latest

കാനഡ ക്നാനായ കാത്തലിക് യൂത്ത് ലീഗ് ന് തുടക്കം കുറിച്ചു.

Editor  ,  2017-12-12 09:22:52pmm ബെനീഷ് മലേപ്പറമ്പിൽ

ടൊറന്റോ: സെൻറ്‌. മേരീസ് ക്നാനായ കാത്തലിക് മിഷന്റെ ആഭിമുഘ്യത്തിൽ കാനഡയിലെ യുവജനങ്ങളെ ഒത്തു ചേർത്ത് കൊണ്ട് സി.കെ.സി.വൈ.എൽ.(കാനഡ ക്നാനായ കാത്തലിക് യൂത്ത് ലീഗ് ) ന് തുടക്കം കുറിച്ചു. 2016 ഡിസംബർ രണ്ടാം തിയ്യതി ആരംഭിച്ച സി.കെ.സി.വൈ.എൽ എന്ന വാട്സ്ആപ് ഗ്രൂപ്പ് ആണ് പ്രസ്തുത തീരുമാനത്തിന് വഴി തെളിച്ചത് . അംഗങ്ങളുടെ നിരന്തരമായ ആവശ്യത്തെ തുടർന്ന് മിഷൻ ഡയറക്ടർ റെവ. ഫാ . പത്രോസ് ചമ്പക്കര വിളിച്ചു ചേർത്ത യോഗത്തിൽ സി.കെ.സി.വൈ.എൽ ന് ഔദ്യോഗികമായി തുടക്കം കുറിച്ചു. തുടർന്ന് നടന്ന യോഗത്തിൽ ഭാരവാഹികളായി ശ്രീ. നിബു സി ബെന്നി ചിറ്റേത്ത് പ്രസിഡന്റ് , ശ്രീ. ജോമിൻ ജോൺ കോയിക്കൽ വൈസ് പ്രസിഡൻറ്, ശ്രീ. റിച്ചാർഡ് മാമ്പിള്ളിൽ സെക്രട്ടറി, ശ്രീമതി ആൻ മെറിൻ മാത്യു തൊട്ടിയിൽ ജോയിന്റ് സെക്രട്ടറി, ശ്രീ. മാത്യൂസ് പി ജോയ് പായിക്കാട്ടുപുത്തന്പുരയിൽ ട്രഷറർ, ശ്രീ. കെവിൻ വി കുര്യൻ വല്ലാട്ടിൽ പ്രോഗ്രാം കോർഡിനേറ്റർ എന്നിവർ തിരഞ്ഞെടുക്കപ്പെട്ടു. യുവജന ആനിമേറ്റേഴ്‌സ് ആയി ഷെല്ലി ജോയ് പുത്തൻപുരയിൽ , ജിസ്‌മി ഫിലിപ്സ്‌ കൂട്ടത്താമ്പറമ്പിൽ. എന്നിവർ നിയമിതരായി

സീറോ മലബാർ സഭയിലെ ആദ്യ യുവജന സംഘടനയായി കോട്ടയം അതിരൂപതയിൽ തുടക്കം കുറിച്ച കെ.സി.വൈ.എൽ-നോട് ചുവടു പിടിച്ച് സഭയോടും സഭാ അധികാരികളോടും വിധേയത്വം പുലർത്തി സി.കെ.സി.വൈ.എൽ അംഗങ്ങൾ തനിമയിലും ഒരുമയിലും വിശ്വാസ നിറവിലും വ്യതിരിക്തമായി പ്രവർത്തിക്കണമെന്ന് മിഷൻ ഡയറക്ടർ തന്റെ ഉത്‌ഘാടന പ്രസംഗത്തിൽ അംഗങ്ങളെ ഉദ്‌ബോധിപ്പിച്ചു. വ്യത്യസ്തമായ പ്രവർത്തനങ്ങളിലൂടെ സംഘടനയെ ശാക്തീകരിക്കുവാൻ ഏവരും ശ്രമിക്കണമെന്നും, ക്നാനായ യുവജന കൂട്ടായ്മയിൽ സജീവ പങ്കാളിത്തം ഉണ്ടാവണമെന്നും പ്രസിഡന്റ് ശ്രീ. നിബു സി ബെന്നി അംഗങ്ങളെ ഓർമപ്പെടുത്തി. മാർത്തോമൻ നന്മയാലോന്നു തുടങ്ങുന്നു എന്ന പ്രാർത്ഥനാ ഗാനത്തോടെ ആരംഭിച്ച യോഗത്തിൽ സെക്രട്ടറി ശ്രീ. റിച്ചാർഡ് മാമ്പിള്ളിൽ ഏവർക്കും നന്ദി പ്രകാശിപ്പിച്ചു.



Latest

Copyrights@2016.