latest

ഡിട്രോയിറ്റ് കെസിഎസ് ഇരുപത്തിയഞ്ചാം വാർഷികവും. ക്നാനായ നൈറ്റും വൻവിജയം.

Saju Kannampally  ,  2018-09-10 10:32:40amm

കെസിഎസ് ഡിട്രോയിറ്റ് വിൻഡ്സർ ഇൻറെ ക്നാനായ നൈറ്റും , ഇരുപത്തിയഞ്ചാം വാർഷികവും സെപ്റ്റംബർ 8 ശനിയാഴ്ച വൈകിട്ട് ആറുമണിക്ക് സെൻറ് തോമസ് ഓർത്തഡോക്സ് ചർച്ച് ഓഡിറ്റോറിയത്തിൽ നടത്തപ്പെട്ടു. കെസിഎസ് പ്രസിഡൻറ് രാജു കക്കാട്ടിൽഎൻറെ അധ്യക്ഷതയിൽ മാർത്തോമൻ നന്മയാൽ എന്ന പ്രാർത്ഥനാ ഗാനത്തോടുകൂടി തുടങ്ങിയ യോഗം സ്പിരിച്ചൽ ഡയറക്ടർ ജെമി പുതുശ്ശേരി ഉദ്ഘാടനംചെയ്തു. തങ്ങളുടെ കുട്ടികളെ ക്നാനായ ബോധത്തിൽ വളർത്തേണ്ടത് ഓരോ കുടുംബത്തിലെയും കടമയാണെന്ന് അദ്ദേഹം എല്ലാ അംഗങ്ങളെയും ഓർമിപ്പിച്ചു. സമുദായ സ്നേഹത്തിലും ബോധത്തിലും അടിയുറച്ച ദൈവവിശ്വാസത്തിലും വളരുന്ന ഒരാൾക്ക് മാത്രമേ ക്നാനായ സമുദായത്തെ സ്നേഹിക്കുവാനും സംരക്ഷിക്കുവാനും സാധിക്കുകയുള്ളൂ എന്നും അച്ഛൻ പ്രസംഗത്തിൽ പ്രസ്താവിച്ചു. കെസിഎസ് ഡിട്രോയിറ്റ് വിൻഡ്സർ ഇൻറെ ഇരുപത്തിയഞ്ചാം വാർഷികത്തിന് ആഘോഷത്തിന് ഭാഗമായി എല്ലാ പഴയ പ്രസിഡൻറുംമാരെയും തുടർന്ന് കെസിഎസ് പ്രസിഡൻറ് എല്ലാ കോളേജ് /ഹൈസ്കൂൾ ഗ്രാജുവേറ്റ് യൂത്തിനെയും അനുമോദിച്ചു. കെസിസിഎൻഎ2018 കൺവെൻഷനിൽ കലാതിലകമായി അവാർഡ് നേടിയ മേഗൻ മംഗലത്തെറ്റിന് പ്രത്യേക അംഗീകാരം നൽകി അനുമോദിച്ചു. കിഡ്സ് ക്ലബ് കുട്ടികൾ നടത്തിയ മനോഹരമായ ഡാൻസുകളും. കെ സി വൈ എൽ അംഗങ്ങൾ നടത്തിയ ഫാഷൻ ഷോയും ഏവരുടെയും പ്രശംസ പിടിച്ചു പറ്റി. കെസിസിഎൻഎ കൺവെൻഷന് സമ്മാനാർഹമായ പൈതൃകം എന്ന സ്കിറ്റും,”കുട്ടൻറെ മരണം ഒരു ഫ്ലാഷ് ബാക്ക് “ എന്ന ഹാസ്യ നാടകവും,നിരവധി ക്നാനായ കലാകാരന്മാരുടെയും കലാകാരികളെയും വിവിധ കലാപരിപാടികൾ യോഗത്തെ മോടിപിടിപ്പിച്ചു. ക്നാനായ നൈറ്റും, 25 വർഷത്തെ വാർഷിക ആഘോഷങ്ങൾ വളരെ ലളിതമായി നടത്തിക്കൊണ്ട് വെളിയനാട് പ്രദേശത്തെ ദുരിതാശ്വാസ പ്രവർത്തനങ്ങൾക്കുവേണ്ടി കോട്ടയം രൂപതയുടെ വെള്ളപ്പൊക്ക ദുരിതനിവാരണ ഫണ്ടിൽ നല്ലൊരു തുക കെസിഎസ് ഡിട്രോയിറ്റ് വിൻഡ്സർ സംഭാവനയും നല്കി. ഏകദേശം പത്തു മണിയോടുകൂടി സ്നേഹവിരുന്നിനുശേഷം യോഗം വിജയകരമായി അവസാനിച്ചു. കെസിഎസ് ഡിട്രോയിറ്റ് വിൻഡ്സർ എക്സിക്യൂട്ടീവ് മെമ്പേർസ് ക്നാനായ നൈറ്റിനും ഇരുപത്തിയഞ്ചാം വാർഷികത്തിനും നേതൃത്വം നൽകി.



Latest

Copyrights@2016.