latest

75 കുട്ടികൾ ചിരാതുകൾ തെളിയിച്ചു "മാർത്തോമൻ " പാടി മലബാർ കുടിയേറ്റ അനുസ്മരണവും ഈസ്റ്റർ ആഘോഷവും നടത്തി ബിർമിങ്ങാം ക്നാനായക്കാർ

Saju Kannampally  ,  2018-04-24 07:52:13pmm തോമസ് സ്റ്റീഫൻ പാലകൻ.


മലബാർ പ്ലാറ്റിനം കുടിയേറ്റ അനുസ്മരണവും ഈസ്റ്റർ ആഘോഷവും ബിർമിങ്ങാം ക്നാനായ കാത്തോലിക് അസ്സോസിയേഷൻ്റെ നേതൃത്വത്തിൽ ഉജ്ജലമായി ആഘോഷിച്ചു. ഏപ്രിൽ 14 ന് UKKCA ആസ്ഥാനമന്ദിരത്തിൽ ഫാ. ജസ്റ്റിൻ കാരക്കാട്ടിന്റെ കാര്മികത്ത്തിൽ ദിവ്യബലിയോടെ തുടക്കം കുറിച്ച  ആഘോഷത്തിൽ പൊതുസമ്മേളനവും UKKCA നവനേതൃത്വത്തിനു സ്വീകരണവും ഒരുക്കിയിരുന്നു. ബഹു. ഫാ. ജസ്റ്റിൻ കാരക്കാട്ട് തിരിതെളിയിച്ച സമ്മേളനത്തിൽ BKCA പ്രസിഡന്റ് ജയ് തോമസ് കുരീക്കാട്ടിൽ ആധ്യക്ഷനായിരുന്നു. ഈസ്റ്റർ ആഘോഷങ്ങൾ വഴി പ്രത്യശയുടെ സന്ദേശം എല്ലാവരിലും നിറയുവാനും അതോടൊപ്പം മലബാർ കുടിയേറ്റം ഓരോ ക്നാനായക്കാരന്റെയും രക്തത്തിൽ അലിഞ്ഞു ചേർന്ന വികാരമായിരുന്നെന്നും യോഗത്തിൽ പ്രസംഗിച്ചവർ അനുസ്മരിച്ചു. UKKCA യുടെ വരുംകാല പ്രവർത്തനങ്ങൾ പ്രെസിഡന്റ്‌ ശ്രീ തോമസ് ജോസഫ് യോഗത്തിൽ വിശധികരിക്കുകയുണ്ടായി. ശ്രീമതി ടെസ്സി ബെന്നി, സാജു ലൂക്കോസ് , വിജി ജോസഫ്, ജെസ്സിന് ജോൺ, ബിജു മടക്കക്കുഴി തുടങ്ങിയവർ ആശംസകൾ അർപ്പിച്ചു. യൂണിറ്റ് സെക്രട്ടറി തോമസ് സ്റ്റീഫൻ പാലകൻ സ്വാഗതവും വൈസ് പ്രസിഡന്റ് ജോൺ മുളയാങ്കൽ നന്ദിയും അർപ്പിച്ചു. BKCA യുടെ ആറു  കൂടാരയോഗങ്ങളുടെ നേതൃത്വത്തിൽ നടത്തിയ കലാസന്ധ്യ വൈവിധ്യവും നയനാനന്ദകരമായ അനുഭവമായി.  കോട്ടയം ജോയി, പ്രിയ &ജോമോൻ, ലൈബി തുടങ്ങിയവരുടെ ഗാനമേള ആഘോഷങ്ങൾക്കു നിറചാർത്തേകി. വിഭവ സമൃദ്ധമായ ഈസ്റ്റർ ഡിന്നർ ഒരുക്കിയത് സ്‌പൈസ് നെറ്റ് കെറ്ററിംഗ്‌ ആയിരുന്നു. കലാ പരിപാടികൾക്ക് ബെന്നി ഓണശ്ശേരിൽ, ലാനി ജെൻസ് ,ഷാജി തോമസ് , മിനി ജിജി തുടങ്ങിയ കമ്മറ്റി  അംഗങ്ങൾ  നേതൃത്തം നൽകി.



Latest

Copyrights@2016.