europe

പേരെൻറ്റിങ് വർക്ക്ഷോപ് മെയ് 21 നു ക്നാനായ കാത്തലിക് വിമൻസ് ഫോറം(UKKCWF) സംഘടിപ്പിക്കുന്നു

Editor  ,  2017-05-18 11:25:53amm ക്ലിന്റിസ് ജോർജ്ജ്

യു.കെ: യു.കെ യിലെ വ്യത്യസ്തങ്ങളായ സംസ്ക്കാരത്തിൽ ജീവിക്കുന്ന നമ്മുടെ ടീനേജേഴ്സ് ജീവിതചക്രവും അവർ നേരിടുന്ന പ്രധാന പ്രശ്‍നങ്ങളും എന്തൊക്കെയാണ്. ഇത് KCYL കുട്ടികൾ അവരുടെ അമ്മമാർക്ക് എഴുതുന്ന ഒരു എഴുത്തിലൂടെ അവതരിപ്പിക്കുകയാണ് "പേരെൻറ്റിങ് വർക്ക്ഷോപ്" എന്ന് പേരിട്ടിരിക്കുന്ന വ്യത്യസ്തമായ ഒരു ആശയത്തിലൂടെ. UKKCA ആസ്ഥാനമന്ദിരത്തിൽ വച്ച് മെയ് മാസം 21 നു 11 മുതൽ 4 മണി വരെയാണ് ഈ പരിപാടി നടക്കുക. സമകാലീനമായി നമ്മുടെ കുട്ടികൾ ഇന്ന് നേരിടുന്ന പ്രധാന വെല്ലുവിളികൾ എന്തൊക്കെയാണെന്നും, നമ്മുടെ കുടുംബത്തിലും സമൂഹത്തിലും ഇവയൊക്കെ അഭിമുഖീകരിക്കാൻ എങ്ങിനെ അവരെ പ്രാപ്തരാക്കിത്തീർക്കാൻ നമുക്കോരോരുത്തർക്കും കഴിയുമെന്നു മനസിലാക്കുകവഴി നമ്മുടെ വളർന്നു വരുന്ന യുവ തലമുറയെ ജീവിത വിജയം കൈവരിക്കുവാൻ പ്രാപ്തരാക്കുവാൻ സഹായിക്കുന്നതിനുള്ള ഒരു സുവർണ്ണാവസരമാണ് ഇത്. യു. കെ ക്നാനായ കത്തോലിക്ക് അസോസിയേഷനിലുള്ള എല്ലാ വിമൺസ് ഫോറം അംഗങ്ങൾക്കും ഈ പരിപാടിയിൽ പങ്കെടുക്കാം.

സ്പീക്കേഴ്സ് ആയി എത്തുന്നത് ടീച്ചർ റീന മാത്യു, ആൽബിൻ എബ്രാഹം എന്നിവരാണ്.

UKKCYL കുട്ടികൾ അമ്മമാർക്ക് എഴുതുന്ന കത്തുകൾ നേരിട്ട് അന്നത്തെ ദിവസത്തെ ക്ലാസ് നയിക്കാനെത്തുന്ന "സ്പീക്കേഴ്സിന്" കൈമാറും (കുട്ടികൾ അവരെഴുതുന്ന കത്തിൽ പേരുകൾ വെയ്ക്കണ്ട ആവശ്യമില്ല – ഇക്കാര്യത്തിൽ UKKCWF, ഈ എഴുത്തുകളുടെ രഹസ്യസ്വഭാവം സൂക്ഷിക്കുന്നതായിരിക്കും). കൂടുതൽ വിവരങ്ങൾക്കായി വിമൺസ് ഫോറം അഡ്ഹോക്ക് കമ്മിറ്റി അംഗങ്ങളായ ലിറ്റി ജിജോയെയോ,(07828424575), ജോമോൾ സന്തോഷി(07833456034) നെയോ ബന്ധപ്പെടാവുന്നതാണ് എന്ന് യൂ കെ കെ സി എ സെൻട്രൽ കമ്മറ്റി അറിയിച്ചു.



Latest

Copyrights@2016.