്‍ക്ക് 300 ദിനാര്‍ വീതവും, ഭാര്യക്ക് 200 ദിനാര്‍, മക്കള്‍ക്ക് 150 ദിനാര്‍ എന്നിങ്ങനെയാണ് നിരക്ക് വര്‍ധന. ഇഖാമ പുതുക്കുന്നതിന് 20 ദിനാര്‍ നല്‍കണം. താല്‍ക്കാലിക ഇഖാമക്കും ഇതേനിരക്ക് ഈടാക്കും.

Read more

ആരോഗ്യ മേഖലയില്‍ ചെലവ് ചുരുക്കാനാവശ്യമായ നടപടികള്‍ സ്വീകരിക്കാന്‍ സൗദി ആരോഗ്യ മന്ത്രാലയം നിര്‍ദേശം നല്‍കി

റിയാദ്: ആരോഗ്യ മേഖലയില്‍ ചെലവ് ചുരുക്കാനാവശ്യമായ നടപടികള്‍ സ്വീകരിക്കാന്‍ സൗദി ആരോഗ്യ മന്ത്രാലയം വിവിധ മേഖല ഓഫീസുകള്‍ക്ക് കര്‍ശന നിര്‍ദ്ദേശം നല്‍കി. ആരോഗ്യ മന്ത്രാലയത്തിന്‍റെ മുഴുവന്‍ ഓഫീസുകളിലും ചെലവ് ചുരുക്കല്‍ പദ്ധതികള്‍ നടപ്പാക്കണമെന്നാണ് ആരോഗ്യ മന്ത്രാലയം കര്‍ശനമായി ആവശ്യപ്പെട്ടത്.നടപ്പുവര്‍ഷത്തെ ബജറ്റ് നിയന്ത്രിക്കുന്നതിന്‍റെ ഭാഗമായാണ് കര്‍ശന നടപടികളെന്നും ആരോഗ്യ മന്ത്രാലയം വ്യക്തമാക്കി.
 
ഓവര്‍ ടൈം ബോണസുകള്‍, ചെലവുകള്‍, ബജറ്റില്‍ കവിഞ്ഞ ചിലവുകള്‍ തുടങ്ങിയവ കര്‍ശനമായി നിയന്ത്രിക്കണമെന്നാണ് മന്ത്രാലയം നിര്‍ദ്ദേശിക്കുന്നത്. അതോടൊപ്പം പുതിയ ഡോക്ടര്‍മാര്‍, സ്പെഷലിസ്റ്റുകള്‍, ടെക്നീഷ്യമാര്‍ തുടങ്ങിയ ജീവനക്കാരുടെ റിക്രൂട്ട്മെന്‍റ് അത്യാവശ്യമെങ്കില്‍ മാത്രം അതിപ്രധാന വിഭാഗങ്ങളില്‍ മാത്രം നടത്തുക, മരുന്ന്, മെഡിക്കല്‍ ഉപകരണങ്ങള്‍ എന്നിവയുടെ കോണ്‍ട്രാക്ട് പുന:പരിശോധിക്കുകയും അത്യാവശ്യമായത് മാത്രം വാങ്ങുകയും ചെയ്യുക, ചിലവു കുറഞ്ഞ ബദല്‍ മാര്‍ഗങ്ങള്‍ ആരായുക തുടങ്ങിയ കാര്യങ്ങളും മന്ത്രാലയം മുന്നോട്ട് വെച്ചിട്ടുണ്ട്.
 
കൂടാതെ വിദേശങ്ങളില്‍ ചികില്‍സ തേടുന്നതും പുതിയ ചിലവേറിയ പദ്ധതികളും നിയന്ത്രിക്കണമെന്നും ആരോഗ്യ മന്ത്രാല അണ്ടര്‍ സെക്രട്ടറിമാര്‍, വിവിധ മേഖല മേധാവികള്‍ എന്നിവര്‍ക്ക് സൗദി ആരോഗ്യ മന്ത്രാലയം നല്‍കിയ നിര്‍ദ്ദേശങ്ങളില്‍ ഉള്‍പ്പെടും മന്ത്രാലയ ജീവനക്കാരും ഉദ്യോഗസ്ഥരും നടത്തുന്ന ബിസിനസ് യാത്രാചിലവുകള്‍ കുറക്കുക, വിദേശ രാജ്യങ്ങളില്‍നടക്കുന്ന കോണ്‍ഫ്രന്‍സുകള്‍, ട്രൈനിങ് പരിപാടികള്‍, ചര്‍ച്ചാ സമ്മേളനങ്ങള്‍ എന്നിവയില്‍ പങ്കെടുക്കുന്നത് കുറക്കുക തുടങ്ങിയ നിര്‍ദ്ദേശങ്ങളും ചിലവ് ചുരുക്കലിന്‍റെ ഭാഗമായി ആരോഗ്യ മന്ത്രാലയം മുന്നോട്ട് വെച്ചിട്ടുണ്ട്
Read more

നാട്ടില്‍ നിന്നുള്ള സ്‌നേഹത്തിന് നിയന്ത്രണം


അബുദാബി: നാട്ടില്‍ നിന്ന്  ഗള്‍ഫിലേക്ക് അവധി കഴിഞ്ഞ് വരുമ്പോള്‍ വീട്ടില്‍നിന്നും നാട്ടില്‍ നിന്നും പ്രിയപ്പെട്ടവര്‍ക്കായി കൊടുത്ത് അയ്ക്കുന്ന ഭക്ഷ്യവസ്തുക്കള്‍ അവരുടെ സ്‌നേഹത്തിന്റെ അടയാളമായിരുന്നു. പക്ഷേ ഇനി മുതല്‍ ആ സ്‌നേഹത്തിന് നിയന്ത്രണം ഏര്‍പ്പെടുത്താനാണ് യുഎഇ യുടെ തീരുമാനം.

വാണിജ്യ ആവശ്യങ്ങള്‍ക്കല്ലാതെ ഇനി യുഎഇയിലേക്ക് ഭക്ഷ്യവസ്തുക്കള്‍ കൊണ്ടുവരാന്‍ പാടില്ല എന്നാണ് പരിസ്ഥിതി ജല മന്ത്രി ഡോ. റാഷിദ് അഹമ്മദ് ബിന്‍ ഫഹദിന്റെ പ്രഖ്യാപനം. ആരോഗ്യ സംരക്ഷണത്തിനും രോഗങ്ങള്‍ പടര്‍ന്നു പിടിക്കാതിരിക്കാനുമാണത്രെ ഈ മുന്‍കരുതല്‍. എന്തായാലും ഗള്‍ഫിലെ പ്രവാസികള്‍ക്ക് ഈ നിയമം കടുത്ത വേദന തന്നെ!

Read more

വാട്‌സ് ആപ്പിലെ വോയ്‌സ് കോളിനുള്ള നിരോധനം സൗദി അറേബ്യ നീക്കി


റിയാദ്: സൗദി അറേബ്യയില്‍ ജോലി ചെയ്യുന്ന ലക്ഷക്കണക്കിന് മലയാളികള്‍ക്ക് ഒരു സന്തോഷവാര്‍ത്ത. സൗദിയില്‍ ഒരു വര്‍ഷമായുണ്ടായിരുന്ന വാട്‌സ് ആപ്പ് വോയ്‌സ് കോള്‍ സേവനത്തിന്റെ വിലക്ക് എടുത്തുമാറ്റി. അറബ് ന്യൂസ് ആണ് ഈ വാര്‍ത്ത റിപ്പോര്‍ട്ട് ചെയ്തത്.

പക്ഷേ വിലക്ക് നീക്കിയത് കമ്മ്യൂണിക്കേഷന്‍ ആന്‍ഡ് ഇന്‍ഫര്‍മേഷന്‍ ടെക്‌നോളജി കമ്മീഷന്‍ ഔദ്യോഗികമായി അറിയിച്ചിട്ടില്ല. കഴിഞ്ഞ വര്‍ഷം മാര്‍ച്ച് 15 നാണ് വാട്‌സ് ആപ്പ് വോയ്‌സ് കോള്‍ സേവനം രാജ്യത്ത് വിലക്കിയത്.

വാട്‌സ് ആപ്പ് വോയ്‌സ് കോള്‍ സംവിധാനം ലഭ്യമായി തുടങ്ങിയതോടെ പ്രവാസികള്‍  വീട്ടിലേക്ക് വിളി തുടങ്ങിക്കഴിഞ്ഞു എന്നാണ്പുതിയ റിപ്പോര്‍ട്ടുകള്‍.

Read more

കത്തോലിക്കാ ഓറിയന്റല്‍ ഓര്‍ത്തഡോക്‌സ് ദൈവശാസ്ത്ര സംവാദം കെയ്‌റോയില്‍ നടന്നു

കത്തോലിക്കാ ഓറിയന്റല്‍ ഓര്‍ത്തഡോക്‌സ് ദൈവശാസ്ത്ര സംവാദം കെയ്‌റോയില്‍ നടന്നു
Picture
കെയ്‌റോ: കത്തോലിക്കാ സഭയും ഓറിയന്റല്‍ ഓര്‍ത്തഡോക്‌സ് സഭകളും തമ്മില്‍ സംവാദത്തിനുള്ള അന്തര്‍ദേശീയ സമിതിയുടെ പതിമൂന്നാമത് സമ്മേളനം 2016 ജനുവരി 30 മുതല്‍ ഫെബ്രുവരി 6 വരെ ഈജിപ്തിലെ കെയ്‌റോയിലുള്ള കോപ്റ്റിക് ഓര്‍ത്തഡോക്‌സ് സെന്ററില്‍ നടന്നു. ജനുവരി 31-ന് സമിതിയംഗങ്ങള്‍ കോപ്റ്റിക് പരമാധ്യക്ഷന്‍ പരിശുദ്ധ തവദോറോസ് രണ്ടാമന്‍ പാത്രിയര്‍ക്കീസ് ബാവയുമായി കൂടിക്കാഴ്ച നടത്തി. തുടര്‍ന്ന് ഈജിപ്തിലെ വത്തിക്കാന്‍ സ്ഥാനപതി ആര്‍ച്ച് ബിഷപ്പ് ബ്രൂണോ മുസാറോ കമ്മീഷന്‍ അംഗങ്ങളെ വസതിയില്‍ സ്വീകരിച്ചു. 
കൂദാശകളില്‍ കത്തോലിക്കാ സഭയ്ക്കും ഓറിയന്റല്‍ സഭകള്‍ക്കുമുള്ള പൊതുവായ ധാരണകളും വിശ്വാസ സംഗതികളുമാണ് ഇപ്രവാശ്യം പ്രധാന പഠനവിഷയമാക്കിയത്. സഭകള്‍ തമ്മില്‍ ഐക്യത്തിന്റേയും സഹകരണത്തിന്റേയും പരമാവധി മേഖലകള്‍ കണ്ടെത്തി കൂട്ടായ സാക്ഷ്യം നല്‍കുവാനുള്ള പദ്ധതികളെക്കുറിച്ച് കൂടുതല്‍ പഠനങ്ങള്‍ നടത്തി പ്രാവര്‍ത്തികമാക്കുവാന്‍ തീരുമാനിച്ചു. മദ്ധ്യപൂര്‍വ്വ ദേശങ്ങളിലെ പ്രതിസന്ധികളും, ഇറാക്ക്, സിറിയ തുടങ്ങിയ സ്ഥലങ്ങളില്‍ ക്രിസ്ത്യാനികള്‍ പീഡിപ്പിക്കപ്പെടുകയും നാമാവശേഷമായിക്കൊണ്ടിരിക്കുന്നതുമായ സംഗതികളും ഗൗരവമായി ചര്‍ച്ച ചെയ്യപ്പെടുകയുണ്ടായി. 
വത്തിക്കാനിലെ സഭൈക്യ ചര്‍ച്ചകള്‍ക്കുള്ള സമിതിയുടെ അധ്യക്ഷന്‍ കര്‍ദ്ദിനാള്‍ കുര്‍ട്ട് കോഹ് ഉള്‍പ്പടെ ലോകത്തിന്റെ വിവിധ ഭാഗങ്ങളില്‍ നിന്നുള്ള കത്തോലിക്കാ പ്രതിനിധികളും, സിറിയന്‍ ഓര്‍ത്തഡോക്‌സ്, കോപ്റ്റിക് ഓര്‍ത്തഡോക്‌സ്, അര്‍മ്മീനിയന്‍ ഓര്‍ത്തഡോക്‌സ്, എത്യോപ്യന്‍ ഓര്‍ത്തഡോക്‌സ്, ഇന്ത്യന്‍ ഓര്‍ത്തഡോക്‌സ് എന്നീ സഭകളില്‍ നിന്നുള്ള 28 പ്രതിനിധികള്‍ പങ്കെടുത്തു. ലെബനോലിലെ ആര്‍ച്ച് ബിഷപ്പ് മോര്‍ തെയോഫിലോസ് ജോര്‍ജ് സലീബ, ഡോ. കുര്യാക്കോസ് മോര്‍ തെയോഫിലോസ് മെത്രാപ്പോലീത്ത എന്നിവര്‍ സിറിയന്‍ ഓര്‍ത്തഡോക്‌സ് സഭയെ പ്രതിനിധീകരിച്ചു.

കെയ്‌റോ: കത്തോലിക്കാ സഭയും ഓറിയന്റല്‍ ഓര്‍ത്തഡോക്‌സ് സഭകളും തമ്മില്‍ സംവാദത്തിനുള്ള അന്തര്‍ദേശീയ സമിതിയുടെ പതിമൂന്നാമത് സമ്മേളനം 2016 ജനുവരി 30 മുതല്‍ ഫെബ്രുവരി 6 വരെ ഈജിപ്തിലെ കെയ്‌റോയിലുള്ള കോപ്റ്റിക് ഓര്‍ത്തഡോക്‌സ് സെന്ററില്‍ നടന്നു. ജനുവരി 31-ന് സമിതിയംഗങ്ങള്‍ കോപ്റ്റിക് പരമാധ്യക്ഷന്‍ പരിശുദ്ധ തവദോറോസ് രണ്ടാമന്‍ പാത്രിയര്‍ക്കീസ് ബാവയുമായി കൂടിക്കാഴ്ച നടത്തി. തുടര്‍ന്ന് ഈജിപ്തിലെ വത്തിക്കാന്‍ സ്ഥാനപതി ആര്‍ച്ച് ബിഷപ്പ് ബ്രൂണോ മുസാറോ കമ്മീഷന്‍ അംഗങ്ങളെ വസതിയില്‍ സ്വീകരിച്ചു. 

കൂദാശകളില്‍ കത്തോലിക്കാ സഭയ്ക്കും ഓറിയന്റല്‍ സഭകള്‍ക്കുമുള്ള പൊതുവായ ധാരണകളും വിശ്വാസ സംഗതികളുമാണ് ഇപ്രവാശ്യം പ്രധാന പഠനവിഷയമാക്കിയത്. സഭകള്‍ തമ്മില്‍ ഐക്യത്തിന്റേയും സഹകരണത്തിന്റേയും പരമാവധി മേഖലകള്‍ കണ്ടെത്തി കൂട്ടായ സാക്ഷ്യം നല്‍കുവാനുള്ള പദ്ധതികളെക്കുറിച്ച് കൂടുതല്‍ പഠനങ്ങള്‍ നടത്തി പ്രാവര്‍ത്തികമാക്കുവാന്‍ തീരുമാനിച്ചു. മദ്ധ്യപൂര്‍വ്വ ദേശങ്ങളിലെ പ്രതിസന്ധികളും, ഇറാക്ക്, സിറിയ തുടങ്ങിയ സ്ഥലങ്ങളില്‍ ക്രിസ്ത്യാനികള്‍ പീഡിപ്പിക്കപ്പെടുകയും നാമാവശേഷമായിക്കൊണ്ടിരിക്കുന്നതുമായ സംഗതികളും ഗൗരവമായി ചര്‍ച്ച ചെയ്യപ്പെടുകയുണ്ടായി. 

വത്തിക്കാനിലെ സഭൈക്യ ചര്‍ച്ചകള്‍ക്കുള്ള സമിതിയുടെ അധ്യക്ഷന്‍ കര്‍ദ്ദിനാള്‍ കുര്‍ട്ട് കോഹ് ഉള്‍പ്പടെ ലോകത്തിന്റെ വിവിധ ഭാഗങ്ങളില്‍ നിന്നുള്ള കത്തോലിക്കാ പ്രതിനിധികളും, സിറിയന്‍ ഓര്‍ത്തഡോക്‌സ്, കോപ്റ്റിക് ഓര്‍ത്തഡോക്‌സ്, അര്‍മ്മീനിയന്‍ ഓര്‍ത്തഡോക്‌സ്, എത്യോപ്യന്‍ ഓര്‍ത്തഡോക്‌സ്, ഇന്ത്യന്‍ ഓര്‍ത്തഡോക്‌സ് എന്നീ സഭകളില്‍ നിന്നുള്ള 28 പ്രതിനിധികള്‍ പങ്കെടുത്തു. ലെബനോലിലെ ആര്‍ച്ച് ബിഷപ്പ് മോര്‍ തെയോഫിലോസ് ജോര്‍ജ് സലീബ, ഡോ. കുര്യാക്കോസ് മോര്‍ തെയോഫിലോസ് മെത്രാപ്പോലീത്ത എന്നിവര്‍ സിറിയന്‍ ഓര്‍ത്തഡോക്‌സ് സഭയെ പ്രതിനിധീകരിച്ചു.

Read more

Copyrights@2016.