india

ദുരിതാശ്വാസ പ്രവര്‍ത്തനത്തിന്‌ ഓസ്ട്രിയന്‍ ക്നാനായ കാത്തലിക്ക് സൊസൈറ്റി ചെക്ക് കൈമാറി.

Tiju Kannampally  ,  2018-08-18 02:52:21amm

കോട്ടയം: പ്രളയ കെടുതിയില്‍ ദുരിതമനുഭിക്കുന്ന സഹോദരങ്ങളുടെ കണ്ണീരൊപ്പാന്‍ കോട്ടയം അതിരൂപതയുടെ പ്രവര്‍ത്തനങ്ങള്‍ക്കായി ലോകത്തിന്‍െറ വിവിധ ഭാഗങ്ങളില്‍ നിന്ന് സഹായങ്ങള്‍ അതിരൂപതാധ്യക്ഷനായ മാര്‍ മാത്യു മൂലകാട്ട് മെത്രാപ്പോലീത്തയ്ക്ക് ലഭിച്ചു കൊണ്ടിരിക്കുന്നു. പിതാവിന്‍െറ അഭ്യര്‍ഥനയെ ക്നാനായ ജനത സ്വന്തം വേദനയായി സ്വീകരിച്ചു കൊണ്ട് വിവിധ പ്രവര്‍ത്തനങ്ങളാണ് നടത്തികൊണ്ടിരിക്കുന്നത്. കോട്ടയം സോഷ്യല്‍ സര്‍വീസ് സൊസൈറ്റി, കാരിത്താസ് ആശുപത്രി, കെ.സി.വൈ.എല്‍ യുണിറ്റുകള്‍ , കെ.സി.സി എന്നിവ ഇപ്പോള്‍ ദുരിതാശ്വാസ രംഗത്ത് സജീവമായി നിലനില്‍കക്കുന്നു. അതിരൂപതയിലെ വിവിധ സ്ഥാപനങ്ങള്‍ നൂറു കണക്കിന് ചോറും പൊതികളാണ് ക്യാമ്പുകളില്‍ എത്തിക്കുന്നത്. അതുപോലെ തുണികളും മറ്റു അവശ്യവസ്തുക്കളും എത്തിച്ചു കൊണ്ടിരിക്കുന്നു. സാമ്പത്തിക സഹായത്തിന്‍െറ ആദ്യ ഗഡുവായി ഓസ്ട്രിയന്‍ ക്നാനായ കാത്തലിക്ക് സൊസൈറ്റി രണ്ടു ലക്ഷം രൂപയുടെ ചെക്ക് മാര്‍ മാത്യു മൂലകാട്ടിന് കൈമാറി. അസോസിയേഷന്‍ പ്രതിനിധി ആന്‍റണി മാധവപ്പള്ളിലാണ് ശനിയാഴ്ച രാവിലെ കോട്ടയം അരമനയില്‍ എത്തി ചെക്ക് കൈമാറിയത്. ചടങ്ങില്‍ ഷെവലിയര്‍ ജോയി ജോസഫ് കൊടിയന്ത്രറ, ചാന്‍സിലര്‍ റവ.ഡോ. തോമസ ്കോട്ടുര്‍, പ്രൊക്യൂറേറ്റര്‍ ഫാ.അലക്സ് ആക്കപ്പറമ്പില്‍ എന്നിവര്‍ സംബന്ധിച്ചു. അസോസിയേഷന്‍െറ സഹായം ഇനിയും ഉണ്ടാകുമെന്ന് പ്രസിഡന്‍റ് അബി കൊച്ചുപറമ്പില്‍ അറിയിച്ചു



Latest

Copyrights@2016.