latest

കാനഡായിലെ ലണ്ടനിൽ സേക്രഡ് ഹാർട്ട് ക്നാനായ മിഷൻ ഉദ്ഘാടനം ചെയ്തു.

Saju Kannampally  ,  2018-10-18 04:01:06pmm


ഒന്റാരിയോ: കാനഡായിലെ ലണ്ടനിൽ താമസിക്കുന്ന
ക്നാനായ കത്തോലിക്കാ വിശ്വാസികളുടെ ചിരകാല സ്വപ്നമായ ഈശോയുടെ തിരുഹൃദയ നാമധേയത്തിലുള്ള പുതിയ ക്നാനായ മിഷന്റെ ഉദ്ഘാടനം നടത്തപ്പെട്ടു.
ഒക്ടോബർ 14ന് ഞായറാഴ്ച വൈകീട്ട് 5 മണിക്ക് കനേഡിയൻ സീറോമലബാർ സഭ എക്സാർക്കേറ്റ് അഭിവന്ദ്യ മാർ ജോസ് കല്ലുവേലി പിതാവാണ് മിഷന്റെ ഉദ്ഘാടനം നിർവഹിച്ചത്. ലണ്ടൻ മദർ തെരേസ കാത്തലിക് സെക്കൻഡറി സ്കൂൾ ചാപ്പലിൽ വച്ച് നടത്തിയ സമൂഹബലിയിൽ അഭിവന്ദ്യ പിതാവ് മുഖ്യകാർമികത്വം വഹിച്ചു. ഇന്ന് സഭ നേരിടുന്ന വെല്ലുവിളികളെ ചെറുത്തുനിൽക്കാൻ നാം പ്രാപ്തരാകണമെന്നും പരിശുദ്ധാത്മാവിന്റെ നിറവും, വിശുദ്ധ ഗ്രന്ഥത്തിന്മേലുള്ള വിശ്വാസവും, ആത്മാർത്ഥമായ പ്രാർത്ഥനയും ആകുന്ന ആത്മീയ ആയുധങ്ങൾ ഉപയോഗിച്ച് നാം ഇവയെ നേരിടണമെന്ന് പിതാവ് തൻറെ പ്രസംഗത്തിൽ ജനങ്ങളോട് ആഹ്വാനം ചെയ്തു. ചിക്കാഗോ ക്നാനായ റീജിയൻ വികാരി ജനറാൽ മോൺസിഞ്ഞോർ തോമസ് മുളവനാൽ പുതിയ മിഷന്റെ ഔദ്യോഗിക പ്രഖ്യാപനവും പ്രഥമ മിഷൻ ഡയറക്ടറായി ടൊറാൻഡോ സെ. മേരീസ് ക്നാനായ ഇടവകയുടെ സ്പിരിച്വൽ ഡയറക്ടറായ ഫാ. പത്രോസ് ചമ്പക്കരയുടെ നിയമന ഉത്തരവും വിശുദ്ധ കുർബാനമധ്യേ വായിച്ചു. ഫാ. പത്രോസ് ചമ്പക്കര, ഫാ.ജോർജ് പാറയിൽ, ഫാ. ജെമി പുതുശ്ശേരി, ഫാ. റ്റോബി പുളിക്കശ്ശേരി, ഫാ.മാത്യു ഇളമ്പളക്കാട്ട് തുടങ്ങിയവർ വിശുദ്ധ ബലിയിൽ സഹകാർമികരായിരുന്നു.
തദവസരത്തിൽ നടന്ന കളമ്പകുഴിയിൽ ബൈജു & സിമി ദമ്പതികളുടെ മകൾ റ്റെസി മരിയായുടെ മാമോദിസ ചടങ്ങും പിതാവ് ആശീർവദിച്ചു. തുടർന്ന് നടന്ന പൊതുസമ്മേളനത്തിൽ റെവ.ഫാ.പത്രോസ് ചമ്പക്കര ഏവരെയും സ്വാഗതം ചെയ്യത് സദസ്സിലേക്ക് ആനയിച്ചു. മോൺ. തോമസ് മുളവനാൽ യോഗത്തിൽ അധ്യക്ഷത വഹിച്ചു. ക്നാനായക്കാരുടെ തനിമയും പാരമ്പര്യവും ഏറെ ശ്ലാഘനീയമാണെന്ന് മുഖ്യാതിഥിയായി എത്തിയ അഭിവന്ദ്യ ജോസ് കല്ലുവേലി പിതാവ് ചടങ്ങ് ഉദ്ഘാടനം ചെയ്തു സംസാരിച്ചു. ടൊറാൻഡോ സെ. മേരീസ് ക്നാനായ ഇടവകയുടെ മുൻ ഡയറക്ടർ റെവ.ഫാ. ജോർജ് പാറയിൽ, സീറോ
മലബാർ ചർച്ച് ലണ്ടൻ ഇടവക വികാരി റെവ. ഫാ. റ്റോബി പുളിക്കശ്ശേരി, ഡിട്രോയിറ്റ് സെൻറ് മേരീസ് ക്നാനായ ഇടവക വികാരി റെവ.ഫാ. ജെമി പുതുശ്ശേരി, റെവ.ഫാ. മാത്യു ഇളമ്പളക്കാട്ട് (ലണ്ടൻ), ടൊറാൻഡോ സെ. മേരീസ് ക്നാനായ ഇടവക ട്രസ്റ്റി ശ്രീ.സാബു തറപ്പേൽ എന്നിവർ ആശംസകൾ അർപ്പിച്ചു. ടോറോണ്ടോ ക്നാനായ കമ്മ്യൂണിറ്റിയിലുള്ള വിവിധ
കൂടാരയോഗങ്ങളുടെ ആഭിമുഖ്യത്തിൽ നടത്തിയ കലാകായിക മത്സരങ്ങളിൽ രണ്ടാംസ്ഥാനം കരസ്ഥമാക്കിയ ലണ്ടൻ കൂടാരയോഗത്തിന് വേണ്ടി പ്രസിഡന്റെ ശ്രീ.പ്രീത് പൂത്തറ്റേലും സെക്രട്ടറി ശ്രീ.സാബു തോട്ടുങ്കലും ചേർന്ന് ട്രോഫി ഏറ്റുവാങ്ങി. യോഗാവസാനം ശ്രീ.സാബു തോട്ടുങ്കൽ ഏവർക്കും നന്ദി പറഞ്ഞു. ശ്രീ.ബിനീഷ് മേലേപ്പറമ്പിൽ ചടങ്ങുകളുടെ മാസ്റ്റർ ഓഫ്
സെറിമണിയായിരുന്നു. ചടങ്ങുകളുടെ സമാപനത്തിൽ സ്നേഹവിരുന്നും ഒരുക്കിയിരുന്നു. 
റിപ്പോർട്ട്: സ്റ്റീഫൻ ചൊള്ളമ്പേൽ
(ചിക്കാഗോ.)



Latest

Copyrights@2016.