europe live Broadcasting

മാര്‍പാപ്പയുടെ ഫാത്തിമ സന്ദര്‍ശനത്തിന്‍റെ ലോഗോ പുറത്തിറക്കി

വത്തിക്കാന്‍: ഫാത്തിമായില്‍ പരിശുദ്ധ കന്യക മാതാവ് പ്രത്യക്ഷപ്പെട്ടതിന്‍റെ നൂറാം വാര്‍ഷികത്തോട് അനുബന്ധിച്ച് ഫ്രാ‍ന്‍സിസ് പാപ്പാ നടത്താനിരിക്കുന്ന ഫാത്തിമ തീര്‍ഥാടനത്തോടനുബന്ധിച്ചുള്ള ലോഗോ പ്രസിദ്ധീകരിച്ചു. മാര്‍പാപ്പയുടെ ഫാത്തിമ സന്ദര്‍ശനം "മറിയത്തിന്‍റെ അമലോത്ഭവഹൃദയം" എന്ന വിഷയത്തെ കേന്ദ്രീകരിച്ചുള്ളതാകയാല്‍, മധ്യത്തില്‍ കുരിശു വരത്തക്കവിധത്തില്‍ ജപമാലമണികള്‍കൊണ്ട് രചിച്ചിട്ടുള്ള ഹൃദയത്തിന്‍റെ രൂപമാണ് ലോഗോ ചിത്രം. ലോഗോയ്ക്കുള്ളില്‍ "ഫ്രാന്‍സിസ് പാപ്പാ – ഫാത്തിമ 2017" എന്നും അതിനുതാഴെ "മറിയത്തോടുകൂടെ പ്രത്യാശയോടും സമാധാനത്തോടും കൂടിയ തീര്‍ത്ഥാടനം" എന്നും പോര്‍ച്ചുഗീസ് ഭാഷയില്‍ കുറിച്ചിട്ടുണ്ട്. ഫ്രഞ്ചേസ്കോ പ്രൊവിദേന്‍സയാണ് ഈ ലോഗോ തയ്യാറാക്കിയത്. 2017 മെയ് 12-13 തീയതികളിലാണ് മാര്‍പാപ്പ തന്റെ സന്ദര്‍ശനം നടത്തുന്നത്.

Read more

മിഡ് വെയിൽസിന്റെ മലനിരകളെ നടവിളികളാൽ പ്രകമ്പനം കൊള്ളിച്ച് കൊണ്ട് ഏഴാമത് UKKCYL ക്യാമ്പിന് സമാപനം.

മിഡ് വെയിൽസിന്റെ മലനിരകളെ പ്രകമ്പനം കൊള്ളിച്ചുകൊണ്ട്, നടവിളികൾ വാനിലുയർത്തി, ക്നാനായ യുവജനങ്ങളുടെ ഈ വർഷത്തെ ലീഡർഷിപ്പ് ക്യാമ്പ് വിജയകരമായി സമാപിച്ചു. മിഡ് വെയിൽസിലെ ന്യൂ ടൗണിലെ കെഫൻലി പാർക്ക് എന്ന സ്ഥലത്ത് വച്ചാണ് ഫെബ്രുവരി 3,4,5 തിയ്യതികളിലായി 35 ഓളം യൂണിറ്റുകളിൽനിന്നായി 115 ഓളം യുവജനങ്ങൾ പങ്കെടുത്ത യു കെ കെ കെ സി വൈ എൽ ക്യാമ്പ് അരങ്ങേറിയത്.

വെള്ളിയാഴ്ച അഞ്ചുമണിയോടെ ആരംഭിച്ച ക്യാമ്പ്, ഞായറാഴ്ച വൈകുന്നേരം 3 മണിയോട് കൂടിയാണ് സമാപിച്ചത്. യു കെ യിലെ സീറോ മലബാർ ക്നാനായ വികാരി ജനറാൾ ഫാ. സജി മലയിൽ പുത്തെൻപുരയിലിന്റെയും, ഫാ. സജി തോട്ടത്തിലിന്റെയും കെ സി വൈ എൽ നാഷണൽ ഡയറക്ടേഴ്സ് ആയ ശ്രീ സിന്റോ ജോൺ , ശ്രീമതി ജോമോൾ സന്തോഷ് എന്നിവരുടെയും നേതൃത്വത്തിൽ യു കെ കെ സി വൈ എൽ കേന്ദ്ര കമ്മറ്റി അംഗങ്ങളായ പ്രസിഡണ്ട് ഷിബിൻ വടക്കേക്കര, സെക്രട്ടറി ജോണി മലമുണ്ടക്കൽ, മറ്റ് അംഗങ്ങളായ ഡേവിഡ് മൂരിക്കുന്നേൽ, സ്റ്റീഫൻ ടോം, സ്റ്റെഫിൻ ഫിലിപ്പ് എന്നിവരുടെ ചിട്ടയായുള്ള ഉജ്ജ്വല പ്രവർത്തനങ്ങളാൽ, ഈ യുവജന സംഗമം, പങ്കെടുത്ത എല്ലാവർക്കും പുതുമയും, അറിവും, ആവേശവും പകർന്നു നൽകി.

ക്നാനായ അവബോധം സൃഷ്ടിക്കുന്ന ക്ലാസ്സുകളും, ഗെയിമുകളും, കായിക വിനോദങ്ങളും, കലാ പരിപാടികളും, പ്രാർത്ഥനകളും ജപമാലകളും, വി. കുർബ്ബാനയും ഒക്കെ ഇടകലർന്ന മൂന്നു ദിവസങ്ങൾ യുവജനങ്ങൾക്ക് ഏറ്റവും പ്രയോജന പ്രദമായി എന്ന് പങ്കെടുത്തവർ സാക്ഷ്യപ്പെടുത്തി. ഇത് പോലെ, യുവജനങ്ങൾക്ക് അവരുടെ ആദ്ധ്യാത്മികവും, ശാരീരികവും, ബൗദ്ധികവുമായ ഉയർച്ചക്ക് ഉപകരിക്കുന്ന എല്ലാ ചേരുവകളും ഉൾക്കൊള്ളിച്ചുകൊണ്ടു നടത്തപ്പെട്ട ഒരു യുവജന പ്രോഗ്രാം പായ്ക്ക് , ആദ്യമായാണ് യു കെ യിൽ കാണുന്നത് എന്ന് ക്യാംപിൽ യുവജനങ്ങൾക്ക് മാർഗ്ഗ നിർദ്ദേശം നൽകിയ, യു കെ യുടെ പല ഭാഗത്തുനിന്നുമായി എത്തിയ യൂണിറ്റ് ഡയറക്ടർമാർ ഒന്നടങ്കം അഭിപ്രായപ്പെട്ടു.

ഈ ലീഡർഷിപ്പ് ക്യാംപിൽ പ്രധാനമായും ക്ളാസുകൾ നയിച്ചത്, കേരളത്തിൽ നിരവധി പരിശീലന ക്ലാസ്സുകൾ നടത്തിയിട്ടുള്ള ലെസ്റ്ററിൽ നിന്നുള്ള ശ്രീ ആൽബിൻ എബ്രഹാമും ശ്രീ സിന്റോ ജോണും അടങ്ങുന്ന ടീം ആയിരുന്നു. ഓരോ ക്നാനായ യുവതീ യുവാക്കളെ സംബന്ധിച്ചും, വരുടെ നേതൃത്വ പാടവം യു കെ കെ സി വൈ എൽ എന്ന സംഘടനയിലൂടെ എങ്ങിനെ വളർത്താം എന്നും, അത് സ്വന്തം കുടുംബത്തിലും, സമുദായത്തിലും എങ്ങിനെ പ്രയോജനപ്പെടുത്താം എന്നുമാണ് മൂന്നു ദിവസത്തെ ഈ യു കെ കെ സി വൈ എൽ ക്യാമ്പ് ലക്ഷ്യമിട്ടത്.

എല്ലാ ദിവസത്തെയും പ്രാർത്ഥനകളിലും, യുവജനങ്ങൾക്ക് വേണ്ടി പ്രത്യേകം അർപ്പിച്ച ആഘോഷമായ കുർബ്ബാനകളിലും, യുവജനങ്ങൾ അത്യുത്സാഹത്തോടെ പങ്കെടുത്തത് എടുത്ത് പറയേണ്ട കാര്യമാണ്. കായിക മത്സരങ്ങളും, ഇൻഡോർ ഗെയിമുകളും ഗ്രൂപ്പ് അടിസ്ഥാനത്തിൽ നടന്ന ക്നാനായ സമുദായത്തെ പറ്റിയുള്ള സ്കിറ്റുകളും, ശനിയാഴ്ച നടന്ന ക്നാനായ നൈറ്റും, യുവജനങ്ങൾ അവിസ്മരണീയമാക്കി. എട്ടു ഗ്രൂപ്പുകളിലായി നടന്ന സ്കിറ്റ്, ക്നാനായ തനിമയും ക്നാനായ സ്പിരിറ്റും വിളിച്ചോതുന്നവയായിരുന്നു. ഓരോ യൂണിറ്റുകളിൽനിന്നും യുവജനങ്ങൾക്ക് പിന്തുണ നൽകാനെത്തിയ യൂണിറ്റ് ഡയറക്ടർസ്, ക്യാമ്പിന്റെ പ്രവർത്തനങ്ങൾക്ക് എല്ലാ വിധ പിന്തുണയും നൽകി.

ക്യാമ്പിന്റെ സമാപന ദിവസം നടന്ന നാഷണൽ കൗൺസിൽ മീറ്റിങ്ങിൽ യു കെ കെ സി എ യുടെ പ്രതിനിധിയായി സെക്രട്ടറി ജോസി നെടുംതുരുത്തി പുത്തെൻപുരയിൽ പങ്കെടുത്തു. യുവജനങ്ങളെ സഭാ സാമുദായിക ബോധത്തിൽ വളർത്തുവാൻ ഉതകുന്ന ഇതുപോലെയുള്ള ക്യാമ്പുകൾക്ക് മാതൃസംഘടനായ യു കെ കെ സി എ യുടെ എല്ലാവിധ പിന്തുണയും ഉണ്ടായിരിക്കും എന്ന് യു കെ കെ സി എ എക്സിക്യൂട്ടീവ് കമ്മറ്റിയെ പ്രതിനിധീകരിച്ച് ജോസി നെടുംതുരുത്തി പുത്തെൻപുരയിൽ അറിയിച്ചു.

ഈ ക്യാംപിൽ വച്ച് യു കെ കെ സി വൈ എൽ ന്റെ ആറാമത് ജന്മദിനം കേക്ക് മുറിച്ച് ആഘോഷിച്ചു. യു കെ കെ സി വൈ എൽ ന്റെ കഴിഞ്ഞ വർഷത്തെ പ്രവർത്തനങ്ങൾ കോർത്തിണക്കികൊണ്ട് ശ്രീ ജോണി മലമുണ്ടക്കൽ ഒരുക്കിയ വീഡിയോ ആൽബം പഴയ യു കെ കെ സി വൈ എൽ നേതൃത്വങ്ങളെ ഓർമ്മിക്കുവാനും ഓർമ്മകൾ പുതുക്കുവാനുമുള്ള അവസരമായി മാറി.

മത്സരയിനങ്ങളിലും, ക്യാമ്പ് പ്രവർത്തനങ്ങളിലും മികവ് പുലർത്തിയവർക്ക് സമ്മാനങ്ങൾ വിതരണം ചെയ്തുകൊണ്ട് എല്ലാവർക്കും എല്ലാവിധ ആശംസകളും നേർന്നുകൊണ്ടാണ് അതിഗംഭീരമായ ഏഴാമത് യു കെ കെ സി വൈ എൽ ക്യാമ്പ് സമാപിച്ചത്.

അഭിമാനാർഹമായ പ്രേക്ഷിത കുടിയേറ്റ പാരമ്പര്യത്തിന്റെ കരുത്തിൽ, കേരളത്തിൽ നിന്ന് ബ്രിട്ടനിലേക്ക് കുടിയേറിയ ക്നാനായ കുടുംബങ്ങളുടെ വിശ്വാസ ചൈതന്യം, പുതു തലമുറയിലേക്ക് ഒട്ടും ചോർന്നു പോകാതെ കൈമാറുകയെന്നതാണ് യു കെ കെ സി വൈ എൽ ന്റെയും ഇതുപോലെയുള്ള യുവജന ക്യാമ്പുകളുടെയും ലക്ഷ്യം.

Read more

യുകെയിലെ കരിംകുന്നംകാര്‍, നാടിനും നാട്ടുകാര്‍ക്കും കൈത്താങ്ങായി

യുകെ: യുകെ കരിംകുന്നം സംഗമത്തിന്റെ മുന്നോടിയായി , യുകെ യിലെ കരിംകുന്നംകാര്‍ ഒറ്റകെട്ടായി നാലു ലക്ഷം രൂപ സമാഹരിച്ചു കരിംകുന്നം ഗ്രാമത്തില്‍ പ്രവര്‍ത്തിച്ചുവരുന്ന കാരുണ്യ പല്ലിയേറ്റീവ് ഹോം കെയര്‍ സൊസൈറ്റിക് ഒരു വാഹനം മേടിക്കുന്നതിനായി നല്‍കുകയുണ്ടായി .

വിശുദ്ധ സെബസ്ത്യാനോസിന്റെ തിരുനാളിനോടനുബണ്ടിഞ്ചു നടന്ന കലാസന്ധ്യയില്‍ , കോട്ടയം അതിരൂപത സഹായ മെത്രാന്‍ മാര്‍ ജോസഫ് പണ്ടാരശേരിയില്‍ പിതാവ് ചെക്ക് പല്ലിയേറ്റീവ് സൊസൈറ്റിയുടെ ഭാരവാഹികള്‍ക്ക് കൈമാറുകയുണ്ടായി . ഇതിന്റെ കണ്‍വീനിയര്‍ ആയി പ്രവര്‍ത്തിച്ച പ്രിന്‍സിമോന്‍ മാത്യു ഇളംതന്ത് , കലാസന്ധ്യയില്‍ ,യുകെ യില്‍ ഉള്ള എല്ലാ കരിംകുന്നംകാര്‍ക്കും അളിയന്മാര്‍ക്കും ഈ പ്രോജക്ടിന്റെ വിജയത്തിനുവേണ്ടി പ്രവര്‍ത്തിച്ച ഇപ്പോഴത്തെ കമ്മറ്റി അംഗങ്ങള്‍ക്കും , അതുപോലെ മുന്‍പ്രസിഡന്റ് ജെയിംസ് ചേട്ടനും മുന്‍കമ്മറ്റിക്കും പ്രത്യേകം നന്ദി അറിയിച്ചു സംസാരിച്ചു.

Read more

12 മത് യു.കെ. കരിങ്കുന്നം ദേശീയ സംഗമം 2017 സെപ്റ്റം. 29, 30, ഒക്ടോ. 1 തീയതികളിൽ

കവൻട്രി: യു.കെ. യില്‍ ദേശീയതലത്തില്‍ നടക്കുന്ന 12-ാമത് കരിങ്കുന്നം സംഗമം 2017 സെപ്റ്റംബര്‍ 29, 30, ഒക്ടോബര്‍ 1 തീയതികളില്‍ Castle Head Field Centre, (Grange Over Sands, Cumbria LA 116QT)ൽ വച്ച് നടത്തപ്പെടുന്നു . യു.കെ. യിലെ മുഴുവന്‍ കരിങ്കുന്നം നിവാസികളെയും പങ്കെടുപ്പിച്ചു നടത്തുന്ന പരിപാടിക്ക് വിപുലമായ ഒരുക്കങ്ങളാണ് നടക്കുന്നത്. സാധിക്കാവുന്ന എല്ലാവരെയും അറിയിക്കുവാനും, അവര്‍ക്കു വേണ്ട സജ്ജീകരണങ്ങള്‍ ഒരുക്കുന്നതിനും വിവിധ തലങ്ങളിലും സ്ഥലങ്ങളിലും കമ്മിറ്റികള്‍ രൂപീകരിച്ചിട്ടുണ്ട്. കരിങ്കുന്നംകാര്‍ക്ക് ഓര്‍ക്കാനും സ്മരണകള്‍ പങ്കിടാനും ഇതൊരു നല്ല അവസരം ആയിരിക്കും. ഗൃഹാതുരത്വത്തിന്‍റെ നല്ല ഓര്‍മ്മകള്‍ പങ്കുവയ്ക്കുന്നതിനും സുഹൃദ്ബന്ധങ്ങളും കുടുംബബന്ധങ്ങളും പുതുക്കുന്നതിനും എല്ലാ കരിങ്കുന്നം നിവാസികളെയും കരിങ്കുന്നത്തു നിന്നും വിവാഹം കഴിപ്പിച്ചു വിട്ടവരെയും അവരുടെ കുടുംബാംഗങ്ങളെയും ഈ കരിങ്കുന്നം കൂട്ടായ്മയിലേക്ക് ക്ഷണിക്കുന്നതായും, ഇതിനു വേണ്ടി നേരത്തെ തന്നെ എല്ലാവരും അവധി എടുക്കണമെന്ന് പ്രത്യേകമായി അപേക്ഷിക്കുന്നതായും സംഘാടക സമിതിക്കുവേണ്ടി ടോമി തട്ടാമറ്റം അറിയിച്ചു.

Read more

യു കെ കെ സി എ സ്റ്റീവനേജ് യൂണിറ്റിന്റെ ക്രിസ്തുമസ് ന്യൂ ഇയർ ആഘോഷങ്ങൾ വർണാഭമായി .

UK : സ്റ്റീവനേജിലെ സെന്റ് നിക്കോളാസ് ഹാളിൽ വച്ച് നടന്ന വാർഷിക സമ്മേളനത്തോടൊപ്പം നടന്ന ക്രിസ്തുമസ് പുതുവത്സര ആഘോഷങ്ങൾക്ക് യുണിറ്റ് പ്രസിഡണ്ട് ശ്രീ ഫിലിപ്പ് ജോസഫ് നേദൃത്വം നൽകി അന്ന് വൈകിട്ട് ആറുമണിക്ക് സീറോ മലബാർ ഗ്രേറ്റ് ബ്രിട്ടൻ രൂപത വികാരി ജനറാൾ ഫാ സജി മലയിൽപുത്തൻപുരയിൽ അർപ്പിച്ച പരിശുദ്ധ കുർബാനയോടെ ആഘോഷങ്ങൾ ആരംഭിച്ചു. തുടർന്ന് നടന്ന പൊതുയോഗത്തിൽ ശ്രീ ഫിലിപ്പ് ജോസഫ് അധ്യക്ഷനായിരുന്നു. ഉദ്ഖാടന പ്രസംഗത്തിൽ ആഗോള സഭയോടൊപ്പം ക്നാനായ സമുദായവും സ്വന്തം തനിമയിൽ തുടർന്നുകൊണ്ട് പുരോഗമനപരമായി ചിന്ദിക്കേണ്ടതിന്റെ ആവശ്യകതയെക്കുറിച്ചും പുതിയ തലമുറയെ ദൈവ വിശ്വാസത്തിലും സഭാ സമുദായ സ്നേഹത്തിലും വളർത്തേണ്ടതിന്റെ ആവശ്യഗദയെ കുറിച്ചും ഫാ സജി ഹ്രസ്വമായി സംസാരിച്ചു.

യൂണിറ്റ് സെക്രെട്ടറി ഫിലിപ്പ് പൂത്തൃക്കയിൽ വാർഷിക റിപ്പോർട് സമർപ്പിച്ചു ട്രെഷറർ ഷിബു മുളയിങ്കൽ സാമ്പത്തിക റിപ്പോർട് വായിച്ചു. തുടർന്ന് നടന്ന യൂണിറ്റ് അംഗങ്ങളുടെ കലാ പ്രകടനങ്ങൾ വളരെ ഹൃദ്യവും മനോഹരവുമായിരുന്നു.

തുടർന്ന് UKKCYL ഭാരവാഹികളെ തിരഞ്ഞെടുത്തു. പ്രസിഡണ്ട് അഞ്ജലി ജേക്കബ്,സെക്രെട്ടറി ടോണി ഫിലിപ്പ്, ട്രെഷറർ ജോസ് കല്ലടാന്തിയിൽ വൈസ് പ്രസിഡന്റ് മാത്യു എബ്രഹാം , ജോയിന്റ് സെക്രെട്ടറി ഷെർവിൻ ഷാജി. യൂണിറ്റ് ഡയറക്ടർസ് ആയി ശ്രീ ജെഫ്‌റിൻ സൈമണും ശ്രീമതി സുജ സോയിമോനും തിരഞ്ഞെടുക്കപ്പെട്ടു ശ്രീ ഷിബു മുളയിങ്കൽ നന്ദി അറിയിച്ചു .

Read more

ലെസ്റ്റർ, ബ്രിസ്റ്റോൾ ജേതാക്കൾ: ചരിത്രമെഴുതി UKKCA വ്യത്യസ്തമാർന്ന ഉദ്ഘാടനം

ബെർമിംഗ്ഹാം: യു കെ ക്നാനായ കാത്തലിക്ക് അസോസിയേഷൻ ഇദംപ്രഥമമായി നടത്തിയ പുൽക്കൂട് - കരോൾ സംഗീത മത്സരത്തിൽ, ലെസ്റ്റർ ബ്രിസ്റ്റോൾ യൂണിറ്റുകൾ ജേതാക്കളായി. വാശിയേറിയ പുൽക്കൂട് മത്സരത്തിൽ അതി കഠിനമായ വിധി നിർണ്ണയത്തിൽ ഒന്നാം സ്ഥാനം ലെസ്റ്ററിനും രണ്ടാം സ്ഥാനം കവൻട്രി ആൻഡ് വാർവിക്ക് ഷെയർ യൂണിറ്റും നോർത്തേൺ അയർലണ്ടും പങ്കിട്ടു. മൂന്നാം സ്ഥാനം ബർമിംഗ് ഹാം - ബ്രിസ്റ്റോൾ യൂണിറ്റുകൾ പങ്കിട്ടു. വിധി കർത്താക്കളുടെ പ്രത്യേക അനുമോദനത്തിന് സ്വിൻഡൻ, കെറ്ററിംഗ്‌, വൂസ്റ്റർ യൂണിറ്റുകൾ അർഹരായി. അത്യന്തം വാശിയേറിയ കരോൾ സംഗീത മത്സരത്തിൽ ബ്രിസ്റ്റോൾ യൂണിറ്റിന് ഒന്നാം സ്ഥാനവും കവൻട്രി ആൻഡ് വാർവിക്ക് ഷെയറിന് രണ്ടാം സ്ഥാനവും ലെസ്റ്റർ യൂണിറ്റിന് മൂന്നാം സ്ഥാനവും ബർമിംഗ്ഹാം യൂണിറ്റിന് പ്രത്യേക അനുമോദനവും ലഭിച്ചു.

യുകെകെസിഎ സെൻട്രൽ കമ്മറ്റി അംഗങ്ങളും കുടുംബാഗങ്ങളും കാരൾ സംഗീതമാലപിച്ചാണ് സംഗീത മത്സരം ഉദ്ഘാടനം ചെയ്തത്. പ്രസിഡണ്ട് ബിജു മടക്കക്കുഴി, സെക്രട്ടറി ജോസി നെടുംതുരുത്തിപുത്തെൻപുരയിൽ, ട്രഷറർ ബാബു തോട്ടം, വൈസ് പ്രസിഡണ്ട് ജോസ് മുഖച്ചിറ, ജോ. സെക്രട്ടറി സഖറിയാ പുത്തെൻകളം എന്നിവർ പരിപാടികൾക്ക് നേതൃത്വം നൽകി.

Read more

കലാവിസ്മയങ്ങള്‍ തീര്‍ത്ത് യു കെ കെ സി വൈ എല്‍ കലാമേളയ്ക്ക് സമാപനം; ലിവര്‍പൂളും മാഞ്ചസ്റ്ററും സംയുക്ത ജേതാക്കള്‍

ഇക്കഴിഞ്ഞ ശനിയാഴ്ച യുകെകെസിഎ ആസ്ഥാനമന്ദിരത്തില്‍ നടന്ന യുകെകെസിവൈഎല്‍ കലാമേളയില്‍, യുകെകെസിവൈഎല്ലിന്റെ ചരിത്രത്തിലാദ്യമായി ക്‌നാനായ യുവജനങ്ങളെ ആവേശത്തേരിലാറാടിച്ചുകൊണ്ട് ആയിരങ്ങളെ ആകാംക്ഷയുടെ മുള്‍മുനയില്‍ നിര്‍ത്തി അവസാന ഫോട്ടോഫിനിഷില്‍ ഓവറോഹ കിരീടം മാഞ്ചസ്റ്ററും ലിവര്‍പൂളും സംയുക്തമായി ഏറ്റുവാങ്ങി കലാമേളയ്ക്ക് സമാപനമായി. യുകെയിലെ ക്‌നാനായക്കാരുടെ യുവജനസംഘടനയായ യുകെകെസിവൈഎല്ലിന്റെ നാഷണല്‍ കലാമേളയില്‍ യുകെയുടെ പല ഭാഗത്തുനിന്നും അയര്‍ലണ്ടില്‍നിന്നും വരെയുള്ള ഏകദേശം 40 ഓളം യൂണിറ്റുകളില്‍നിന്നും വന്ന 250ഓളം  കലാകാരന്മാരുടെ കലാമാമാങ്കത്തിന് ആയിരങ്ങള്‍ സാക്ഷിയായി.

സീറോ മലബാര്‍ ഗ്രേറ്റ് ബ്രിട്ടന്‍ രൂപതാ പ്രഥമ മെത്രാന്‍ മാര്‍ ജോസഫ് സ്രാമ്പിക്കല്‍ കലാമേള ഔപചാരികമായി ഉദ്ഘാടനം ചെയ്തു. യുകെയിലെ മലയാളികള്‍ക്കിടയില്‍ ഇതുപോലെ യുവജനങ്ങള്‍ക്കുവേണ്ടി മാത്രം നടത്തപ്പെടുന്നതും ഇത്രയും യുവജനങ്ങള്‍ പങ്കെടുക്കുന്നതും തന്നെ അത്ഭുതപ്പെടുത്തിയെന്ന് പിതാവ് എടുത്തു പറഞ്ഞു.

കലാമേളയുടെ സമ്മേളനം തന്നെ വ്യത്യസ്തതകള്‍കൊണ്ട് ശ്രദ്ധിക്കപ്പെട്ടു. തനതു കേരള ശൈലിയില്‍നിന്നും വ്യത്യസ്തമായി "യുകെകെസിവൈഎല്‍ യൂത്ത്‌ഫെസ്റ്റ് 2016" എന്ന ബാനര്‍ ഉദ്ഘാടന സമയത്ത് ഒരു റോബോട്ടിക് ശൈലിയില്‍ ഇറങ്ങിവരുകയും അതില്‍ തിരിതെളിച്ച് ഒരു ന്യൂ ജനറേഷന്‍ ശൈലിയില്‍ നടത്തപ്പെട്ട ഉദ്ഘാടനം കാണികള്‍ക്ക് ഒരു പുത്തന്‍ അനുഭവമായിരുന്നു. ക്‌നാനായക്കാരുടെ അഭിമാനമായ ബര്‍മിങ്ഹാമിലെ യുകെകെസിഎ ആസ്ഥാനമന്ദിരത്തിലായിരുന്നു യുകെകെസിവൈഎല്‍ കലാമേള ഈ വര്‍ഷവും അരങ്ങേറിയത്. 

ക്‌നാനായ തനിമയും ആചാരങ്ങളും പുതിയ തലമുറയ്ക്ക് പകര്‍ന്നു നല്‍കുക എന്ന ഉദ്ദേശ്യത്തോടെ ക്രമീകരിച്ച മത്സരയിനങ്ങളില്‍ സാധാരണ മത്സരയിനങ്ങള്‍ കൂടാതെ മൈലാഞ്ചി, ചന്തംചാര്‍ത്ത്, പുരാതനപ്പാട്ട് എന്നീ മത്സരങ്ങള്‍ യുവജനങ്ങള്‍ ആവേശത്തോടെയാണ് സ്വീകരിച്ചത്.ചന്തംചാര്‍ത്ത്, മൈലാഞ്ചി ഇടീല്‍ മത്സരങ്ങളില്‍, ലിവര്‍പൂള്‍ യൂണിറ്റ് നാടന്‍ കോഴിയെ വരെ എത്തിച്ചായിരുന്നു മത്സരത്തിന് തന്മയത്വം പകര്‍ന്നത്. 

ഓരോ ഡാന്‍സ് ഗ്രൂപ്പിന്റെയും താളത്തിനൊപ്പം ഗാലറിയില്‍ ചുവടുകള്‍വച്ച യുവജനങ്ങള്‍, ഈ കലാമേളയെ ഉത്സവമാക്കി മാറ്റി നെഞ്ചോടു ചേര്‍ത്തുവയ്ക്കുന്ന കാഴ്ചയാണ് കണ്ടത്. 

യുകെകെസിവൈഎല്‍ സെന്‍ട്രല്‍ കമ്മിറ്റി അംഗങ്ങളായ ഷിബില്‍ വടക്കേക്കര, ജോണി മലേമുണ്ട, സ്റ്റീഫന്‍ ടോം, സ്‌റ്റെഫിന്‍ ഫിലിപ്പ്, ഡേവിഡ് ജേക്കബ് എന്നിവരുടെ നേതൃത്വത്തില്‍ നടന്ന കലാമേള പുതിയ തലമുറയിലെ യുവജനങ്ങളുടെ നേതൃത്വപാടവത്തിന്റെ ഉത്തമ ഉദാഹരണമായിരുന്നു. യുകെകെസിവൈഎല്‍ സ്പിരിച്വല്‍ ഡയറക്ടറും വികാരി ജനറാളുമായ ഫാ. സജി മലയില്‍ പുത്തന്‍പുരക്കലിന്റെയും നാഷണല്‍ ഡയറക്ടര്‍മാരായ സിന്റോ ജോണിന്റെയും ജോമോള്‍ സന്തോഷിന്റെയും മുന്‍ ഡയറക്ടറായിരുന്ന ഷെറി ബേബിയുടെയും മാര്‍ഗനിര്‍ദേശങ്ങളിലായിരുന്നു കലാമേള യുവജനങ്ങള്‍ അതീവഭംഗിയാക്കിയത്. യുകെകെസിഎയുടെ ഭാരവാഹികളായ ബിജു മടക്കേക്കുഴി, ജോസി നെടുംതുരുത്തി പുത്തന്‍പുരയില്‍, ബാബു തോട്ടം എന്നിവരുടെ അകമഴിഞ്ഞ പിന്തുണയും കലാമേള വന വിജയത്തിലെത്തിച്ചു.

ഓരോ യൂണിറ്റില്‍നിന്നും എത്തിയ യുവജനങ്ങള്‍ക്കും ഡയറക്ടര്‍ക്കും മാതാപിതാക്കള്‍ക്കും അവിസ്മരണീയമായ മുഹൂര്‍ത്തങ്ങള്‍ സമ്മാനിച്ചാണ് യുകെകെസിവൈഎല്‍ കലാമേളയ്ക്കു തിരശീല വീണത്. യൂണിറ്റുകള്‍ തമ്മില്‍ ആവേശത്തോടെ പൊരുതിയ കലാമേളയില്‍ ലിവര്‍പൂളും മാഞ്ചസ്റ്ററും കിരീടം സംയുക്തമായി നേടി. ഒപ്പത്തോടൊപ്പം പോരാടിയ ന്യൂകാസില്‍ യൂണിറ്റ് രണ്ടാമതെത്തിയപ്പോള്‍ ബിര്‍മിങ്ഹാം യൂണിറ്റ് മൂന്നാം സ്ഥാനത്തെത്തി. ബിര്‍മിങ്ഹാം യൂണിറ്റില്‍നിന്നുമുള്ള ഡിയോള്‍ ഡൊമിനിക് എല്ലാവരെയും പിന്നിലാക്കിി കലാതിലകപ്പട്ടം കരസ്ഥമാക്കി. അങ്ങനെ വര്‍ണവിസ്മയങ്ങള്‍ വാരിവിതറിയ ക്‌നാനായ മക്കളുടെ കലയുടെ മാമാങ്കത്തിന് രാത്രി ഒന്‍പതുമണിയോടെ തിരശീല വീണു

Read more

രാജകീയ പ്രൗഡിയാര്‍ന്ന ചെല്‍ട്ടന്‍ഹാം റേയ്സ് കോഴ്സ് സെന്‍ററില്‍ യുകെകെസിഎ കണ്‍വന്‍ഷന്‍ ജൂലൈ എട്ടിന്

ബര്‍മിങ്ഹാം: യൂറോപ്പിലെ ഏറ്റവും വലിയ കത്തോലിക്ക പ്രവാസി സംഘടനയായ യുകെ ക്നാനായ കാത്തലിക് അസോസിയേഷന്‍റെ 16 ാം മത് വാര്‍ഷികാഘോഷങ്ങള്‍ 2017 ജൂലൈ 8 ന് നടത്തപ്പെടും. രാജകീയ പ്രൗഢിയാര്‍ ബ്രിട്ടീഷ് രാജ കുടുംബങ്ങള്‍ സ്ഥിരമായി വരു ലോക പ്രശസ്ത ചെല്‍ട്ടന്‍ഹാം റേയസ് കോഴ്സ് സെന്‍ററിലാണ് യുകെകെസിഎയുടെ കണ്‍വന്‍ഷന്‍ നടത്തപ്പെടുത്.

ചെല്‍ട്ടന്‍ഹാം ജോക്കി ക്ലബില്‍ സമ്മാനം നേടുക എത് ഏതൊരു കുതിര പന്തായക്കാരുടെയും സ്വപ്ന വേദിയാണ്. ബ്രിട്ടീഷ് രാജ കുടുംബാഗങ്ങള്‍ അറേബ്യന്‍ രാജ കുടുംബാംഗങ്ങള്‍ ശതകോടീശ്വരന്മാര്‍ എിവര്‍ സ്ഥിരമായി ചെല്‍ട്ടന്‍ഹാമിലെ ജോക്കി ക്ലബില്‍ കുതിരപന്തയം കാണുവാന്‍ വരുവരാണ്. യുകെയിലെ എല്ല ലോകത്തിലെ എല്ലാ മലയാളികള്‍ക്കും അഭിമാനത്തിന്‍റെ നേട്ടമാണ് ജോക്കി ക്ലബില്‍ ക്നാനായ കാത്തലിക് അസോസിയേഷന് വാര്‍ഷികാഘോഷങ്ങള്‍ സംഘടിപ്പിക്കുവാന്‍ അവസരം ലഭിച്ചത്. യുകെകെസിഎ റാലിക്ക് അനുയോജ്യമായ വിശാലമായ മൈതാനം, പതിനായിരത്തിലധികം കാറുകള്‍ പാര്‍ക്ക് ചെയ്യുവാനുള്ള സൗകര്യം ബൃഹത്തായ ഹാള്‍ അതിബൃഹത്തായ സിനിമ സ്ക്രീന്‍, രുചികരമായ ഭക്ഷണ ശാല എിങ്ങനെ വിവിധങ്ങളായ സൗകര്യങ്ങള്‍ ഉള്ള ജോക്കി ക്ലബില്‍ യുകെകെസിഎയുടെ പതിനാറാമത് കണ്‍വന്‍ഷന് 2017 ജൂലൈ എട്ടിന് നടത്തപ്പെടുമ്പോള്‍ പുത്തന്‍ ചരിത്രം രചിക്കപ്പെടും. 360 ഏക്കറിനുള്ളിലാണ് റേയ്സ് കോഴ്സ് സ്ഥിതി ചെയ്യുന്നത്.

പ്രസിഡന്‍റ് ബിജു മടക്കക്കുഴി സെക്രട്ടറി ജോബി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്‍റ് ജോസ് മുഖച്ചിറ, ജോയിന്‍റ് സെക്രട്ടറി സഖറിയ പുത്തന്‍കളം, ജോയിന്‍റ് ട്രഷറര്‍ ഫിനില്‍ കളത്തികോട്ട് ഉപദേശക സമിതി അംഗങ്ങളായ ബെി മാവേലില്‍, റോയി സ്റ്റീഫന്‍ എിവരുടെ നേതൃത്വത്തില്‍ വിവിധ പ്രവര്‍ത്തനങ്ങള്‍ നടന്നു വരുന്നു

Read more

എന്നെ അഹങ്കാരി ആക്കാതിരിക്കാന്‍ നിങ്ങള്‍ എനിക്കുവേണ്ടി പ്രാര്‍ത്ഥിക്കണം; ബ്രദര്‍ രാജു

ഇടുക്കി ചാരിറ്റി ഗ്രൂപ്പ്ന്റെ നേതൃത്തത്തില്‍ പടമുഖം സ്‌നേഹമന്ദിരം ഡയറക്‌റ്റെര്‍ ബ്രദര്‍ രാജുവിനു നല്‍കിയ സ്വികരണത്തിനു മറുപടിപറയവേ അദ്ദേഹം പറഞ്ഞു ചെറുപ്പത്തില്‍ ബസില്‍ പോകാന്‍ പത്തു പൈസ കൈയില്‍ ഇല്ലാത്തത് കൊണ്ട് ദിവസവും മയിലുകള്‍ നടന്നാണ് ഞാന്‍ സ്‌കൂളില്‍ പോയത്, അങ്ങനെയുള്ള എനിക്ക് UK യില്‍ വരുവാനും നിങ്ങളുടെ പ്രശംസകള്‍ കേള്‍ക്കുവാനും കഴിഞ്ഞത് ഒരു വലിയ ദൈവാനുഗ്രഹമായി കാണുന്നു നിങ്ങള്‍ കാണിക്കുന്ന ഈ സ്‌നേഹം കണ്ടു എന്നില്‍ ഞാന്‍ എന്നഭാവം വളരാതിരിക്കാന്‍ നിങ്ങള്‍ എനിക്കുവേണ്ടി പ്രാര്‍ത്ഥിക്കണം എന്നു പറഞ്ഞപ്പോള്‍ അദ്ദേഹത്തിന്റെ വിനയം കണ്ടു സദസ് മുഴുവന്‍ ശിരസുകുനിച്ചു.
ലിവര്‍പൂള്‍ സൈന്റ്‌റ് പോള്‍ പള്ളിഹാളില്‍ നടന്ന സ്വികരണ സമ്മേളനത്തിന് തമ്പി ജോസ് അദൃകഷനായിരുന്നു ,സാബു ഫിലിപ്പ് ,തോമസ് ജോണ്‍ വരികാട്ട്, ആന്‍ മരിയ ടോം , ആന്റോ ജോസ് ,ലിമ പ്രസിഡണ്ട് ജോഫി ജോസ്, ടോം ജോസ് തടിയംപാട് ,ജിജിമോന്‍ മാത്യു ,ഷാജി മാത്യു കുഴിപറമ്പില്‍,എബ്രഹാം നമ്ബനത്തില്‍ ,എന്നിവര്‍ ബ്രദര്‍ രാജുവിനെ അനുമോദിച്ചു സംസാരിച്ചു .
ദൈവം പലര്‍ക്കും ബുദ്ധിയും സൗന്ദരൃവും ആരോഗൃവും എല്ലാം നല്‍കി അനുഗ്രഹിച്ചു എന്നാല്‍ ഹൃദയം നല്‍കി അനുഗ്രഹിച്ച ആളാണ് രാജു എന്നു തമ്പി ജോസ് പറഞ്ഞു .പ്രസംങ്ങിച്ച എല്ലാവരും അടുത്തപ്രവശൃം നാട്ടില്‍ പോകുമ്പോള്‍ സ്‌നേഹമന്ദിരം സന്ദര്‍ശിക്കും എന്നു പറഞ്ഞു.
ഇടുക്കി ചാരിറ്റി ഗ്രൂപ്പ് ശേഖരിച്ച 2077 പൗണ്ടിന്റെ ചെക്ക് തമ്പി ജോസ് യോഗത്തില്‍വച്ച് ബ്രദര്‍ രാജുവിന് കൈമാറി അതോടൊപ്പം യോഗഹാളില്‍ വച്ചിരുന്ന ബക്കറ്റില്‍ ഇന്ത്യന്‍ രൂപയും ചെക്കുമായി 43000 രൂപയോളം ലഭിച്ചു .ഇടുക്കി ചാരിറ്റി ഗ്രൂപ്പിനെ മറ്റു ചാരിറ്റികളില്‍നിന്നും വ്യതൃസ്ഥമാക്കുന്നത് അതിന്റെ സൂതാരൃതയും, സത്യസന്തതയുമാണെന്ന് പ്രസങ്ങിച്ചവര്‍ ചൂണ്ടികാണിച്ചു.
ഇടിക്കി ചാരിറ്റി ഗ്രൂപ്പിന്റെ നേത്രുത്തത്തില്‍ നടന്ന പതിനോന്നമാത് ചാരിറ്റി വിജയിപ്പിച്ചതിനു കണ്‍വിനേര്‍ സാബു ഫിലിപ്പ് എല്ലവര്‍ക്കും നന്ദി പറഞ്ഞു .കുട്ടികള്‍ ബ്രദര്‍ രാജുവിന്റെ ബഹുമനാര്‍ഥം മനോഹരമയ ഡാന്‍സ് അവധരിപ്പിച്ചിരുന്നു .
ലോകത്തിന്റെ ഒരു ഭാഗത്ത് ഒരു കുട്ടിക്കു ലഭിക്കുന്നതിനു വേണ്ടി ലക്ഷങ്ങള്‍ മുടക്കി ചികിത്സകളും നേര്‍ച്ച കാഴ്ചകളുമായി നടക്കുമ്പോള്‍ മറ്റൊരുവശത്ത് അനാഥരാനായ കുട്ടിത്വങ്ങള്‍ അതിജീവനത്തിനു വേണ്ടി തെരുവില്‍ അലയുന്നു , . അത്തരം കുട്ടികള്‍ക്കും റോഡില്‍ അലയുന്നവര്‍ക്കും എല്ലാം ഒരാശ്രയമാണ് ഇടുക്കിയിലെ സ്‌നേഹമന്ദിരവും അതിന്റെ ഡയറക്റ്റര്‍ ബ്രദര്‍ രാജുവും .



Read more

UKKCA ബാഡ്മിൻറ്റൺ ടൂർണ്ണമെൻറ്റ് ഡി.3 ശനിയാഴ്ച കൊവെൻട്രിയിൽ

കൊവെൻട്രി :UKKCA 2016 ബാഡ്മിൻറ്റൺ ടൂർണ്ണമെൻറ്റ് ഡിസംബർ 3 ശനിയാഴ്ച കൊവെൻട്രിയിൽ നടത്ത്ത്ടപ്പെടുന്നു. വിവിധ യുണിറ്റുകളില്‍ നുന്നും ഇരുപതോളം ടീമുകള്‍ പങ്കെടുക്കുമെന്ന് സംഘാടകര്‍ അറിയിച്ചു.

 Venue: MOAT HOUSE LEISURE CENTRE, WINSTON AVENUE, CV2 1DX

Read more

മാര്‍ മാത്യു മൂലക്കാട്ട് ഫ്രാന്‍സിസ് മാര്‍പ്പാപ്പയെ സന്ദര്‍ശിച്ചു.

വത്തിക്കാന്‍: മാര്‍ മാത്യു മൂലക്കാട്ട് ഫ്രാന്‍സിസ് മാര്‍പ്പാപ്പയെ സന്ദര്‍ശിച്ചു.
ഫോട്ടോ അടിക്കുറിപ്പ്: 
കോട്ടയം അതിരൂപതാദ്ധ്യക്ഷന്‍ മാര്‍ മാത്യു മൂലക്കാട്ട്  മെത്രാപ്പോലീത്ത വത്തിക്കാനില്‍ പരിശുദ്ധ ഫ്രാന്‍സിസ് മാര്‍പ്പാപ്പയെ സന്ദര്‍ശിച്ചപ്പോള്‍ 

വത്തിക്കാന്‍: കോട്ടയം അതിരൂപതാദ്ധ്യക്ഷന്‍ മാര്‍ മാത്യു മൂലക്കാട്ട്  മെത്രാപ്പോലീത്ത വത്തിക്കാനില്‍ പരിശുദ്ധ ഫ്രാന്‍സിസ് മാര്‍പ്പാപ്പയെ സന്ദര്‍ശിച്ചപ്പോള്‍ 

Read more

മാര്‍ ജോസഫ് സ്രാമ്പിക്കല്‍ അഭിഷിക്തനായി

പ്രസ്റ്റണ്‍: യൂറോപ്പില്‍ ചരിത്രമെഴുതി കൊണ്ട് ബ്രിട്ടനിലെ പുതിയ സീറോ മലബാര്‍ രൂപതയുടെ പ്രഥമ മെത്രാനായി മാര്‍ ജോസഫ് സ്രാമ്പിക്കല്‍ അഭിഷിക്തനായി. സീറോ മലബാര്‍ സഭയുടെ മേജര്‍ ആര്‍ച്ച് ബിഷപ്പ് കര്‍ദിനാള്‍ ജോര്‍ജ്ജ് ആലഞ്ചേരിയുടെ മുഖ്യകാര്‍മ്മികത്വത്തില്‍ നടന്ന ചടങ്ങുകള്‍ക്ക് ബ്രിട്ടനിലെ പ്രസ്റ്റണ്‍ നോര്‍ത്ത് എന്‍ഡ് സ്റ്റേഡിയത്തില്‍ പതിനായിരത്തോളം വരുന്ന മലയാളികളും ഇംഗ്ലീഷുകാരുമടങ്ങുന്ന വിശ്വാസി സമൂഹം സാക്ഷ്യം വഹിച്ചു. ലങ്കാസ്റ്റര്‍ ബിഷപ്പ് മൈക്കിള്‍ കാംബെല്‍, പാലാ രൂപതാ മെത്രാന്‍ മാര്‍ ജോസഫ് കല്ലറങ്ങാട്ട്, എന്നിവര്‍ മെത്രാഭിഷേക കര്‍മ്മത്തിന് സഹകാര്‍മ്മികത്വം വഹിച്ചു.

12.00 മണിക്കു ഗായക സംഘം ഗാന ശുശ്രൂഷ ആരംഭിച്ചതോടെയാണ് ശുശ്രൂഷകള്‍ക്ക് തുടക്കമായത്. 1.30ന് നോര്‍ത്ത് എന്‍ഡ് സ്റ്റേഡിയത്തില്‍ പ്രത്യേകം തയ്യാറാക്കിയിരിക്കുന്ന മെത്രാഭിഷേക വേദിയിലേക്ക് പ്രധാന കാര്‍മ്മികരും നിയുക്ത മെത്രാനും സഹകാര്‍മ്മികരായ മറ്റു മെത്രാന്മാരും വൈദീകരും എത്തിചേര്‍ന്നു. പ്രദക്ഷിണത്തില്‍ ഗ്രേറ്റ് ബ്രിട്ടന്‍ രൂപതയിലെ എല്ലാ വി. കുര്‍ബ്ബാന കേന്ദ്രങ്ങളില്‍ നിന്നും ഓരോ പ്രതിനിധികളും പങ്കെടുത്തിരിന്നു.

പ്രദക്ഷിണം മെത്രാഭിഷേക വേദിയിലെത്തിയപ്പോള്‍ മാര്‍ ജോസഫ് സ്രാമ്പിക്കലിനെ ഗ്രേറ്റ് ബ്രിട്ടന്‍ രൂപതയുടെ മെത്രാനായി നിയമിച്ചു കൊണ്ട് ഫ്രാന്‍സിസ് മാര്‍പ്പാപ്പ പുറപ്പെടുവിച്ച നിയമന പത്രം (ബൂളാ) വായിച്ചു. തുടര്‍ന്ന് നിയുക്ത മെത്രാന്‍ രക്തസാക്ഷികളുടെ തിരുശേഷിപ്പ് വന്ദനം നടത്തുകയുണ്ടായി. പ്രധാന കാര്‍മ്മികനായ കര്‍ദ്ദിനാളിന്റെ മുന്നില്‍ മുട്ടുകുത്തി നിന്ന് നിയുക്ത മെത്രാന്‍ വിശ്വാസ പ്രഖ്യാപനം നടത്തി. തുടര്‍ന്നു വലതുകരം സുവിശേഷത്തില്‍ വച്ച് നിയുക്ത മെത്രാന്‍ സത്യപ്രതിജ്ഞ ചെയ്തു. തുടര്‍ന്നു പ്രധാന കാര്‍മ്മികനായ മാര്‍ ജോര്‍ജ്ജ് ആലഞ്ചേരിയുടെ നേതൃത്വത്തില്‍ വി കുര്‍ബാനക്കു തുടക്കമായി.

വിശുദ്ധ കുര്‍ബാന മദ്ധ്യേ മെത്രാഭിഷേക ശുശ്രൂഷയുടെ ഏറ്റവും പ്രധാന കര്‍മ്മമായ കൈവയ്പ് പ്രാര്‍ത്ഥനാ നടന്നു. രണ്ടു കൈവെയ്പ്പ് പ്രാര്‍ത്ഥനാകളാണ് നടന്നത്. ഇതോടെ ജോസഫ് സ്രാമ്പിക്കല്‍ മെത്രാന്‍ പദവിയിലേക്കുയര്‍ത്തപ്പെട്ടു. മെത്രാന്റെ ഔദ്യോഗിക സ്ഥാന ചിഹ്നങ്ങളായ തൊപ്പി, അജപാലന ദണ്ഡ് എന്നിവ ധരിക്കാന്‍ അദ്ദേഹം യോഗ്യനായി. ഇതോടെയാണ് മെത്രാഭിഷേക ശുശ്രൂഷകള്‍ അവസാനിച്ചത്. തിരുകര്‍മ്മങ്ങളില്‍ പങ്കാളികളായ എല്ലാ മെത്രാന്മാരും പുതിയ മെത്രാനെ ആശ്ലേഷിച്ച് അനുമോദിച്ചു.

അതിവിശിഷ്ടവും ആത്മീയത നിറഞ്ഞു നിന്നിരിന്നതുമായ ഈ ചടങ്ങില്‍ പങ്കെടുക്കാന്‍ കേരളത്തില്‍ നിന്നും ബ്രിട്ടനില്‍ നിന്നും നിരവധി മെത്രാന്‍മാരും എത്തിചേര്‍ന്നിരിന്നു. കോട്ടയം ആര്‍ച്ച് ബിഷപ്പ് മാര്‍ മാത്യു മൂലക്കാട്ട് , ഉജ്ജയിന്‍ മെത്രാനായ മാര്‍ സെബാസ്റ്റ്യന്‍ വടക്കേല്‍, യൂറോപ്പ് അപ്പസ്‌തോലിക്ക് വിസിറ്റേറ്റര്‍ മാര്‍ സ്റ്റീഫന്‍ ചിറപ്പണത്ത്, പാലാ രൂപതാ മെത്രാന്‍ മാര്‍ ജോസഫ് കല്ലറങ്ങാട്ട്, ചങ്ങനാശേരി ആര്‍ച്ച് ബിഷപ്പ് മാര്‍ ജോസഫ് പെരുന്തോട്ടം, ചിക്കാഗോ മെത്രാന്‍ മാര്‍ ജേക്കബ് അങ്ങാടിയത്ത്, ഇരിഞ്ഞാലക്കുട മെത്രാന്‍ മാര്‍ പോളി കണ്ണക്കാടന്‍, ലിവര്‍പൂള്‍ ആര്‍ച്ച് ബിഷപ്പ് മാല്‍ക്കം മക്മഹോന്‍, ലങ്കാസ്റ്റര്‍ മെത്രാന്‍ ബിഷപ്പ് മൈക്കിള്‍ കാംബെല്‍, ലീഡ്‌സ് മെത്രാന്‍ ബിഷപ്പ് മാര്‍ക്കസ് സ്റ്റോക്ക്, ലിവര്‍പൂള്‍ സഹായമെത്രാന്‍ ബിഷപ്പ് തോമസ് വില്യംസ്, മദര്‍വെല്‍ മെത്രാന്‍ ബിഷപ്പ് ജോസഫ് ആന്റണി, ഉക്രേനിയന് സഭ ഹോളി ഫാമിലി ലണ്ടന്‍ രൂപത മെത്രാന്‍ ബിഷപ്പ് ഹ്ലിബ് ലോംഞ്ചെന, സാല്‍ഫോര്‍ഡ് മെത്രാന്‍ ജോണ്‍ സ്റ്റാന്‍ലി കെന്നത്ത് അര്‍ണോള്‍ഡ്, റെക്‌സം മെത്രാന്‍ പീറ്റര്‍ മാല്‍ക്കം, ബ്രിഗ്നാല്‍ ഡാര്‍ക്കല്‍സ് രൂപത ബിഷപ്പ് സ്റ്റീഫന്‍ റോബ്സണ്‍ എന്നിവര്‍ ചടങ്ങില്‍ പങ്കെടുത്തു.

സ്രാമ്പിക്കല്‍ പരേതനായ മാത്യുവിന്‍റെയും ഏലിക്കുട്ടിയുടെയും ആറു മക്കളില്‍ നാലാമനായി 1967 ആഗസ്റ്റ് 11-ന് ജനിച്ച ബെന്നി മാത്യു എന്നറിയപ്പെടുന്ന ജോസഫ് ശ്രാമ്പിക്കല്‍ പാലാ രൂപതയിലെ ഉരുളികുന്നം ഇടവകാംഗമാണ്. വലിയകൊട്ടാരം എല്‍. പി. സ്കൂള്‍, ഉരുളികുന്നം സെന്‍റ് ജോര്‍ജ് യു. പി. സ്കൂള്‍, വിളക്കുമാടം സെന്‍റ് ജോസഫ് ഹൈസ്കൂള്‍ എന്നിവടങ്ങളില്‍ സ്കൂള്‍ വിദ്യാഭ്യാസം നടത്തി. തുടര്‍ന്നു പാലാ സെന്‍റ് തോമസ് കോളേജില്‍ നിന്നു പ്രീ-ഡിഗ്രിയും, പൊളിറ്റിക്കല്‍ സയന്‍സില്‍ ഡിഗ്രിയും ബിരുദാനന്തര ബിരുദവും അദ്ദേഹം നേടി. പാലാ സെന്‍റ് തോമസ് ട്രെയിനിംഗ് കോളേജില്‍നിന്നു ബി.എഡും കര്‍ണാടകയിലെ മംഗലാപുരം യൂണിവേഴ്സിറ്റിയില്‍നിന്നു എം. എഡും ഇംഗ്ളണ്ടിലെ ഓക്സ്ഫോര്‍ഡ് യൂണിവേഴ്സിറ്റി യില്‍നിന്നു പൗരസ്ത്യദൈവശാസ്ത്രത്തില്‍ മാസ്റ്റേഴ്സ് ബിരുദവും മെത്രാന്‍ കരസ്ഥമാക്കിയിട്ടുണ്ട്.

പാലാ ഗുഡ് ഷെപ്പേര്‍ഡ് സെമിനാരിയില്‍ മൈനര്‍ സെമിനാരി പഠനവും വടവാതൂര്‍ സെന്‍റ് തോമസ് അപ്പസ്തോലിക് സെമിനാരിയില്‍ തത്വശാസ്ത്രപഠനവും പൂര്‍ത്തിയാക്കി കഴിഞ്ഞപ്പോള്‍ ദൈവശാസ്ത്രപഠനത്തിനായി റോമിലെ ഉര്‍ബന്‍ സെമിനാരിയിലേക്കു അയയ്ക്കപ്പെട്ടു. മലയാളത്തിനു പുറമേ ഇംഗ്ലീഷ്, ഇറ്റാലിയന്‍, ജര്‍മന്‍ ഭാഷകളില്‍ അദ്ദേഹത്തിന് പ്രാവീണ്യമുണ്ട്. ഉര്‍ബന്‍ യൂണിവേഴ്സിറ്റിയില്‍ ദൈവശാസ്ത്രത്തില്‍ ബിരുദവും ബൈബിള്‍ വിജ്ഞാനീയത്തില്‍ ലൈസന്‍ഷ്യേറ്റും നേടിയ മാര്‍ ജോസഫ് സ്രാമ്പിക്കല്‍ 2000 ആഗസ്റ്റ് 12-ന് മാര്‍ ജോസഫ് പള്ളിക്കാപറമ്പിലില്‍ നിന്നു പൗരോഹിത്യം സ്വീകരിച്ചു.

പാലാ രൂപത ഇവാഞ്ചലൈസേഷന്‍ പ്രോഗ്രാം കോ-ഓര്‍ഡിനേറ്റര്‍, കുടുംബകൂട്ടായ്മ, കരിസ്മാറ്റിക് മൂവ്മെന്‍റ്, ജീസസ് യൂത്ത്, രൂപതാബൈബിള്‍ കണവന്‍ഷന്‍, പ്രാര്‍ഥനാഭവനങ്ങള്‍ എന്നിവയുടെ സാരഥ്യം അദ്ദേഹം വഹിച്ചിട്ടുണ്ട്. 2005 മുതല്‍ 2013 വരെ പാലാ രൂപതാ മെഡിക്കല്‍ എഡ്യുക്കേഷന്‍ ട്രസ്റ്റിന്‍റെ സെക്രട്ടറിയായിരുന്നു. 2012 മുതല്‍ 2013 ആഗസ്റ്റ് 31-ന് റോമിലെ പൊന്തിഫിക്കല്‍ ഉര്‍ബന്‍ കോളേജില്‍ വൈസ് റെക്ടറായി ചാര്‍ജെടുക്കുന്നതുവരെ പാലാ ബിഷപ്പ് മാര്‍ ജോസഫ് കല്ലറങ്ങാട്ടിന്‍റെ സെക്രട്ടറിയായും അദ്ദേഹം സേവനമനുഷ്ഠിച്ചിട്ടുണ്ട്.

മംഗലാപുരത്തെ പഠനകാലത്ത് ബല്‍ത്തംഗടി രൂപതയിലെ കംഗനടി സെന്‍റ് അല്‍ഫോന്‍സാ ഇടവകയിലും ഓക്സ് ഫോര്‍ഡ് യൂണിവേഴ്സിറ്റിയിലെ പഠനകാലത്ത് ഇംഗ്ലണ്ടിലും കഴിഞ്ഞ മൂന്നു വര്‍ഷമായി റോമിലും സീറോ മലബാര്‍ വിശ്വാസികളുടെ അജപാലന ആവശ്യങ്ങളില്‍ സഹായിച്ചിരുന്നു. കരുണയുടെ വര്‍ഷത്തില്‍ പരിശുദ്ധപിതാവു ഫ്രാന്‍സിസ് മാര്‍പ്പാപ്പ പ്രത്യേകം നിയോഗിച്ച ആയിരത്തിലധികം കരുണയുടെ പ്രേഷിതരില്‍ ഒരാള്‍ കൂടിയാണ് മാര്‍ ജോസഫ് സ്രാമ്പിക്കല്‍.

Read more

മാര്‍ മൂലക്കാട്ടിന്‍റെ സാനിദ്ധ്യം കുറുമുള്ളൂര്‍ സംഗമത്തെ അവിസ്മരണിയമാക്കി

ബർമിംഗ്ഹാം: യുകെയിലെ ഏറ്റവും സജീവമായ കൂട്ടായ്മകളിലൊന്നായ കുറുമുള്ളൂർ സംഗമം മാര്‍ മൂലക്കാട്ടിന്‍റെ നാന്നിധ്യം കൊണ്ട് അവിസ്മരണീയമായി. യു കെ കെ സി എ ആസ്ഥാനത്ത് നടന്ന ഈ വർഷത്തെ കുറുമുള്ളൂർ സംഗമത്തിൽ പങ്കെടുക്കുവാൻ യു കെ യുടെ വിവിധ ഭാഗങ്ങളിൽ നിന്നും ഒഴുകിയെത്തിയ കുറുമുള്ളൂർ പ്രദേശങ്ങളിൽ നിന്നുള്ള പ്രാവാസികളെ സാക്ഷി നിർത്തി കോട്ടയം അതിരൂപതയുടെ അദ്യക്ഷൻ അഭി. മാർ മാത്യു മൂലക്കാട്ട് സംഗമം ഉദ്ഘാടനം ചെയ്തു. യു കെ യിലെ സെന്റ് മേരീസ് ക്നാനായ ചാപ്ലയിൻസിയുടെ ചാപ്ലയിൻ ഫാ. സജി മലയിൽ പുത്തെൻ പുരയിൽ യു കെ സി സി എ വൈസ് പ്രസിഡണ്ടും   കുറുമുള്ളൂർ സ്വദേശിയുമായ ജോസ് മാത്യു മുഖച്ചിറയിൽ എന്നിവർ സന്നിഹിതനായിരുന്നു. തുടർന്ന് കുട്ടികളെയും മുതിർന്നവരെയും പങ്കെടുപ്പിച്ചുകൊണ്ട്, കണ്ണിനും കാതിനും കുളിർമ്മയേകുന്ന നിരവധി കലാ - കായിക മത്സരങ്ങളും പരിപാടികളും സംഘടിപ്പിക്കപ്പെട്ടു. വിഭ സമൃദ്ധമായ സദ്യ സംഗമത്തിന് മാറ്റ് കൂട്ടി.

യു കെ യിലെ ആദ്യകാല കുടിയേറ്റ ചരിത്രത്തിൽ  ഏറ്റവും കൂടുതൽ ആളുകൾ   യു കെ യില്‍ എത്തിയത് കുറുമുള്ളൂർ - അതിരമ്പുഴ പ്രദേശത്ത് നിന്നായിരുന്നു എന്നതിനാൽ തന്നെ ആദ്യമേ മുതൽ തന്നെ ഏറ്റവും സജീവമായി പ്രവർത്തിക്കുന്ന കൂട്ടായ്‌മയാണ്‌ കുറുമുള്ളൂർ സംഗമം എന്ന് യു കെ സി സി എ വൈസ് പ്രസിഡണ്ടു കൂടിയായ ജോസ് മാത്യു അനുസ്മരിച്ചു. തുടങ്ങിയ കാലം മുതൽ  ഇന്നുവരെ മുടങ്ങാതെ കൂടുന്ന ചുരുക്കം ചില  കൂട്ടായ്മകാലിൽ ഒന്നാണ് കുറുമുള്ളൂര്‍ കൂട്ടായ്മഎന്ന് അദ്ദേഹം അനുസ്മരിച്ചു. ഈ കൂട്ടായ്‍മയെ ശക്തിപ്പെടുത്തുവാനും തളരാതെ മുന്നോട്ടു നയിക്കുവാനും ആർജ്ജവം കാണിച്ച എല്ലാ മുൻ കൺവീനർമാരെയും സ്നേഹത്തോടെ സ്മരിക്കുന്നതായി സംഗമത്തിന്റെ മുഖ്യ സംഘാടകരിൽ ഒരാളായ സാജൻ കട്ടക്കാംതടം അറിയിച്ചു. കേവലം ഒരു കൂട്ടായ്മ എന്നതിലുപരി, സ്വന്തം നാടിന്റെ വികസനങ്ങളിലും, നാട്ടുകാരുടെ ഉന്നമനത്തിനും വേദനയും ദാരിദ്ര്യവും അനുഭവിക്കുന്നവരുടെ ആശ്വാസത്തിനായി കൂട്ടായ്മ നടത്തുന്ന സജീവ ഇടപെടലുകളെ അഭിമാനത്തോടെ ഓർക്കുന്നതായി അദ്ദേഹം അറിയിച്ചു. ഒരിക്കൽ കൂടി സജീവമായ, ഗൃഹാതുരുത്വം തുളുമ്പുന്ന ഒരു ദിവസം സമ്മാനിച്ചുകൊണ്ട് കുറുമുള്ളൂർ സംഗമം സമാപിച്ചു. സാജൻ കടക്കാം തടം, ജോസ് മാത്യു മുഖച്ചിറ, ജിജി എബ്രഹാം, കുഞ്ഞുമോൻ എന്നിവർ സംഗമത്തിന് ചുക്കാൻ പിടിച്ചു.

Read more

യു.കെ.കെ.സി.എ യുടെ പ്രവര്‍ത്തനങ്ങള്‍ ശ്ളാഘനിയം-മാര്‍ മാത്യു മൂലക്കാട്ട്

മാഞ്ചസ്റ്റര്‍: സഭയോടു ചേര്‍ന്നു പ്രവര്‍ത്തിക്കുന്ന യു.കെ.കെ.സി.എയുടെ പ്രവര്‍ത്തനങ്ങള്‍ ശ്ളാഘനിയമാണന്ന് മാര്‍ മാത്യു മൂലക്കാട്ട് മെത്രാപ്പോലീത്ത.സംഘടനാ അംഗങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.ദൈവിക പദ്ധതിയനുസരിച്ചാണ് ക്നാനായ സമുദായം യു.കെയില്‍ എത്തിയതെന്നും സമുദായത്തിന്‍െറ പ്രവര്‍ത്തനങ്ങള്‍ക്ക് ആശംസനേരുന്നതായും ഷൂസ്ബറി രൂപതാ മെത്രാന്‍ ഡോ.മാര്‍ക്ക് ഡേവീസ് പറഞ്ഞു. പ്രസിഡന്‍റ് ബിജുമടുക്കകുഴി അധ്യക്ഷതവഹിച്ചു.

Read more

ഗ്രേറ്റ് ബ്രിട്ടന്‍ സീറോ മലബാര്‍ രൂപതയില്‍ ക്നാനായ ഇടവകകള്‍ ഉണ്ടാകണം: മാര്‍ സാമ്പ്രിക്കല്‍

മാഞ്ചസ്റ്റർ: ഗ്രേറ്റ് ബ്രിട്ടൻ സീറോ-മലബാർ രൂപതയിൽ കൂടൂതൽ ക്നാനായ ഇടവകകൾ ഉണ്ടാകണമെന്ന് നിയുക്ത മെത്രാൻ മാർ ജോസഫ് സാംപ്രീക്കൽ. പ്രഥമ ക്നാനായ ചാപ്ലയൻസി തിരുനാളിനോടനു ബന്ധിച്ചുള്ള വചന സന്ദേശ മധ്യേയാണ് മാർ ജോസഫ് സാമ്പ്രിക്കല്‍ അഭിപ്രായപ്പെട്ടത്.  സീറോ-മലബാർ സഭയിലെ ശക്തമായ സമുദായമായ ക്നാനായ സമുദായം സീറോ-മലബാർ സഭയുടെ വളർച്ചയ്ക്ക് നിസ്തുലമായ സംഭാവന നൽകിയതെന്നും തുടർന്നും സഭയുടെ വളർച്ചക്ക് നിസ്തുല സംഭാവന സാധ്യമാകട്ടെയെന്നും ആശംസിക്കുന്നു. ​

ദൈവഹിതം അനുസരിക്കാത്തവർക്ക് സഭയുടെ അംഗമായിരിക്കുവാൻ സാധിക്കില്ലെന്നും പരിശുദ്ധ വിശ്വാസം ഉയർന്ന് നിൽക്കുന്പോൾ വിഘടവാദികളും തിന്മയുടെ ശക്തികലും ചിതറിപോകുമെന്നും വിശ്വാസത്തിൽ കുറവ് സംഭവിക്കുന്പോഴാണ് കുടുംബത്തിൽ അസ്വസ്ഥതകളും പാളിച്ചകളും സംഭവിക്കുന്നതെന്നും കോട്ടയം അതിരൂപതയ്ക്ക് ലഭിച്ച ഭാഗ്യമാണ് ബനഡിക്റ്റൻ സന്യാസി ജീവിതം നയിക്കുന്ന മാർ മാത്യു മൂലക്കാട്ട് എന്നും മാർ ജോസഫ് സാമ്പ്രിക്കല്‍ പറഞ്ഞു. ​ഒക്ടോബർ ഒൻപതിന് നടത്തപ്പെടുന്ന രൂപതാസ്ഥാപത്തിനും മെത്രാഭിഷേകത്തിനും എല്ലാവരുടെയും സാന്നിധ്യ സഹകരണങ്ങളും പ്രാർത്ഥനാ സഹകരണവും മാർ ജോസഫ് സാമ്പ്രിക്കല്‍ അഭ്യർത്ഥിച്ചു.

Read more

മാഞ്ചസ്റ്റർ ക്നാനായ തിരുനാളിന് ഭക്തിനിര്‍ഭരമായ തുടക്കം

മാഞ്ചസ്റ്റർ:  ക്നാനായ ചംപ്ലായ്ന്സിയുടെ പ്രഥമ  തിരുനാളിന് ഭക്തിനിര്‍ഭരമായ തുടക്കം

Read more

യു കെ കുറൂമുള്ളൂർ സംഗമം ഒക്ടോബർ 8 ന് അഭിവന്ദ്യ മാർ.മാത്യു മൂലക്കാട്ട് വിശിഷ്ടാതിഥി.

ബർമിങ്ഹാം: 11-മത് യു കെയിലെ കുറുമുള്ളൂർ സംഗമം ഒക്ടോബർ 8 ന് ബർമിങ്ങ്ഹാമിലുള്ള യുകെകെസി യുടെ ആസ്ഥാന മന്ദിരത്തിൽ വച്ച് നടത്തപ്പെടും. യുകെയിലെ ആദ്യകാല സംഗമങ്ങളിലൊന്നായ കുറുമുള്ളൂർ കൂട്ടായ്മ പ്രൗഢഗംഭീരമായ ആഘോഷങ്ങളോടെയായിരിക്കും ഈ വർഷവും നടത്തപ്പെടുക .അഭിവദ്യ മാർ മാത്യു മൂലക്കാട്ട് സംഗമത്തിന് വിശിഷ്ടാതിഥിയായി പങ്കെടുക്കും.രാവിലെ 10.30ക്ക് പിതാവ് സoഗമം ഉദ്ഘാടനം ചെയ്യുന്നതോടെ പരിപാടികൾക്ക് തുടക്കമാകും.യു കെയിലുള്ള മുഴുവൻ കുറുമുള്ളൂർ ഇടവകക്കാരും സംഗമത്തിൽ പങ്കെടുക്കണമെന്നും പരിപാടി വിജയകരമാക്കമെന്നും സംഘാടകർ അറിയിച്ചിരിക്കുന്നു.

കുടുതൽ വിവരങ്ങൾക്ക് സാജൻ ജോസഫ് -07951810314,

കുഞ്ഞുമോൻ - 07737572903,

ജിജി എബ്രാഹം - 07584038423.

Address:woodcrosslane,Bilston, Wolverhampton WV149BW.

Read more

ഷിക്കാഗോ മാരത്തണില്‍ മാറ്റുരക്കാന്‍ കൈപ്പുഴ സ്വദേശി ഉൾപ്പെടെ രണ്ട് ലണ്ടൻ മലായാളികൾ.

ഷിക്കാഗോ: 2016 ഷിക്കാഗോ മാരത്തണില്‍ മാറ്റുരക്കാന്‍ കോട്ടയം സ്വദേശിഉൾപ്പെടെ രണ്ട് ലണ്ടൻ മലായാളികൾ. ഒക്ടോബർ 9 ന് ഷിക്കാഗോയിൽ വച്ചു നടക്കുന്ന പ്രശസ്തമായ ഷിക്കാഗോ മാരത്തണില്‍ പങ്കാളിയായികൊണ്ട് മലയാളികള്‍ക്ക് അഭിമാനമാകുവാൻ വേണ്ടി കോട്ടയം സ്വദേശി ഉൾപ്പെടെ രണ്ടു ലണ്ടൻ മലയാളികൾ രംഗത്ത്. യു കെ യിലെ കെന്റില്‍ സ്ഥിര താമസമാക്കിയിരിക്കുന്ന കോട്ടയം കൈപ്പുഴ സ്വദേശി സോജന്‍ ജോസഫും നിലമ്പൂര്‍ സ്വദേശി എബി മാത്യുവുമാണ് മലായാളി സാന്നിധ്യമായി ഷിക്കാഗോയിൽ എത്തുന്നത്.

ഇതിനു മുന്‍പ് കഴിഞ്ഞ സെപ്തംബറില്‍ ബര്‍ലിനില്‍ നടന്ന 42 മാത് മാരത്തണ്‍, ഏപ്രിലിൽ നടന്ന പാരീസ് മാരത്തൺ , ലണ്ടന്‍, എഡിന്‍ബറോ, ഡബ്ളിന്‍ എന്നിവയടക്കം നിരവധി മാരത്തണ്‍ ഓട്ടങ്ങളില്‍ ശ്രദ്ധേയമായ നേട്ടങ്ങളോടെ ആര്‍ജ്ജിച്ച അനുഭവ സമ്പത്തുമായാണ് കൈപ്പുഴ സ്വദേശി സോജൻ ജോസഫ് ഷിക്കാഗോ മാരത്തണില്‍ പങ്കെടുക്കുവാന്‍ ഒരുങ്ങുന്നത്. ലണ്ടന്‍ മലയാളിയായ സോജന്‍ ജോസഫ് 4 മണിക്കൂര്‍ 45 മിനിറ്റുകൊണ്ടാണ് ബര്‍ലിന്‍ മാരത്തണ്‍(42.195 കിമീ) ഫിനീഷ് ചെയ്തത്. കഴിഞ്ഞ 14 വര്‍ഷമായി കുടുംബസമേതം കെന്റില്‍ താമസിയ്ക്കുന്ന സോജന്‍, ഗ്ളോബല്‍ മലയാളി ഫെഡറേഷന്‍ യൂറോപ്പ് റീജിയന്‍ പ്രസിഡന്റുകൂടിയാണ്.

സോജന്റെ സഹ ഓട്ടക്കാരനായ എബി മാത്യു നിലമ്പൂർ സ്വദേശിയാണ്. കെന്റിൽ കഴിഞ്ഞ പതിമൂന്നു വർഷങ്ങളായി താമസിക്കുന്ന എബിയുടെ മൂന്നാമത് മാരത്തൺ ആണ് ഷിക്കാഗോയിലേത്. ഇതിനു മുൻപ് പാരീസ് മാരത്തനിലും എഡിൻബർഗ് മാരത്തണിലും എബി പങ്കെടുക്കുകയും ഓട്ടം പൂർത്തിയാക്കുകയും ചെയ്തിരുന്നു.

സ്പോര്‍ട്സ് മുഖേന ആരോഗ്യം കാത്തുസൂക്ഷിയ്ക്കാന്‍ വരുംതലമുറയ്ക്ക് പ്രചോദനമാവുക എന്ന ലക്ഷ്യത്തോടെയാണ് ഈ യുവ ഓട്ടക്കാർ മാരത്തണില്‍ പങ്കാളിയാവുന്നത്. ഒരു അത്‌ലറ്റിക്ക് പശ്ചാത്തലവും ഇല്ലാതെ 38 വയസ്സിന് ശേഷം ഇത്രയും പ്രയാസമേറിയ കായിക ഇനത്തിലേക്ക് ശ്രദ്ധ ഊന്നുക എന്നത് വളരെ വെല്ലുവിളി നിറഞ്ഞ കാര്യമായിരുന്നു എന്ന് സോജൻ ജോസഫ് അനുസ്മരിച്ചു. എന്നാൽ കുടുംബത്തിന്റെയും സുഹൃത്തുക്കളുടെയും അകമഴിഞ്ഞ പിന്തുണയും ചിട്ടയായ പരിശീലനവും ഭക്ഷണ രീതികളും കൊണ്ട് ഈ കായിക ഇനത്തിൽ ചുരുങ്ങിയ കാലം കൊണ്ട് തന്നെ സ്വന്തം കയ്യൊപ്പു ചാർത്തുവാൻ തനിക്കായതിൽ ദൈവത്തിന് നന്ദി പറയുന്നതായി അദ്ദേഹം അറിയിച്ചു. മധ്യവയസ്സിലേക്ക് എത്തുമ്പോൾ വ്യായാമത്തിന്റെ കുറവ് കൊണ്ടും ഭക്ഷണ രീതിയുടെ അപര്യാപ്തത കൊണ്ടും നിരവധി മലായാളി സുഹൃത്തുക്കൾ രോഗങ്ങൾക്ക് അടിമപ്പെടുന്നു എന്നുള്ള യാഥാർഥ്യം മനസ്സിലേക്ക് എത്തിയപ്പോൾ, വ്യായാമത്തിന്റെ ആവശ്യകതയെ സുഹൃത്തുക്കളിലേക്ക് എത്തിക്കുക എന്ന ലക്ഷ്യത്തോടെയാണ് ഈ ഉദ്യമത്തിലേക്ക് തിരിഞ്ഞത് എന്ന് അദ്ദേഹം അനുസ്മരിച്ചു. നിരവധി ചാരിറ്റികൾക്ക് വേണ്ടി കൂടി ഓട്ടത്തിൽ പങ്കെടുത്തിട്ടുണ്ട്. തുടക്കത്തിൽ ഈ ഉദ്യമത്തിൽ തനിയെ ആയിരുന്നു എങ്കിൽ, ഇപ്പോൾ നിരവധി സുഹൃത്തുക്കൾ പ്രോത്സാഹിപ്പിക്കുവാനും കൂടെ പങ്കെടുക്കുവാനും മുന്നോട്ടു വരുന്നുണ്ട് എന്നത് സന്തോഷം പകരുന്നു എന്ന് അദ്ദേഹം അറിയിച്ചു. ഷിക്കാഗോയിലെ റോഡുകളിലൂടെ 42 കി. മി ദൈർഖ്യമുള്ള ഷിക്കാഗോ മാരത്തൺ, ലോകത്തിലെ തന്നെ 6 പ്രധാന മാരത്തണുകളിൽ ഒന്നാണ്. യൂറോപ്പിന് വെളിയിലെ സോജന്റെയും എബിയുടെയും ആദ്യത്തെ മാരത്തൺ കൂടിയാണ് ഇത്. അമേരിക്കയിൽ ഏറ്റവും കൂടുതൽ മലയാളികളാൽ സമ്പന്നമായ ഷിക്കാഗോയിൽ വച്ച് നടത്തുന്ന മാരത്തണിൽ മലയാളികൾക്ക് അഭിമാനമായി ലണ്ടനിൽ നിന്നുമെത്തിയ രണ്ടു മലയാളികൾ പങ്കെടുക്കുന്നു എന്നത് അഭിമാനർഹം തന്നെ.

സോജന്‍ ജോസഫിനും എബി മാത്യുവിനും കേരളവോയിസ് ടീമിന്റെ ആശംസകള്‍.

Read more

മെത്രാഭിഷേകം: ഫാ, സജി മലയിൽപുത്തൻപുര സ്വീകരണ കമ്മറ്റി കൺവീനർ

പ്രെസ്റ്റൻ ,യു കെ യിലെ സീറോ മലബാർ വിശ്വാസികൾ പ്രാർഥനാപൂർവം കാത്തിരിക്കുന്ന പ്രെസ്റ്രൂപത സ്ഥാപനത്തിന്റെയും , അഭിവന്ദ്യ മാർ ജോസഫ് സ്രാമ്പിക്കൽ പിതാവിന്റെ മെത്രാഭിഷേക ശുശ്രൂഷയുടെയും ഒരുക്കങ്ങൾ ബ്രിട്ടനിലെമ്പാടും ആവേശ പൂർവം നടന്നു വരുമ്പോൾ , ഒരുക്കങ്ങളുമായ് വിവിധ കമ്മറ്റികളും പ്രവർത്തിച്ചു തുടങ്ങി , പ്രാർഥനയിൽ വിശ്വാസി സമൂഹം ഒരുങ്ങി ഒക്ടോബര് ഒന്പതിലേക്കായി തയ്യാറെടുക്കുമ്പോൾ , യു കെയുടെ വിവിധ ബാഗംങ്ങളിൽ നിന്നും പ്രെസ്റ്റണിലേക്കു ഒഴുകിയ എത്തുന്ന ആയിരക്കണക്കായ വിശ്വാസികൾക്ക് എല്ലാ വിധത്തിലും ഉള്ള സൗകര്യങ്ങൾ ഒരുക്കാനുള്ള ശ്രമത്തിലാണ് സീറോ മലബാർ ചാപ്ലിൻ മാരുടെയും ,സിസ്റ്റെഷസിന്റെയും , അല്മായ പ്രതിനിധികളുടെയും നേതൃത്വത്തിലുള്ള വിവിധ കമ്മറ്റികൾ , സീറോ മലബാർ സഭ കോഡിനേറ്റർ ഡോ, തോമസ് പാറയടി, ജോയിന്റ് കൺവീനർ ഡോ . മാത്യു ചൂരപൊയ്കയിൽ , വൈദിക കൂട്ടായ്മയുടെ സെക്രെട്ടറി ഫാ , ജിനോ അരീക്കാട് എന്നിവരുടെ മേൽനോട്ടത്തിൽ ആണ് വിവിധ കമ്മറ്റികൾ പ്രവർത്തിച്ചു വരുന്നത് ,ഇൻവിറ്റേഷൻ , മീഡിയ , ഫുഡ് , റിസപ്‌ഷൻ ,അക്കോമഡേഷൻ , ലിറ്റര്ജി , ക്വയർ , ഡെക്കറേഷൻ ,ഫിനാൻസ് , ഫോട്ടോ വീഡിയോ ,ഫസ്റ്റ് എയിഡ് , വോളന്റിയേഴ്‌സ് , സുവനീർ ഉൾപ്പടെ പതിനഞ്ചോളം വിവിധ കമ്മറ്റികൾ ആണ് പ്രവർത്തിക്കുന്നത് .

ഫാ . സജി മലയിൽ പുത്തെൻപുരയുടെ നേതൃത്വത്തിൽ ഫാ. ബിനോയ് നിലയുത്തുങ്കൽ ,സി , അനൂപ,ആണ് സിബി , ജേക്കബ് ,അനിൽ ആന്റണി , തോമസ് , ഷിജൻ എന്നിവരാണ് റിസപ്‌ഷൻ കമ്മറ്റിയിൽ പ്രവർത്തിക്കുന്നത് ,ഈ മാസം പതിനേഴാം തീയതി റോമിൽ നടക്കുന്ന യാത്രയയപ്പു സമ്മേളനത്തിന് ശേഷം പതിനെട്ടാം തീയതി മാഞ്ചെസ്റ്റർ വിമാനത്താവളത്തിൽ എത്തുന്ന അഭിവന്ദ്യ പിതാവിന് ഊഷ്മള സ്വീകരണം ഒരുക്കാനായുള്ള ശ്രമത്തിലാണ് റിസപ്‌ഷൻ കമ്മറ്റിയും , യു കെയിലുള്ള വിശ്വാസി സമൂഹവും.

ജീവിതത്തിൽ അപൂർവമായി ലഭിക്കുന്ന മെത്രാഭിഷേകം പോലുള്ള തിരുകർമ്മങ്ങളിൽ എത്തിച്ചേരുന്ന മുഴുവൻ വിശ്വാസികൾക്കും പങ്കെടുക്കന്നതിലേക്കായി വേണ്ടിയാണ് പ്രെസ്റ്റൻ ഫുട് ബോള് സ്റ്റേ ഡിയും പോലെ ഒരു വലിയ വേദി തിരഞ്ഞെടുത്തതെങ്കിലും , കരുണയുടെ വർഷത്തിൽ ആല്മീയത ഒട്ടും ചോർന്നു പോകാതെ ചടങ്ങുകൾ അനാർ ഫാട പരമായി തന്നെ നടത്താനാണ് എല്ലാ കമ്മറ്റികളും പരിശ്രമിക്കുന്നത് എന്നും മീഡിയ കോഡിനേറ്റർ ഫാ . ബിജു കുന്നക്കാട് അറിയിച്ചു ,

Read more

മതര്‍ തെരേസാ വിശുദ്ധയായി Live Video Available

മതര്‍ തെരേസാ വിശുദ്ധയായി. Live Telecast available here 

വത്തിക്കാൻ∙ കരുണയുടെ വർഷത്തിൽ ത്യാഗത്തിന്റെ മഹാപ്രതീകമായ മദർ തെരേസയെ വിശുദ്ധയായി പ്രഖ്യാപിച്ചു. സെന്റ് പീറ്റേഴ്സ് ബസിലിക്കയിൽ നടന്ന ചടങ്ങിൽ ഫ്രാൻസിസ് മാർപാപ്പയാണ് പ്രഖ്യാപനം നടത്തിയത്. കൊൽക്കത്തയിലെ വിശുദ്ധ തെരേസ എന്നായിരിക്കും മദർ തെരേസ അറിയപ്പെടുക. സാർവത്രിക സഭയ്ക്ക് ഇനി മദറിനെ വണങ്ങാം.

Read more

Copyrights@2016.