latest

ഇറ്റലിയിൽ വാഹനാപകടത്തിൽ സിസിലിയ ക്നാനായ അസോസിയേഷൻ പ്രസിഡന്റ് ബിജു പഴുമാലിൽ നിര്യാതനായി

Saju Kannampally  ,  2018-07-15 04:09:32pmm

സിസിലിയ ക്നാനായ ജനതയെ തീരാദുഃഖത്തിലാക്കി ഏവരുടെയും പ്രിയപ്പെട്ട ബിജുച്ചേട്ടൻ യാത്രയായി.

ഇറ്റലിയിലെ ക്നാനായ കാത്തലിക് അസോസിയേഷൻ സിസിലിയ യൂണിറ്റ് പ്രസിഡന്റ് ബിജു തോമസ് പഴുമാലിൽ,  ഒരു ആക്സിഡന്റിനെ തുടർന്ന് പലെർമോയിലുള്ള ആശുപത്രിയിൽ ചികിത്സയിൽ ആയിരുന്നു.
അദ്ദേഹം ഇന്നലെ രാത്രി (15 / 07/18 ) കാർഡിയാക് അറസ്റ്റിനെ തുടർന്ന് രാത്രി 10:00 PM ന് മരണമടഞ്ഞു. പരേതൻ നീറിക്കാട്‌ ഇടവക അംഗമാണ്. 

മരണസമയത്ത് അദ്ദേഹത്തിന്റെ  മൂത്ത മകനും സഹോദരനും അടുത്തുണ്ടായിരുന്നു. ഭാര്യയും മറ്റ് മൂന്ന് മക്കളും നാട്ടിലാണുള്ളത്.
45 ദിവസത്തെ അവധിക്കു ശേഷം ഇറ്റലിയിൽ തിരിച്ചെത്തിയ അല്പദിവസങ്ങൾക്കുള്ളിലാണ്‌ ആക്സിഡന്റ് സംഭവിച്ചത്. ജോലി കഴിഞ്ഞ് സ്കൂട്ടറിൽ വീട്ടിലേക്ക് മടങ്ങുന്നവഴി പിറകിൽ നിന്നും കാറ് വന്നിടിക്കുകയായിരുന്നു.
ഭാര്യ മേരിക്കുട്ടി (എഴുത്തുപുരയ്ക്കൽ) കൂടല്ലൂർ ഇടവകാംഗമാണ്.
മക്കൾ തോമസ്, നവ്യ, മെറിൻ, ജോസഫ് എന്നിവരാണ്.



Latest

Copyrights@2016.